#حنان
الكاتبة : Beba Pink
《9》
نزلت حنان جهزت الغدى و حطاته ع طاولة الاكل و قعدت مقعمزه تراجي فيه يطلع .. لما طول ماطلعش من مكتبه الخاص بيه اللي دايره في الحوش ..قررت تمشي للمكتب عشان تناديه لما قربت توصل للمكتب ..تفاجأت بيه فتح الباب عشان يطلع لانه حس بالجوع و شم ريحة الاكل ..وقفت حنان شبحتله نظره سريعه و نزلت عيونها: الغدى جاهز ..
محمد: جاي ..
سبقاته حنان و قعمزت ع الكرسي و هوا قعمز على راس الطاوله ..
صبتله اكل .. و قعد ياكل .. وهي تجمدت في مكانها ..
محمد: كولي .. ولا حاطتلي سم في الماكله ..
حنان ببرود: مرات..🙂
محمد بعتب مصطنع: للدرجه هادي قلبك مليان عليا
حنان: قلبي؟؟
محمد: عاد قولي توا ماعندك قلب ..🤨
حنان سكتت ..
كمل محمد اكله ومره مره يشبحلها لين بدت تاكل بهدوووء وبحذر تقول بيهجم عليها ..
محمد: اووو شكلك شيف ممتاز في التطييب🤩
حنان ابتسمت و نزلت راسها و خدودها حمرو اول مره حد يمدحها في شي داراته حست روحها تقول دارت انجاز عظيم .. سكتت ماعرفت شنو تقول
محمد: المفروض يقولو شكرا ولا صحه ..
حنان: ااا شكرا صحيت ااقصدي عفوا قصدي..
قطع كلامها ولكلكتها ضحكة محمد من قلبه لين عيونه دمعو ..حنان تنرفزت وحست روحها انحرجت و ندمت حتى انها طيبتلا ..
حنان: علاش تضحك 😡
محمد بصوت هادي و مبحوح: ملامحك .. خجلك .. كلماتك.. كل تفاصيلك هادي ضحكتني
حنان قلبها دق .. دقه قويه حست قلبها بيطلع و اول مره يدق قلبها ❤..
حنان سكتت حاسه بخجل ب احراج مش عارفه من شنو وعلاش ..
وقفت حنان فجأه بتمشي ..
محمد: مسرع شبعتي ..
حنان: ايه الحمدلله ..
محمد: ع اساس كيوت و تاكلي شوي قدامي وانتي كان نقلب عليك نلقاك في المطبخ مدايره طنجره و تاكل بالساقم😂 رجع محمد يضحك ..
وهي استفزتها ضحكته مشت و سيبتلا المكان و رقت لدارها ..
محمد قال في داخله :محلاها وهي متنرفزه و هي خجلانه 😍
حنان في دارها تمشي و تجي ..تتحرك بسرعه : مثقل دمه و مثقل تلقيحاته وقعدت تقلد في صوته" تاكلي بالساقم" يحسابني الهايشه امه ... قعمزت ع السرير وحطت يدها ع بطنها ..
وكملت: بس مزال جعانه😔 .. توا لما يكمل ويخش للمكتب نخش للمطبخ ناكل براحتي ..
فاتت ربع ساعه نزلت حنان ع مهلها و هي تتلفت باش تتاكد خش لمكتبه ولا لا .. لما تاكدت ان خش للمكتب رفعت الاكل من الطاوله و دخلاته للمطبخ رفعت الكاشيك بتاكل تذكرت لما قال تاكلي بالساقم ..
حنان: ترا نجرب ناكل بالساقم شكله الاكل بيه غيرر
..رفعت الساقم و غرفت من الرز و فتحت فمها ع وسعه بتاكل .. سمعت صوت ضحكته وراها ..
محمد: ههههههههههه اااخ يابطني هههههههه طلعت تسكن معاي فرسة النهر واني مانندريش الكاشيك ماسدهاش ههههههه وحي ع الفم كيف وسعاته هههههه..
حنان تمنت الارض انفتحت و نقزت في وسطها وجهها قعد خطووط خطووط مشت تجري لدارها و هي متحشمه ووجها منسلخ ..
محمد: تعالي كملي نبصرو عليك هههههههه والله جو هالبنت هههههه
........ الكاتبة : Beba Pink
آيه بنت قمه في الجمال و الجاذبيه عمرها 26سنه بنت لعوووبه و ملعبه رجاله بشنابهم على ااصابعها تعرف كيف تصطاد اي شاب تحط عينها عليه ومايعجبوش فيها الا الشباب المعبيين ولا اللي عندهم عصابات و سلطه باش تأمن ع روحها و تضمن ان مافيش حد يقدر يوصل فيها او يأذيها ومن اهم الاشخاص عندها واحد رئيس عصابه كبيره يحبها و ميت فيها ومايحبش يرفضلها طلب ..اما منذر دايرته عباره عن شقاقه تجيب منه في الفلوس و تبيه يخطبها عشان فلوسه و العز اللي بيعيشها فيه كان خذاته .. بس فاطمه امه رافضه لانها اكبر منه و لانه سمعتها مش كويسه ولانها مش قد المقام ..
