حنان(ليبية_منقولة)

حنان 13

#حنان

الكاتبة : Beba Pink

《13》
مشى محمد بسيارته مسافه طوويله و طول الطريق و هما ساكتين و اللي حاسين بيه داخلهم مش قادرين يعترفو بيه حتى بينهم و بين نفسهم .. معترفين بشي واحد انهم توا مرتاحين بوجود بعضهم وبس..
درس محمد سيارته في مكان حلوو وكأنه خيال و كأنه في كوكب ثاني .. مكان على حافه عااليه فيه شجره كبيييره و ارض خضرا على مد البصر.. الوقت كان غروب والجو هااادي ..وقفت السياره قعدت حنان تشوف للمكان باعجاب، دقق محمد في عيونها عرف انه المكان عجبها ..
محمد: هااه ..شنو رايك في مكاني السري..
حنان بفرح وعيونها معلقات في الروشن: يهبببببل ..خيال ..وكأني في فيلم "سيد الخواتم"😍
محمد: هههههه هيا انزلي معناها بالك نلقو "الهوبيت"..
ضحكت حنان و نزلت ونزل محمد وراها و وقف بعيد عنها بمسافه قصيره..وقفت ع المكان المرتفع وقدامها جبال مغطي قمتهم الثلوج ..حست بالهوا النقي يتدفق لصدرها ..خذت انفاس عميقه .. تأملت المكان فتره ..وفجأه عيونها دمعوو ..جتها رغبه قويه في البكاء .. محمد قعد مركز فيها ..وكأنه كان متوقعها تبكي..قعد يشبحلها و هي تبكي ..دموعها ينزلو من غير صوت .. وقف محمد جنبها .. وعرف ان اللحظه اللي بيعرف فيها سر حنان قربت ..
محمد و هوا يحفز فيها تطلع اللي في قلبها
قال: عندي رغبه نبي نصرخ با اعلى صوتي ..
حنان حست روحها تبي تصرخ تبي تعيط تبي اتطلع الهم و الحزن من قلبها تبي اتفرغ التراكمات اللي في داخلها ، بلا شعور منها قعدت تصرخ و تعيط بصوت عالي وكأنها كانت تراجي في اشاره من محمد باش تاخد راحتها في العياط ..حست انها تنظف في نفسها من الطاقه السلبيه و من حياتها السوده اللي كانت عايشتها ..ظلم خوتها ليها..مرض بوها وقلة حيلتهم في علاجه .. قصتها مع احمد اللي كان يخلي فيها تدفع ثمن عجزه اللي هي اساسا ماليهاش دخل بيها ..وتهديدات امه ليها اللي مستقويه عليها و مستغله ضعفها ..
محمد حس قلبه موجوع عليها تأكد انها بنت عاااانت فحياتها هلبااا قعد واقف يشبحلها و قلبه موجوع عليها ..
حنان انهارات و قعمزت رجليها معاد قدرو يوقفوها .. سندها محمد بدراعه لين ارتاحت على الارض ..
قعمز جنبها وقعد يشبحلها يشوف فيها و يحاول يعرف انها جاهزه اتطلع اللي في قلبها او لا ....
فترة و هديت و قعدت تشبح للغروب قدامها وهي ساكته و حاسه بالسلام الداخلي بعد فرغت اللي كان كابت ع قلبها .. قداش كانت تتمنى من زمان تمشي لمكان تعيط فيه براحتها و بأعلى صوتها .. حست انه محمد فهمها و فهم حاجتها لمكان زي هذا..
محمد بصوت هادي : حنان....
حنان :نعم ..
محمد وهوا يشبحلها:شنو قصتك ياحنان؟
حنان تلفتت جيهته و قعدت تشبح فيه رجعت شافت للغروب ..و تكلمت .....
كانو شفايفها يرعشو وعيونها منفوخات من البكا قالت بصوت مبحووح: اني بنت مارتاحتش فحياتها ..ظلموني خوتي هلباااا..كانو كل يوم يضربو فيا..ماخلونيش نحقق ولا حلم من احلامي، لو كان النفس بيدهم راهو منعوه عني...لما تقدملي احمد فرحت قلت و اخيرا بنفتك من ظلمهم و معاملتهم السيئه ليا ..واخيرا بنكمل قرايتي زي ما كنت نحلم .. بس ....
محمد لما قالت بس نزل راسه و توقع اللي بتقوله ..
من تلقيحاتها السابقه على عيلته عرف انها بتقول انه خوه احمد شارك في ظلمها ..
حنان دموعها نزلو تابعت كلامها: بس ... احمد كان اقسى منهم.. كان يحبس فيا بالايام في الدار لا اكل لاشرب ..كان يضرب فيا من غير سبب..كان يعذب فيا ..جسمي كان كله كدمات وآثار ضرب و تعذيب .. كان...
سكتت حنان ..فضلت انها تحتفظ بالسر...
محمد كان مش قادر يتحمل العذاب اللي تحملاته قعد يقبض على ايديه بكل قوته حس انه قعد يلوم في روحه علاش ماجاش و ساعدها رغم انه وقتها ماكانش يعرفها،حس روحه الوصي و المسؤل عنها من لما نولدت لعند اليوم ..
