حنان(ليبية_منقولة)

حنان 15

#حنان

الكاتبة : Beba Pink
《15》
محمد مش مستوعب انه حنان حضناته قعد فاتح يده ماعرفش يحضنها ولا لا .. عنده رغبه قووويه ان يحضنها ..قاااوم هالرغبه .. بس لما رفعت عينها و شاف الخوف في عيونها زي عادته حس بالضعف قدامهم .. ماقدرش يهرب زي كل مره ...و حضنها ...
لحظات واستوعبت حنان انها في حضن محمد..بعدت عنه بشكل سريع شبحتلا و عيونها فيهم صدمه. ومشاعرها متلخبطات ..بين مشاعر امان و حنان و خجل و انصهار..
و محمد يشبحلها و يحاول يقرا عيونها.. ويعرف احساسها.. يحاول يتحكم في نفسه ..تمنى لو ان اللحظه هادي ادووم ..اللحظه اللي هي قاعده في حضنه وحاس بنبضها و بحرارة جسمها وانفاسها.. حس بجاذبيه قوويه ليها.. كان يبي يقرب منها اكثر ... بس حنان استوعبت اللي بيصير واللي صار ..مشت عنه و طلعت من القبو و رقت لدارها تجري ..
بينما محمد رقى من الدروج خطوه خطوه .. مبتسم و عيونه فيهم لمعه.. وكأنه في عالم ثاني ..
حنان قفلت عليها الدار و قعدت واقفه سانده ظهرها ع الباب .. وتحاول تستوعب اللي صار.. حست بمشاعر اول مره تحس بيهم ..راحه و امان و سعاده وخجل، وجهها احمررر ،انفاسها سريعه ، قلبها يدق ومشاعرها متلخبطه...وقعدت تفكر كيف بتقابل وجهه بكرا..انرسمت على وجهها ابتسامه حلوه ..جت لسريرها حااولت ترقد ..بس النوم خانها و ماجاهاش ..قعدت تفكر في كل لحظه ..وسؤال واحد في بالها
(اني علاش نفكر فيه؟)..
و محمد رقى فات قدام دارها و وقف .. و قعد يشبح للباب و هوا مبتسم .. حط يده على قلبه❤ .. وكمل طريقه لداره .. و نسى حتى شغله اللي كان بيكمله ..كل مابيحاول يرقد،يتذكر حنان و هي في حضنه ،يتذكر احساسه ب نبضها بين ضلوعه ،خوفها اللي لما حست بيه مالقتش الا انها ترتمي في حضنه وكأنها تقوله "أماني معاك انت وبس"...❤🔥
.........
ايناس مقعمزه تتغدى مع عيلتها وصلها مسج زي ماتعودت كل مره .. ناضت من السفره و خشت لدارها..فتحت المسج من الشخص المجهول..
...:محلاك اليوم بالازرق 😍
كالعاده ايناس تضرب للرقم عشان تعرف منو ..بس المجهول مايردش عليها ...وصلها مسج ثاني ..
....: نحبك ..
ايناس قلبها دق .. قالت في خاطرها: اكيد مهند مافيش غيرا هوا الوحيد اللي يعطيني في نظرات اعجاب في العمل 😍... اووووف مش عارفه كيف نتصرف !! ...
.......الكاتبة : Beba Pink
جي الصبح ..و محمد وحنان ماذاقوش طعم النوم .. حنان متحشمه تنزل تفطر .. بينما محمد نازل بكل حيويه و نشاط 🤩 ..خش للمطبخ مالقاش حنان ولا فطور حنان ..عرفها متحشمه منه .. رقالها خبط على الباب ..
حنان قلبها انقبض وعرفت انه محمد على الباب مافيش غيره ، تغطت و دارت روحها راقده و ماتسمعش ،حطت في بالها انها لو ماردت مش حيخشلها داخل ..
لكن ظنها مش في مكانه .. محمد فتح الباب ..القاها متغطيه يحسابها مزال راقده..خش بهدوووء و نزل على ركبته على مستوى سرير حنان..قعد يشبحلها ويركز في ملامحها و تفاصيلها..ياكل فيها بعيونه ..
محمد في خاطره:ربي يصبرك يامحمد😥😥
حنان مغمضه عيونها و مرتبكه ..بالذات بعد لقاته طول جنبها و حست انه قاعد يشبحلها ..
محمد بصوت اقرب للهمس: حنااان .. حنااان .. نوضي .. صبح راهو..
حنان ماردتش وزادت غمضت عيونها و انفاسها زادو ووجها قعد احمررر .. 🍓
هنا محمد ابتسم ، عرف انها تصطنع في النوم وانها متحشمه منه ..
محمد يبي ينرفزها: الحشم هذا كله من حضن ..امالا كان بوسناك كيف..🤔
هنا حنان معاد قدرت .. غطت وجهها و لفاته للجيهه الثانيه و قالت: اسكت عني.. واطلع🙈🙈
محمد قعد يضحك: باهي هااه سكتنا .. بس جعان راهو نوضي ديري لحضنك فطور ..راهو مره تانيه تخافي معاد تلقي من تحضني راه ..
حنان ناضت و لوحت المخده على محمد: يا بارد 😫
ومحمد لين عيونه دمعو من الضحك ..
خشت حنان للحمام غسلت ،و نزلت للمطبخ تجهز في الفطور و ماتبيش عينها يجو في عيون محمد ..
بس محمد مش قاادر ينزل عينه منها و يزيد يستفز فيها و يعصب فيها..
محمد:تعرفي البمبله اللي القيتيها امس متع منو..
حنان باهتمام:متع منو ..
محمد:متع بنت صاحب الحوش الاول ..
حنان وهي تكمل في شغلها:اهاا ..وعلاش مخليتها ..
محمد: نسوها شكلهم ..
سكت شوي و بعدها كمل ..
محمد :تبي ننزلو نشوفوها مره تانيه 😉
حنان ماسكه ضحكتها و ماتبيش تتلفت فيه: لا مانبيش
محمد: غير يلا ..5دقايق بس ..
حنان وماتبيش تضحك: خلاص عاد قلنا لا..
محمد : بااااااهي ..😒
جهزت الفطور و قعمزت ع الطاوله جنبه ..
محمد: توا بعد نروح من العمل بنجيب شي مهم ..
حنان شبحتلا ب اهتمام وجديه : شنو هوا ؟؟
محمد: كل اجزاء آنا بيل ..تعرفي علاش؟
حنان بتركيز اكثر: علاش؟؟
محمد مع غمزه: باش مع كل جزء ننزلو للقبو و نوريلك انه مش مسكون😉😉
حنان تلون وجهها و ناضت معصبه: يابااارد 😢
كانت بترقى لدارها بس محمد وقف و مسكها من يدها وقربها ليه ..
محمد: استني..
حنان ماتبيش تشبح فيه..
محمد : اشبحيلي هنا...
حنان: خلي يدي مانبيش نشبح..
محمد زاد كرب على يدها.. لصقها ع الحيط ..و سكر عليها بيده باش ماتهربش ..
حنان توجعت وشبحتلا: اااي خيرك هبلت انت..
محمد وعيونه سارحات فيها وبصوت هادي: ايه اهبلت..
حنان ركزت فعيونه ماقدرتش تنزل عينها حست بشعور حلو حست روحها وكأنها القت امان و راحه مالقتهمش طول حياتها..حست بشعور اول مره تحس بيه ..
محمد حس روحه انجذبلها حس انه بيقرب منها اكثر حس انه في قوة عظيمه تسحب فيه ليهاا.. بس ..

