سند الملازم "

البارت 33

__بقلم '⇣♡كوثر ال دليم❈:
سند الملازم

وسام.. ليش حاطه مكياج بوجهچ
. يعجبني

.. احچي عدل
.. شتريد مني  انت مو بعتني انت مو عفتني وگلت كلشي بيناتنه انتهى چان يدگ جهازه بهلاثناء

.. الوو
اي مجاز لا بمكتبي گولي الحسين ينطيهن الچ
چنت نايم ما گدرت اجاوبچ بس دزيتلچ رساله الصبح مشفتيها
يلا ميخالف اخابرچ بعد شويه هسه مشغول

شطت من الحرگه بكل وقاحه ديحاچيها گدامي لا وفوگاها يگول چنت نايم يعني عينك كنت عينك ديفهمني هو يسهر وياها طول الليل

.. اي نرجع لموضوعنا

.. ماكو موضوع يجمعني بيك وها صدگ شعجب ما خطبتها لحد الأن

.. غير خالتي ماتت واني ما اريد خطوبتي تصير ع الساكت

.. ها بالعافيه عليكم لعد
.. اوگفي لتنزلين اريد احاچيچ

.. دروووح
فتحت الباب ونزلت بسرعه : بسيطه يا وسام اذا ما اندمك ما اطلع اني عبير

دخلت للمستشفى وظليت واگفه ويا البنات ننتظر المدير يقابلنه فجأه انصدمت بمنتظر واگف گبالي بس تفاجأت لمن ابتسم وكأنه يعرف اني هنا واجه باتجاهي

منتظر.. شلونچ عبير
.. اهلا منتظر شنو تعينت هنا

منتظر.. اي وچانت صدفه حلوه لمن شفت اسمي ويا اسمچ بمكان واحد

اي والله صدفه حلوه ع الاقل اكو واحد اعرفه

منتظر.. شنو شو ماكو حلقه بايدچ مو ع اساس نخطبتي

.. لا ما صارت القسمه

منتظر.. لا صدگ
.. اي ليش تفاجأت عادي كلشي قسمه ونصيب بهاي الدنيا

منتظر.. صحيح والله كلشي قسمه ونصيب وابتسم

ظليت طول اليوم ويا ما فارگني ولا لحظه واني هم انطلقت ويا لأن چنت مستغربه وحدي بس من شفته حسيت نفسيتي انفتحت وانتهى الاستغراب البداخلي

اخير الدوام دا الم غراضي بالجنطه حسيت علي بالغرفه يمي
طلعوا الكل چان يقترب مني ويگول

منتظر.. اوصلچ لو عندچ سايق

. لا عندي مشكور

منتظر.. تعالي لعد خل نطلع سوه

.. اي ليش لا

مشيت ويا واحس بي يريد يحچي شي بس متردد
وصلنه للباب سلمت علي حتى اروح صاحني : اوگفي لحظه

. نعم منتظر

منتظر.. عرضي ما زال قائم واني شاريچ ورايدچ مره الي واتمنى توافقين ومترديني

.. باوعت علي چان يصيروسام بعيوني
لا عبير لهنا وكافي خلي يولي بيعي مثل ما باعچ
گبل گتله وبدون تفكير : اني موافقه منتظر بس ....