حنان(ليبية_منقولة)

حنان 12

#حنان

الكاتبة : Beba Pink

《12》
فاطمه مزال قاعده شاعله في قلبها النار و القهر من آيه مزال قلبها دم عليها..ومنذر فرحان ان امه وافقت على خطبته منها مش مصدق انه و اخيرا بيرتبط ب حب حياته ..
منذر: آيوتا عمري..مش مصدق اني بنرتبط بيك ..مش مصدق ان امي وافقت على زواجنا..
آيه:يسلملي الرااااجل اللي قاتل العالم كله عشااني
منذر:نعجبك اني ..راجل مش ذكر ..
آيه: باهي ياسيد الرجاله انت .. وين بتسكني..
منذر: مش عارف .. اكيد حنشري حوش نسكنو فيه اني وياك..
آية بصوت دلع: توء توء .. حبيبتك عاجبتها فيلا في نص البلاد تبيش تسكن في غيرها..تبيك تشريهالها..
منذر: تي اني عيوني ليك مش بس الفيلا .. خلاص حتكون لينا ..عطيني عنوانها بسسس واني نتفاهم مع صاحبها..
آيه بخبث: اكيد بتسجلها باسم حبيبتك اللي بتكون حلالك و ام صغارك صح
منذر: علاش .. قصدي باسمي ولا باسمك مافيش فرق ياحبي..
آيه: بلاش خلاص عش نبي حتى نتزوج ..داير الفرق بيننا انت..زعلت اني..
منذر: لا ياحبي لا ماتزعليش ..غير خلي نشريها و كل شي يصير زي ماتبي ..
ضحكت آيه في سرها من سذاجة منذر و انه زي الخاتم في اصبعها و عرفت انها و اخيرا بتقبر الفقر طول العمر..
......الكاتبة : Beba Pink
من بعد ما لمست حنان يد محمد .. قعد حاس بشعووور حلووو ❤ مشى لعمله ،و في طريقه سجل حنان في الكورس ورجع تغدى..
حنان بحماس و هي مقعمزه ع طاولة الغدى:
اليوم درت تشيز كيك هديه بسيطه مني ليك لأنك سجلتني في الكورس ..
محمد وهوا مبتسم ومعجب ببساطتها:زعما طيبه ولااااا....
حنان حست ان ثقتها بنفسها انهزت و انه مرات ماتعجباش ..
حنان: مش عارفه😥
محمد حس ب أنه ملامحها تغيرو ..فهمها ..
محمد:ترا وريني ايديك ..
حنان مستغربه:شنو..
محمد:ايديك وريهملي ..
حنان مدت يدها و هي مستغربه و مرتبكه ..
محمد:لاااا بما انه هما يديك اكيد حتكون طعمتها زي العسسسل 😍
حنان ردت ايدها بسرعه و حست برجفه قوويه في قلبها، وجهها قعد احمر و ابتسمت ابتسامة خجل ..
محمد: طماااطم مش وجه 😂
حنان شبحتلا و زادت تحمرت ..
محمد مع غمزه : لا هكي فراوله 😉
حنان معادش قدرت .. دارات روحها شبعت و رقت لدارها و قلبها بيطلع من مكاااانه ...
و لما قرب موعد الكورس حنان كانت في دارها تجهز في روحها وتحاول تطرح عشان اول مره بتطلع وبتشوف شوارع امريكا و بتتلاقى مع ناس جديده و عالم جديد .. سمعت صوت بابها خبط ..
حنان: تفضل
محمد خش : مزال ماكملتي ..
انتبه انها لابسه جينز ازرق و بلوزه سوده قصيره شوي و وشاح احمر .. شاف ان اللون الاحمر مطلعها حلووه و طرف😍 وان البلوزه فيها الضيق ..اتضايق منها ..قرب منها ..
محمد بضيق : مش حلوه اللبسه .. اللون الاحمر شين عليك.. البلوزه مش حلوه..
حنان تنرفزت من انتقاده وهي من لا شي ثقتها بنفسها صفر.. حست بالاحباط.. نزلت راسها
حنان: حقاا😓
محمد شاف ملامحها تغيرو تنرفز من نفسه كيف طفى الفرحه فعيونها..
محمد: تعالي اني نختارلك ملابس حلوه ..
فتح دولابها القى ان ماعندهاش هلبا ملابس ..
سكر الدولاب و حط يده في جيوبه و قعد يشبحلها ..
حنان بصوت هادي: خيرك .. تشبحلي😕
محمد: تعرفي شنو ...
حنان مزال تشبحله ..
محمد: فوتي الكورس اليوم..