صوت الاشعار اللي جاه على تليفونه.. طلعهم من حالة السحر اللي كانو فيها .. سحبت حنان يدها بسرعه وكأنها فاقت من غيبوبه.. محمد شاف لتليفونه.. لقى اشعار تنبيه مكتوب فيه ..
" اخيرا مر شهر الثاني وبنفتك منها"...
"لو تتذكرو ان محمد دار منبه ينبهه كل ما يمر شهر من زواجه من حنان لين يتمو ال4شهور .. حس محمد ان قلبه بيوقف حس انه قعد يبي المده معاها تمشي على  مهلها حس روحه ان يبيها للعمر كله مش بس شهرين تانيات.. حنان شافت لملامحه اللي بان عليهم الحزن و ماعرفتش خيرا ..
حنان: ان شاء الله خير ..شنو فيه؟
محمد نزل تليفونه : لالا مافيش .. هيا اني ماشي نشوفك ع موعد الكورس ..
حنان: مش حتتغدى هني..
محمد بجفاف: لا ماتراجينيش..
ومشى .. قعدت حنان تشبحلا لين اختفى من قدامها ..وهي مستغربه من تغيره المفاجئ و شنو الاشعار اللي جاه ع التليفون ....
.........الكاتبة : Beba Pink
آيه و منذر طالعين من مكتب المحامي : مش مصدقه انه الفيلا قعدت ب اسمي 😍😍
منذر: مزال ياعمري بنشريلك حتى سياره و اختاري الموديل اللي تبيه .. ومزال بنحولك مبلغ ثاني تفتحي بيه مشروع ..
آيه: مستحيل تكون امك عندها علم بالوعود هادي..
منذر: امي عندها علم ان بنشري الفيلا و هي اللي عطتني فلوسها ..بس ماتعرفش اني سجلتها ب اسمك ..ردي بالك تقوليلها ..
آيه بخبث: اطمن حبيبي فيش حد بيعرف ..بس السياره اللي بتشريها و فلوس المشروع من وين بتجيبهم..
منذر:نعرف الرقم السري متع الخزنه اللي فيها رزقنا وامي ماتعرفش اني نعرفه الرقم من ايامات بوي حي كاين يفتح فيها قدامي لاني كنت صغير ،مايحسابش اني حفظته ..و بعدين اساسا هما فلوسنا اني وخوتي..بس امي لما توفى بوي دستهم عنا و قعمزت عليهم بروحها و قعدت تحسب علينا في القرش ..
آيه لمعت عيونها:اني حبيبتك و خطيبك كان شنو القيت دهب في الخزنه جيبهم ندسهملك ..اني وانت واحد..🐍
منذر:اكيد ياعمري مافيش فرق بيننا .🐏🐏
"منذر على جماله كله لكن غبي و قدرت آيه تضحك عليه .. مش ديما الجمال يعني الكمال ..خاصة في الراجل العقل و النباهه قبل كل شي "
.........
محمد في العمل متاعه ماقدرش يخدم ولا يدير شي كل تفكيره في حنان و كيف بيقدر يعيش من غيرها..
محمد: شن درت في روحي اني .. معقوله في شهرين بس يصير معايا هكي ... معقوله بعد شهرين خلاص معاد فيه حنان ..بتسيبني .. كيف بندير بلاها ..شكلي بديت نتعود عليها ..لا ..شكلي بديت نحبها .. اوفففففف ..
لالا .. مانبيش نحب ولا نفكر في شي .. خلاص شهرين و كل حد فينا يمشي يكمل حياته بروحه ... حنحاول نقاوم مشاعري و نتصرف معاها بجفاف ..
وقعد ع الحال هذا، مره مش قادر يصبر بلاها و مره يضحك على روحه بكلمة عاادي و قلبه موجوع ومش متقبل فكرة فراقه لحنان...💔
.........
الكاتبة : Beba Pink