سند الملازم "

البارت 57

__بقلم '⇣♡كوثر ال دليم❈:
سند الملازم

گلها لتبچين لأن احس بدموعچ واضوج
وباوع هي شمسويه بروحها اليشوفها يگول متقصده تسوي هيچ حتى تأذي

حسين.. ليش متنفذين وصيته لعد لو عاجبچ تضوجي

رقه سكتت وظلت تباوع للاشجار تتحرك من الهوى العالي شگد چان الجو حلو بس من خنگتنه منحس بشي نهائياً
درت وجهي اباوع وياها چان تگول

عبير.. ليش كبرنا !!! لو ظالين جهال مو احسن
چان لا توجعنه هيچ ولا واحدنه خسر الثاني ولا انجرحنا من اقرب الناس النه

حسين. ليش يعني انتي زعلانه من وسام
عبير اذا ميرجع اي راح ابقى زعلانه علي لحد ما اموت

رقه.. بس هو راح يرجع

عبير. يا ريت رقه
لأن لو خسرتوا وسام راح تخسروني ويا ساعتها

حسين.. اسم الله عليكم
عوفي هذا الحچي ولتخافين راح نظل مثل ما احنه روح وحده ميفرقنه حتى الموت

رقه.. صفنت عليها بتعجب
من گد الصدمه دتحچي كلام مستحيل تحچي وهي واعيه يعني بهاي تصرفاتها الكل كشف حبها ل وسام حتى اخواني

بقينه على گعدتنا
واحد يقوي بالثاني و واحد يواسي الثاني بس بالحقيقه كلنه خايفين من جوه وكلام الدنيا كله ميريح گلبنه اذا ما رجع وسام وشفنا بعيونه

مرت الايام وانكشف المستور
عرفنا سيف راح للموصل ومن يومها دموع تعبت و وگعت بالفراش اما عبير فحالتها تسوء يوم عن يوم بحيث باسبوعين ضعفت 7 كيلوات وصارت عباره عن جلد وعظم 

شگد نتصل بي منگدر نحصله
بس وقت النحچي ويا يگول اني بمنطقه ما بيها شبكه لذالك ليظل بالكم اذا تلگون جهازي مغلق

الكل تغير وبين الخوف على ملامحنا الذبلانه
حتى حسين  صار ميجي بحيث قبل يومين شفته بالصدفه ويا عباس انصدمت من شكله التعبان ولحيته العاليه اما باجي فـ الله يعينها على مصيبتها لأن محد يحس باحساسها غير الام المفجوعه

فيض.. چنت گاعده بغرفتي العصر
من يوم غياب وسام وسفر سيف واني كل شي طالع من عيني حتى من يجون يباركولي اطلعلهم بهدوم البيت

اندگت الباب ودخلت رقه باوعت عليها شلون تعبانه
گلتلها رقه جوه عيونچ اسود كلش شجاچ

رقه.. اي نسبة دمي نازله والعلاج خلص

فيض.. ليش ما گلتي عباس لعد حتى يجيبلچ ساعه قبل

رقه.. هو اجيت دا اگله وينه بس لا طلع

فيض.. لا بالحمام هستوه راح يسبح
اندگ الجرس راحت رقه تشوف منو شويه ورجعت گالبه وجهها

رقه.. فنچ منو اجه يباركلچ

فيض.. اهوووو
هم خطار والله تعبت ومالي خلگ المجامله