حنان بنظرة وصوت كله ترجي: لا محمد ماتتراجع نبي نتعلمها اللغه ..ارجوووك🥺
محمد عيونه ذبلو مع نظرتها و نبرة صوتها ..
محمد: خلي في بالك حاجه عمري مانعطي كلمه و نتراجع عليها.. بس اليوم فوتيه الكورس عشان نمشو نديرو دوره في المحلات تشري حوايج و ندهور بيك في البلاد ...
حنان فتحت فمها : تبصر ولا؟.. واعي انت؟
محمد: اااايييه خلاص بلاش منها الطلعه ..توا كان طلعنا بيكم ووه وكان قعدنا ووه ..نكد ماشي مع جيناتهم🤨
حنان :لالا خلاص سكتت ..
وعطتلا نظرة هكي 🥺..
محمد ماقدرش يزيد يشبحلها قعد يتهرب بعيونه..
محمد:هيا باهي ..ماتطوليش ..
حنان: خلاص واتيه 🤩
محمد شبح فيها و قام حاجبه: البلوزه ضيقه .. غيريها..
وطلع ... حنان ابتسمت ..عرفت ان لما قاللها البلوزه شينه معناها ضيقه و مايبيهاش تطلع هكي ..
غيرت اللبسه و لبست حاجه أوسع ..
حنان في داخلها: علاش تصرف هكي .. يلا يلا مش مهم المهم نطلع و نغير جووي 😍
...........الكاتبة : Beba Pink
ايناس فرحانه بأول يوم ليها في العمل مقعمزه في مكتبها المشترك مع منى زميلتها في العمل وفي  ايام الدراسه في الجامعه  ..
منى: انستينا في العمل ..ان شاء الله تفيدينا و نفيدوك..
ايناس بفرح : شكرا ليك الله يآنسك ..
منى تشوف لايناس بحسد .. طول عمرها ماتحبهاش هي و حنان كانو ديما ذكيات و متفوقات و الدكاتره يحبوهم و يحترمو فيهم ..بالذات لما عرفت انه مدير العمل اثنى على امتحان القبول اللي داره لايناس قبل ما يقبلها في العمل...
منى من نفس عمر ايناس ..بس بنت حسوووده حقووده و من النوع اللي لما تحسد تستعمل الخبث عشان تدمر الشخص اللي حاسده منه..
.....الكاتبة : Beba Pink
حنان ركبت في السياره جنب محمد و هي مرتبكه اول مره تركب معاه في سياره بروحهم.. فتحت الروشن حست روحها مخنوقه،بس محمد سكر الروشن ..
محمد: سكريه الجو مصقع ..ولاتبينا نمرضو🤨
حنان تشبح لمحمد ب ارتباك:خايفه ..
محمد:علاش ..
حنان:قداش ليا ماطلعت..و الكورس حنمشيلا بكرا ..وهما ناس جديده و عاداتهم و حياتهم مش زينا..
محمد ابتسملها:هوا صح حياتهم غيرنا احني ،وانتبهي لأنها مليانه بالمغريات،بس انتي خليك فحالك خودي درسك و ماتختلطيش بيهم مبدئيا، لانك مش حتعرفي تتعاملي معاهم ،الا لما تكوني متعوده على بيئتهم .. خاصة الشباب ماتقربيش منهم ولا تخلي حد يسلم عليك ..لانه حتى سلامهم مش زي سلامنا ..فهمتي ..
حنان تحشمت وفهمت ان يقصد سلامهم بوس و احضان..
حنان:ايه فهمت ..عندي فكره على حياتهم..
محمد:مش زي لما تخالطيهم .. اني مع اني مانعرفك كويس بس نزبط البنت من عيونها نعرف اللي رزينه و اللي خفيفه و بسرعه ماتنجر ،و عارف انك حتقدري تتصرفي في المواقف اللي هكي ..ولو حد فيهم ضايقك ..قوليلي ..واني حناخد حقك منهم...
حنان حست بالراحه مع كلامه وهدت شوي شبحتلا و سكتت ...
محمد  شبحلها و التمس الاطمئنان في عيونها ، ولع السياره وبدا يسوق ...حنان قعدت تشوف للناس و للشوارع عالم ثاني حياة ثانيه غير حياتنا في ليبيا ملابسهم عاداتهم كل شي مختلف .. شويه ووصلو للمول نزلت معاه و خشو للمول كان كبييييير و زاحم هلبا ..حست بالخوف و التوتر قداش ليها ماطلعت و ماختلطت مع ناس في الاسواق من قبل ماتتزوج احمد ..حتى مع خوتها كان ممنوع الطلوع للاماكن الزاحمه بالناس و المختلطه .. حست حنان بالخوف .. محمد شعر بخوف حنان و توترها و ارتباكها .. مدلها يده .. حنان جت عينها في عين محمد .. حست بالامان في عيونه و الراحه .. ترددت شوي بعدين مدتلا يدها ..شد على يدها و مشو هما الزوز و ايديهم في بعضهم❤..