حنان شافت فعيون محمد لقتهم ناار: انت مش مصدقني ..
محمد شبح لعيونها و الدموع اللي ينزلو منهم : مصدقك ياحنان مصدقك .. اني بس مصدوم في خوي و في الشي اللي داره معاك احني عيله ماعندناش فيه جو ضرب البنات .. بس شكله خوي هذا غير عنا... اني ياحنان مش زي خوي ..مانحبش الظلم ولا نحب حد يستقوى على انثى او يمد يده عليها مهما كان غلطها ..الرسول عليه الصلاة و السلام موصينا عليهم اننا نرفقو بيهم و نعاملوهم معامله حسنه و ورقيقه و كأنه نتعاملو مع حاجه ثمينه مانبوهاش تتكسر او تنخدش .. الانثى ما يكرمهاش الا الكريم ياحنان..
حنان: عليه الصلاة و السلام ..
حنان قعدت تشبح لمحمد باعجاب على كلامه و تمنت ان حظها من البداية طيحها في محمد مش في خوه ..
محمد حس ان عندها كلام مزال ماقالته ليه ..وخاصة امه شاك من تلقيحات حنان السابقه انه فيه شي يخص امه مزال ماقالته ليه ..
محمد وهوا مركز في عيونها قال:الحمدلله انه امي معاملتها كويسه معاك ..
حنان في خاطرها: اااه يامحمد كان نحكيلك على امك و عمايلها ...
حنان هربت بعيونها عنه عشان مايقراش عيونها لانها حست انه محمد قعد يفهم فيها ..
قالت:الحمدلله الحمدلله ..مش حاس انه الجو صقّع
حس محمد انها ماتبيش تزيد تحكي شي وانها تبي تغير الموضوع ...
محمد: اني اسف ياحنان بالنيابه عن خوي و الايام اللي عيشهم ليك..اني عارف ان الاسف مابيغير شي ولا بيردلك حقك ولا بيضمد جروحك .. بس..
قاطعاته حنان: كل ايد تمسح على وجهها زي مايقولو..انت بريء من عمايل خوك..توا هوا في دار الحق و ربي يتولاه ..
نزل محمد راسه...
حنان مسحت دموعها بسرعه و وقفت : وين االبرغر و البيتزا..ولا بلعاني تلهي فيا باش تاكلهم بروحك🤨
وقف محمد و ابتسم : عاد فرسة نهر ماتقدرش تقعد من غير ماكله ..
حنان بعد ماتنرفزت منه: ياريته عافس عليك فرس النهر.
محمد قعد يضحك ..قلع جاكته و حطها على حنان  ودفاها بيها كويس ،شبحلها بنظره كلها حنية ،
وقف وقال وهوا يفتح في باب السياره باش يجيب كيس الاكل : انطلق هاللسان بعد فرغتي شحنتك..😑
ضحكت حنان ع كلامه و قعمزو كلو وبعد كملو ركبو السياره و روحو الحوش ..
........الكاتبة : Beba Pink
فاطمه مقعمزه و تخمم في قصة منذر و آيه وجنبها وفاء ..
وفاء: ماما شنو صار في محمد و حنان ..كلمتيهم؟
فاطمه: حنان ماعندهاش رقم ..سألت محمد عن رقمها قالي مزال ماشريتلها خط..
وفاء: زعما شنو وضعهم مع بعضهم؟
فاطمه بعد تنهيده: مش فاضيتلهم توا كل تفكيري  في الفاسده اللي بتاخد ولدي و اني نتفرج ..
وفاء: خلاص يا ماما خليهم يعيشو حياتهم هما الزوز يبو بعضهم علاش كل هالتعقيد..
فاطمه: يعيشو عينهم ،هذا وليدي اني كبرته و ربيته عشان عقابها ياخدلي بنت سناء اللي سمعتها في فم اللي يسوى و اللي مايسوى ..
وفاء: استغفر الله ..
فاطمه: كيف بنمشيلها و بنطلبها منها..ياريت نموت و لا نوصل لليوم هداكه
وفاء: بعيد الشر عليك ياريته فيهم ولا فيك..
.........الكاتبة : Beba Pink
ايناس وهي قاعده ع السرير تحاول ترقد .. وصلها مسج ع تليفونها من رقم مجهول ..
...: "اروع بنت نشوفها في حياتي ..نورت الشركه بوجودك فيها.."
ايناس قرت المسج اكثر من مره ..حاولت تحزر منو اللي بعتلها المسج ماعرفت ،دخلت الرقم على كاشف الارقام ماطلعلهاش شي.. حطت راسها ع المخده و دماغها مشغول ب اللي بعتلها المسج ومن يكون ...
................الكاتبة : Beba Pink
بعد ماروحو حنان و محمد للحوش ..مشت حنان لدارها و دارت دوش و دورت في ملابسها الجديده اي حاجه حمرا، بس لأنه محمد قاللها اللون الاحمر حلو عليك في الحوش....القت قفطان احمر ربع كم واسع شوي لعند تحت الركبه، تذكرت انها شاريه روج خفييييف احمر حطت منه وكانت اول مره تحط حاجة مكياج من لما كانت عند احمد وكانت وقتها تحط فيه في المناسبات متاعات عيلتهم و بس ...
