حنان(ليبية_منقولة)

حنان 1

#حنان

الكاتبة : Beba Pink

《1》
مقعمزه حنان في الخيمه و الناس يعزو فيها على زوجها و هي في عالم ثاني تفكر في اللي صار و تفكر في اللي بيصير وكيف بترجع لجحيم خوتها العصبيين اللي يضربو فيها على اتفه الاسباب اللي مارحموها و هي بنت يابال "ارملة" سرحت حنان وتفكرت اللحظه اللي كانت فيها في حفلة التخرج مع دفعتها و كيف كانت فرحانه انها و اخيرا تخرجت و بتحقق حلمها انها تكمل في مجال ادارة الاعمال وتوصل لطموحها تتفكر في فرحة امها و ابوها المشلول بي بنتهم الوحيده واملهم في هالدنيا وكيف كانت الجامعه زاحمه بالعوائل اللي كانو فرحانين ب ابنائهم الخريجين روحت و دارت حفله صغيره على قدها لانها من عائله بسيطه وقتها لما علت صوت المسجله شويه عشان تفرح هي و صاحباتها وبنات جيرانها سمعت صوت خوها اشرف ينادي فيها ولما جاته ترعش
اشرف:علاش صوت المسجله عالي
حنان:عليتها شويه بس معايا صاحباتي نحتفلو بتخرجنا😰
اشرف:تخرج امك ياكلبه
ضربها بكل قوته و كالعاده ماحد يقدر يدخل ولا يفكها منه و صاحباتها روحو و انحرجو منها و كانت هدي هدية خوها ليها💔
لما جي الليل كانت راقده في حضن امها تبكي من اللي صار وان جسمها كله يوجع فيها وماقدرتش تحكي لبوها لانه بوها عاجز ..شوي و تصلت بيها صاحبتها اللي كانت حاضره خوها لما ضربها و عارفه قصتها الحزينه مع خوتها...
ايناس:حناااان جاك الفرج ربي بيرحمك من هالعيله و اخيراااااا
حنان:شنو فيه؟ حصلتيلي عمل ؟
ايناس: عمل شنو ياغبيه..جايك عريس لووووئطه😍
حنان:عريس شنو؟ اليوم متخرجه اني
ايناس: سعدك ياحنه تخرجتي بمجموع عالي و عريس فلووووس و ولد عيله وناس
حنان:انتي عارفه طول عمري عايشه حياة بسيطه مانبي غير الراحه اللي ماحصلتها مع خوتي
ايناس:وهذا اللي بيريحك و بيدلعك وتفتكي من خوتك المجرمين
سكتت حنان تفكر و قالت في خاطرها :معاها الحق ايناس هذي الطريقه الوحيده اللي بنفتك بيها من خوتي
ايناس: الووووو وين مشيتي
حنان:كلميني عنهم اكثر و وين شافوني؟
ايناس: اليوم في حفلة التخرج شافاتك امه كانت معزومه لحفلة تخرج بنت خوها عجبتيها و جتني كلمتني عليك قاتلي نشبح فيك معاها قلت اكيد صاحبتها وسالتني عن مواليدك و مكان سكنتك و خذت رقمي و ع المغرب كلمتني عليك ...
حنان: غريب!! 🤔
ايناس: شنو الغريب
حنان: قصدي اني مش هذاكه الجمال وعيلتنا على قدها و حتى سكنتنا بعيييده مش حتى في هذيك المناطق
ايناس: وااااك منك كل شي تبي تديريلا ايدين و رجلين هذا ربي ياحبيبتي يبي يعوضك على سنين المر و الهم افرحي ياسرك نكد
حنان:ان شاء الله خير عطيني اسمهم و نقول لبوي و امي عليهم
.........

الكاتبة : Beba Pink

حكت حنان لاهلها و سالو عنهم و القوهم عائله كويسه و معروفه و ليها اسمها فرحت الام ان واخيرا بنتها بترتاح من خوتها اللي ماخلوهاش حتى تدير مقابله شرعيه و تشوفه وتحكي معااه تلفون!!...
حنان فرحت و قالت في خاطرها عااادي المهم نطلع من حوشنا ونحقق طموحي خاصة انهم قالو ماعندهمش مشكله نكمل ماجستير و راضيه بيه مهما كان شكله ..صارت الخطبه و تمت ع خير و ام حنان قريب بتطييير شاده غير التليفون و تقهر في صاحباتها و سلفاتها بخطبة بنتها  من واحد مهندس وعيلته ناس راقيين و عيله محترمه و معروفه و فلووس ..
....
تصلت فاطمه ام العريس ب حنان : كيف حالك ياعروستنا ؟
حنان :الحمدلله ياعمتي كويسه وانتي كيف حالك؟😊
فاطمه:الحمدلله يابنيتي نراجي في الفرح باش تكوني عندنا ولدي حتى هوا مش مصدق امتا تكوني معاه كلنا في الحوش نحبوووك 🐍
حنان قلبها مقبوض: تسلمي ياعمتي ..بس عندي سؤال
فاطمه: اسالي يابنيتي
حنان:اني ماشوفته احمد لعند توا ولا هوا شافني ..
فاطمه :توا نقول لخواته يبعتولك صورته ع الفايبر و هوا يابنيتي ماهو طالب يشوفك يبي يخليها مفاجأه ليه وقالي اني واثق من اختيارك يا امي ...😌
استغربت حنان و حست بالاحراج لانها طلبت تشوفه وهوا ماطلب ...
تمت المكالمه وسكرت فاطمه و كانت جنبها بنتها الكبيره وفاء ..
وفاء: خايفه ربي يحاسبنا ع اللي بنديروه في البنت ياامي
فاطمه:سكري فمك واسكتي حتى هي من زيها بتاخد ولد عيله كبيره عز و جاه يطلعها من الفقر اللي عايشه فيه ومزال تسال فيا"قعدت تقلد في صوت حنان" اني ماشوفته و هوا ماشافني ياعمتي .. شن يبي يشوف فيك ياحسره خليقتك المقلوبه ولا حوايجك الطايبات غير الله غالب على وليدي كان هذا مانزلته للمقامات هااادي...
وفاء: علاش اخترتيها هي ..
فاطمه:القيتها في التخرج من شكلها و بوها المشلول و امها جلبابها البايد عرفتها صيده مليحه لولدي ..عيله درويشه على حالهم مش حيرفضو ولدي ولا حتقدر تفضحه ...