حنان في البدايه حست قلبها بيطلع اول مره تمسك يد راجل ..اخر واحد مسكت يده ومشت معاه كان بوها زمان لما كانت صغيره قبل ماينشل ..وتوا الراجل الثاني هوا "محمد".. دقايق و حست بالامان معاه وحست بشعور اول مره تحسه .. بينما محمد حس روحه حاط قطعه منه في يده ..قطعه منه واجب عليه يحميها و يدير باله عليها من كل شي ...
خشو حنان و محمد لمحل في المول متع ملابس حوش
وقف محمد قدام بيجاما حمرا ..
محمد :حنان تعالي شوفي هادي حلوه..
حنان مستغربه:مش قلتلي اللون الاحمر مش حلو عليك..
محمد:مش حلو عليك في الشارع ..بس في الحوش يهبل😍
حنان :كيف يعني شنو الفرق ..
محمد انتبه لروحه و قعد يرقع فيها..
محمد:قصدي في الشمس يبان مش حلو بس مع إضاءة الحوش يهبلللل ..
حنان مزال مش فاهمه و تشبحله .. محمد عرفها بتزيد تسأل خلاها و دار روحه يدور في بيجامات تانيات..
شوي و جي البياع يسأل فيها .. محمد شافه قرب منها جي بسرعه وقف جنب حنان..
البياع: هل تريدنني ان اساعدك ..؟
حنان لانه البياع يتكلم انجليزي نص فهماته و نص لا..
حنان تلفتت لمحمد :شنو يقول هذا ..
محمد بيتكلم .. قاطعه البياع ..
البياع جاب ماليه لونها بني و وراها لحنان..
البياع:انظري هذا اللون جميل عليكِ ..أنه متناسق مع لون القهوى في عينيكِ..
محمد ماقدرش يمسك نفسه .. دار يده كوره و عطا بيها بووكس للبياع ..
محمد: اتمنى ان تكون الآن قد رأيت القهوى جيدا😡
حنان مش فاهمه شي ولا شنو صار بس عرفت ان البياع قال حاجه عنها ومحمد عطاه على وجهه..
حنان :ححي علاش ضربته ؟ شنو فيه ؟
محمد مسك حنان من يدها بكل قوته و طلعها من المحل ..
بعد طلعو منه ..
حنان:آآآي يدي .. خيرك شنو فيه ..
محمد و اعصابه تالفات:تافه حيوان ..
حنان:علاش هكي ضربته المسكين ...
محمد و زادت ناره: مصحححك ..اتدافعي عنه مزال ..
حنان:شنو قال باهي .. فهمت كلمة قهوى بس اني ..
محمد وهوا يقلد في صوت البياع:" هذا اللون حلو زي لون القهوى اللي فعيونك".. كلب ولد اليهود ..
حنان حست ب احساااااس حلووو من تصرف محمد و كيف ضرب البياع على خاطرها ..
حنان:يا حليييييلي محلا كلامه .. 😍
محمد خلاااص الدخان بيطلع من خشمه..
محمد: ياحليلك هااه ياحلييلك..كان ماتسكتي توا نرجع نفقعله عينه الثانيه😡
حنان: لالا خلاص سكتنااااا 😑
قعدو ساعات في المول ..خذت كل شي خاطرها فيه ..اول مره تاخد كل شي تبيه.. ملابس حوش طلعات احذيه شناطي ..كككككل ما تشتهييه المرأه ..
بعد ماكملو التسوق ركبو في السياره ...
محمد: حاس روحي جعااااااان😟
حنان بتعب: حتى اني🥺
محمد:تعالي نمشو للكافي نطلبو اكل و ناكلوه في مكاني السري ..
حنان: وين مكانك هذا ..
محمد غمزلها: تو تشوفيه.. وعلى فكره اول مره نوريه لحد..😉
حنان : يلا توا نشوفوه كيف شكلا 😊.
"حنان زي أي انثى لما تطلع تتسوق و تشري كل شي خاطرها فيها تتغير نفسيتها للمليووون.. نبدو تقول شامين مخدرات 😂"
.........
 
الكاتبة : Beba Pink