نزلت و القت محمد فاتح اللابتوب متاعه ع الطاوله و مقعمز ع الارض يقضي في اعماله، جت قدامه تبيه يشوف القفطان.. القاته ما انتبهلها كان غااطس في العمل، حاولت تصدر اي حركه ما انتبهشش...
تنرفزت حنان منه قعمزت ع الصالون تدور في شي تلفت نظره بيه..، تذكرت التشيز كيك اللي دارتهاله هديه.. مشت دارت نسكافيه و حطتلا من الكيك ..
حطتهم ع الطاوله جنب اللابتوب ...
حنان:تفضل ..ذوق الكيك اللي درتهالك ..
محمد من غير يشبحلها ولا يشبح للكيك و عيونه ع شاشة اللابتوب : شكراا..
حنان تنرفزت من بروده ...
حنان: هفففففففف ...
محمد من غير مايشبحلها: خيرك تنفخي قريب طيرتيني ..
حنان: شي ..
حنان في داخلها:اساسا اني علاش نبيه يشوفني😒 وكان ماشافني يعني..وعلاش لبست اللون اللي يحبه .. حتى اني تافهه و نستاهل ...
حنان: بنمشي نرقد..
وقفت حنان تبي تمشي ...
محمد هذا وين تلفتلها.. وشافها .. وشاف القفطان عليها.. و الروج  الخفيف اللي زايدها حلاوه ..قعد فاتح فمه وعيونه يفصلو فيها ..
حنان انحرجت من نظراته المتفحصه ليها..ندمت اصلا انها لبساته و انها من بدري تحاول تلف نظره ..
محمد بصوت زي الهمس: تهبلي ...
حنان حست وكأنه نبضها وقف و ملامحها تجمدو ..
مشت من قدامه بسرعه وقالت:تصبح على خير ..
محمد وقف و ناداها: حنان ..
حنان تلفتتلا بارتباك: ننعهم..
محمد:ماترقديش .. خليك معاي ..
حنان:آآ .. بس انت بتشتغل توا ..و..
محمد سكر اللابتوب بسرعه و قال: كملت ..
حنان دورت حجه مالقتش ..رجعت و قعمزت في مكانها،
ومحمد قعمز قريب منها .. و عيونه مزال عليها ..
حنان زاااادت ارتبكت ...حاولت تلهيه بشي ثاني ..
قالت: الكيك ما ذوقتاش ..
قدمت شوي و جابتلا المق متاعه و جنبه طرف كيك..
محمد خداه منها و مزال عقله مش معاه ،قاعد يحاول يسيطر ع نفسه ..
قعد ياكل في التشيز كيك و عيونه مزاال عليها وكأن اول مره يشوفها ..
حنان تهرب بعيونها 👀..لحظات .. وسألاته ..
حنان: هااه ..شنو رايك فيه ..
محمد ومزال عقله فيها:حلوه ..تهبلي ..
حنان وجهها خطوووط :منو ..شنو ..
محمد بصوت مبحوح:هاااه .. قصدي حلو و طعمته مش عاديه ..حلووووو بكل تعرفي ..يهبللل.. هكي تحسيه تقول ملاك نازل من الجنه ..مافيها مايتلوح ..
حنان عرفت انه يقصدها..تحشمت وقعدت تهرب بعيونها يمين و يسار .. حست بمشاعر حلوه ..اول مره تحس روحها انثى.. وانها مرغوبه ..وانه حد حسسها بشعور حلوو..
حنان لما القاته مزال يتفحص فيها وقفت و هربت:اممم ..هيا.. بنرقد اني نعست .. تصبح على خير محمد ..
محمد تبعها بعيونه لعند اختفت من الدروج قال بصوت وااااطي: احلى من قال محمد و احلى من لبس احمر😍
.................
لما جي الصبح فاق محمد قبل حنان و قعد ماشي جاي قدام دارها يستنى فيها تنوض .. حنان حست بالحركه برا ..طلعت تبي تعرف شنو فيه ..
حنان شعرها مطلوق و مشفشف ولابسه نفس قفطان امس ومزال عيونها ناعسات ..فتحت الباب ..شافها محمد قال بصوت واطي:زيديني توا على مافيا..
حنان ماسمعاته ..قالت:ششنو ..
محمد:صباح الخير ..
حنان تمسح في عيونها و تتكسل ..
حنان:صباح النور ..
محمد :مزال نعسانه...
حنان:شوي ..بس توا ننزل ندير الفطور ونصحصح ..
محمد في داخله وعيونه عليها:انتي الفطور و المربى و الزبده ..
حنان : وين سرحت ..
محمد:فيك ..
حنان هذا وين وعت و صحصحت: كيف فيا ..😳
محمد:قصدي ..الفطور هيا ورايا عمل ..
حنان ابتسمت : هيا دقايق نغسل و نجهزه ليك ..
خشت للحمام .. وعيون محمد تلحق فيها 😍
..............
الكاتبة : Beba Pink