سند الملازم "

البارت 36

__بقلم '⇣♡كوثر ال دليم❈:
سند الملازم

رقه.. عمار كليتي دا اموت

عمار.. سوده عليه بيه ولا بيچ الوجع
زين تعالي ويايه للحديقه اراويچ شي تحبي

.. شنو هو !!

عمار.. دتعالي وراح تشوفين بعينچ

وخر القراصه من شعري عدله ورجع قرصه مره ثانيه
اسمع ام ياسر گامت تدردم ومسويتك خروف وطاح حظ رجولتك ومن هالحچي بس لا هو اهتم ولا اني

حضني وسند جسمي علي وطلعنه بره للحديقه
رفعت راسي وچان انصدم وائل واگف گدامي ما صدگت عيوني معقوله هذا اخويه لو دا احلم

عمار.. يلا روحيله ليش واگفه

. نسيت كلشي وركضت الحضنه ابچي بحرگه
حبيبي اشتاقيتلك والحسين اشتاقيتلك ليش هيچ نسيتني وما سألت عني شلون هانت عليك رقه بس فهمني

.. ما هنتي ولا تهونين بس الشغله مو بيدي
رفع راسي رجعت دفنت نفسي بحضنه محتاجه انام بين ضلوعه حتى تبرد نار الاشتياق المشتعله بصدري من يوم ما فارگتهم

.. شنو نسيتوني ؟!!
احچي  ليش ساكت گول نسيتوني لو لا

شو باوعي عليه كافي بچي وباوعيلي
مسح دموعي بـ ايده وصفن بوجهي : هاي شصاير بيچ رقه شنو مدتاخذين العلاج

. اشتاقيتلك

. واني هم اشتاقيتلچ بس جاوبي علاجچ دتاخذي لو مديجيبوا الچ

.. مرات اخذه

.. شنو يعني مرات !!
انتي تردين تموتين نفسچ باوعي الشكلچ بالمرايه شصاير بي إلا يصير عندچ فشل كلوي يلا يرتاحون

.. درت وجهي للباب شفت عمار ما هو الظاهر دخل جوه حتى يخلينه براحتنه
عمار ممقصر بس انت تعرف العلاج غالي وهو ميشتغل منين يجيبلي قابل يبوگ

امشي غيري ملابسچ وتعالي بسرعه
.. وين ؟!

. وين يعني
اخذچ الدكتورچ يشوف حالتچ شصاير بيها قبل لتموتين

.. ميحتاج  بس

. رفع ايده بوجهي اششش لتعاندين امشي بدلي وفضيني
لزمتهه بسرعه

.  !!

.. لا هسه رايحه ابدل بس اوعدني تحچيلي كلشي عنكم

. اوعدچ بس استعجلي شويه
. تعال تفضل جوه خو متظل تنتظر بالباب
لا راح اگعد بالسياره بس لتتأخرين

. ماشي خمس دقايق واجيك
ردت امشي دخت وردت اوگع چان يسندني بسرعه

.. الله شبيچ
.. راسي افتر

. عماااااااار

عمار.. ها خير
. تعال ساعدها حتى تغير ملابسها مدتگدر تمشي