سند الملازم "

البارت 38

__بقلم '⇣♡كوثر ال دليم❈:
سند الملازم

.. شبيك انت الخاطر الله

منتظر.. لتصيحين لچ لا افلش سنونچ بحلگچ
صدگ تحچي !!!

منتظر.. اي صدگ
بعدين اني ما عرفتچ هيچ خفيفه شو ياهو لتشوفي وتشرگين حلگچ ويا شنو السالفه

عليمن تقصد

منتظر.. حسين وهسه ابويه

.. لا يا ربي
حسين بلا تنبلع سالفته بس مال تحاسبني على كلامي ويا ابوك هاي حيل واگفه

منتظر..  اني اغار عليچ حتى من الهوى ليش مدتحسين بيه

.. هاي مو غيررره
هذا مرض نفسي وشك وانصحك تروح لأقرب دكتور بطريقك حتى تتعالج

منتظر.. احترمي نفسچ ترى زوديتها
.. هاي الحقيقه رضيت ولا ما رضيت

ظلينه نتجادل طول الطريق لحد ما تأكدت النقاش ويا هيچ بشر ما بي فائده لأن نقاش عقيم ميوصل لأي نتيجه

اول ما اجه سيف وسمعت صوته نزلت اركض لازم اخلي حد لهذا الموضوع قبل لا اوگع نفسي بمشكله اندم عليها طول العمر

.. الله يساعدك
.. هلا بنيتي

.. اني اريد انفصل عن منتظر

.. صفن بوجهي
شنو هالحچي  وليش دتنفصلين عنه

لعبها النفسي انسان شكاك ومريض نفسي ميأمن حتى بروحه شلون تريد اعيش ويا عمر كامل وهو بهالعقليه

ما اتصور جبرتچ علي انتي اختاريتي وانتي تتحملين نتيجة اختيارچ

. مچنت اعرفه والله من عاشرته انصدمت بي

واني شگل للناس حاچيني
وحده تخرب زواجها بيوم عرسها وبعد شهرين تتزوج غيره والثانيه تريد تفسخ خطوبتها قبل ايام من العرس

. احسن ما اتزوجه وارجعلك مطلگه ويجوز ويايه طفل مو وحدي

والله راح تخبلوني
لتسويلي شكاك ومن هالحچي هذا مو عذر  ما انتبهتي الشكه بفترة خطوبتكم مو صارلكم اشهر مخطوبين ليش قبل عرسكم باسبوعين اجيتي تگليلي ما اريده

بقيت اتناقش ويا بس هو عاند
حقه الناس مترحم شلون يصير اني ورقه نكرر نفس الغلط اكيد هسه يگولون بيهم خلل الديخرب زواجهم قبل العرس مباشرتاً

صعدت فوگ دزيتله رساله شطولها رزاله على عتب على لوم واخير شي نهيتها كلمن يروح بطريقه منتظر ومن باچر لازم ننفصل بعد

ظل يتصل بيه بس ما رديت سويته صامت ونمت
ثاني يوم العصر دموع راحت لبيت عمو بس ما قبلت اروح وياها حتى لا اشوف وسام ما عاولي دا انسى واطلعه من راسي مناقصه قهر فوگ قهري

گاعده اگلب بالفيس سمعت الجرس اندگ
خليت حجابي على راسي وطلعت سمعت حس منتظر فتحتله الباب چان يباوعلي بعتب