سند الملازم "

البارت 29

__بقلم '⇣♡كوثر ال دليم❈:
سند الملازم

حقك ما شفت حالها شلون يقهر بچتني وهي تگول ساعديني راح اموت بغيابكم شلون اتحمل بعد هالكلام بس گلي

.. كافي يمعوده لتزوديها عليه ترى ما ناقص والله العظيم
عود اتصلي عليه حتى احفظ رقمج مو تنسين

. شنو متطب

.. لا عندي شغل بس اجيت اطمأن عليچ واسأل عن رقه

.. رحم الله والديك
. و والديچ بالرحمه

رقه.. مر شهر على زواجي وبدت الاوضاع تسوء شي ورى شي
عمار ما حصل شغل والفلوس الجوه ايده صفرت للأخير ويوميه بلليل ياكل بنفسه وهو يفكر شلون راح يدفع الايجار ويعالج اخته بهالوضعيه

اما امه فشدت ويايه بعد ما راحت رسل وبلشت يوم عن يوم تخلقلي مشاكل من جوه الگاع مع اني ممقصره وياها وشايله كل شغل البيت على راسي رغم الصعوبه الاواجهها لأن چنت مدلله يم اهلي وما اعرف اشتغل اي شي خصوصاً بالطبخ

فد يوم چنت اغسل الهدى الصارت بالنسبه الي مثل بنتي على گد ما مگابلتها ليل نهار واهتم الكل تفاصيل حياتها
فجأه تراوالي صوت رجال بالبيت

قربت اذني من الباب صوت غريب مسامعته من قبل
لبست هدى وجريت عباية ام ياسر خليتها على راسي وطلعت من الحمام چان اشوف ياسر گبالي صح مشايفته بالحقيقه لأن اول مره يجي بعد زواجي بس شايفه صوره بالفيس

ياسر.. منو هاي

ام ياسر.. مرت اخوك

ياسر.. اممممم اهلاً وسهلاً

اهلاً بيك
خليت هدى بسريرها وغطيتها رفعت راسي دا اروح اغسل شفته ديباوع عليه بنظرات مدري شلونها گبل طفرت للحمام حتى ما اخذت ملابس ويايه

طولت بالحمام اكثر من ساعه اخاف اطلع ويصير گبالي اخير شي تعبت من الانتظار لبست ملابسي نفسهن وطلعت لگيته رايح واول ما شافتني ام ياسر استلمتني اكس مربع 

ام ياسر.. نمتي خو ما نمتي
ليش عمه تردين شي مني

ام ياسر.. وشصخم بيچ اريد اطب للحمام

. انتظري خلي يحمه الماي لأن برد عليه واني دا اتعله
هو اني گلت هيچ لو ابتليت على عمري وگفت تعد وتصف باشكال الحچي واخير شي ختمتها بكلام وگف شعر راسي على گد ما چان يفشل

ام ياسر.. يعني واجب كل يوم ×××××××× متگدرين تلزمين ×××× شويه مو حتى حيل الرجال راح

.. صفنت عليها حايره شجاوبها : عمه ترى اني طبيت للحمام لأن غسلت الهدى وطفر عليه شلون اصلي واني نگسه

ام ياسر.. دعبريهن على غيري عبالچ ما شفت عمار من طب غسل قبل لا يطلع

عوانتي شنو گاعده تراقبينه ترى والله عيب
بكلبي هوا واصلني مخليته