آيه حصلت رقم فاطمه اتصلت بيها ..
فاطمه: الو من معاي؟
آية : عزوزة النار ..
فاطمه: منو انتي.؟
آية: زوجة منذر المستقبليه هههههه
و ضحكت ضحكتها العاليه
فاطمه عرفت آيه من صوتها : آية بنت الشوارع قصدك
آيه ببرود : ايواااا بالزبط اللي يموت فيها ولدك ولد العوائل هههههه
فاطمه: يموت ولا يعيش، تحلمي يتزوجك ..بري بري دوري على حد من مستواك ياخدك ولا حد من جيلك ..
آيه بصوت مدلع: لا لا لا ماتعصببش ياعمتوو يا عزوزتنا المرمضه مش كويس ليك راهووو تموتي ياارب امين ههههههه
فاطمه بعصبيه: ياتافهه يا واطيه يابنت الشوارع يا منحطه وربي تتصلي بهالرقم ولا نسمع انك متواصله مع ولدي اندمك .. ماتعرفينيش اني منوو .. ردي بالك مني ..
آيه : منو يعني .. عبارة عن عزوزه قاتله .. 🙂
فاطمه نصدمت
آيه : انور اللي خش في سيارة ولدك و دفعتي مبلغ و قدره لجماعه قتلوووه .. عندي بالفيديو مسجل فيه انتي و معاك 3 شباب عطيتيهم فلوس و قلتيلهم يقتلوه .. و..
قاطعتها فاطمه: انتي منو قالك ..انتي شنو تحسابي روحك .. اني اندمرك راهو نمحييك
آيه: ههههههه انتي تمحي آيه هههههه ... عندك اسبوع واحد تجهزي فيه روحك زي العزوزه الطيبه و تجيبي معاك باقة ورد و شوكلاته ميلكا ولا نقولك بلاش بلاش جيبيلي بكلاوة ههههه و تجي تطلبيني من مامي .. اسبوع و ساعتين ننشر الفيديو ع الفيسبوك و شوفي روحك بعدها .. سلام ياعميمه ههههه
الكاتبة : Beba Pink
سكرت آيه و فاطمه مصدومه من اللي صار دقيقه و وصلها فيديو فيه هي و وجها واضح فيه و معاها 3شباب تعطي فيهم فلوس و تخطط معاهم كيف بيقتلو الشاب المسكين اللي سيارته خشت في سيارة ولدها من غير قصد ..
........
ناض محمد الصبح نزل لقى حنان مجهزه الفطور و مش قاعده .. استغرب بس مع هذا قعمز و بدا يفطر و ما اهتم ..شويه وخشت حنان لابسه ماليه ورديه فاتحه طوويله لعند الركبه وشعرها لاماته كعكه فوق و خصلات طايحات من شعرها كان منظرها حلو و طفولي و في يدها ورد جايبته من جنان الحوش ..جابت فازه صبت فيها ميه وحطت فيها الورد و وقفت قعدت تتامل في الوردات الورديات اللي زي لون لبستها .. اما محمد بلا شعور منه وقف اكل و قعد يشبحلها و ريحة الورد عبت المكان تمنى الوقت يوقف ويقعد يتامل فيها وبس.. شويه و فاق من تاملاته فيها وتذكر ان الورد هذا كان في الجنان و ان الجنان بلا سور يعني الجنان ع الشارع يعني حنان كانت هكي بمنظرها هذا في الشارع ..
محمد وهوا يوقف: حي على امك .. حي على نهارك ..حي عليك .. 😡
حنان تلفتتله و رجعتلها حالة الخوف: شنو فيه شنو مادرت شي اني ..😢
محمد بصوت عالي: وين كنتي من وين جبتي الورد هذا ..
حنان بخوف: من الجنان والله من الجنان
محمد يقرب منها وعيونه نار: وبالمنظر هذا كنتي في الشارع
حنان وهي توخر كل مايقرب خطوه توخر خطوتين: لالااا مش الشارع من الجنان..
محمد يقدم: اما جنان تحكي عليه هنا جناناتهم ع الشارع
حنان وهي ترعش تذكرت ان فعلا جنانهم ع الشارع قالت: ب ب بس الشارع فاضي مافي حد برا و بعدين هنا الشعب كلهم عرايا بيشبحولي غير اني ..
محمد ضرب الدولاب بيده استفزاته ببرودة جوابها : واني شن دخلني في امهم لابسين ولا من غير هدوم ..انتي كيف تطلعي هكي .. بتقتليني انتي بتقتليني ..
حنان استجمعت قوتها وقالت : وانت شنو دخلك ..!!!
.....
الكاتبة : Beba Pink
أنت تقرأ
حنان(ليبية_منقولة)
Storie d'amoreانا ﮼حنان ومعك عرفت معنى الحنان💙😩. . . رواية حنان💙🌼. للكاتبة: Beba pink. متكونة من 2o حلقة💙🪐. قراءة ممتعة💙🫀.
