__بقلم '⇣♡كوثر ال دليم❈:
سند الملازم
الأمر اشبه بـ " أخرس " سقط على جرحه ملح
فـ التهبت روحه واشتهى الصراخ
لكنـه لـم ولـن يستـطيع 💔
فجأه حسيت شي نزل عليه
طلعت للحمام ع السريع واول ما طبيت انصدمت بنفسي دا انزف هواي بحيث الدم تارس كل رجلي
بس شفت حالتي بچيت
ماكو وجع نهائياً لعد هذا الدم شنووو
نزعت سترة التراك شمرتها ونزعت الكيمونه
غسلت نص جسمي وحطيت الكيمونه حتى لا اتدمر وراها لبست الستره وطلعت ع السريع
صارت مرت عمي گبالي دتطلع من غرفة شهد باوعتلها ودموعي تجري
وئام.. شبيچ ؟!!
شهد.. ما بيها خاله
بس اكيد ضايجه لأن رجلها راح يتزوج عليها
عفتهم يحچون وطبيت الغرفتي
ادور على موبايلي مثل المخبله
گمت اصيح ويا روحي
الموبايل وين رااااح وووووين
هو چان مشمور ع الميز بس من القهر ما اشوف شي گدامي بعد
ركضت شلته وايدي ترجف
طلعت رقم حسين دگيت علي
رن مرتين بالثالثه جاوبني بس سمعت صوته بچيت بشهگه
.. هاي شبيچ
.. حسين تعال
الله يخليك عوف كل شي من ايدك والحگ عليه ترى دا انزف
.. تنزفين شنو فهميننني
. استعجل فدوه اااااااستعجل
حچيتها وسديت الخط
النزف بعده مستمر دا احس بي
رحت تمددت ورفعت رجلي
مغمضه وادعي
يا ربي
واني على هالحاله
ما احس إلا بديت انزف بشكل قوي
ردت اگوم خفت
بچيت حيل
لاااا ياربي لاااااااا
انفتحت الباب بهلاثناء
رفعت راسي
شفت الكل گدامي باجي وشهد وحتى مرت ابوها
وئام.. شبيچ ليش تصيحين
.. دا انزف
ما اعرف
شهد.. شنو !!
وئام.. صخاااااام
شو گومي خلي اخذچ للمستشفى بلكت يتلاحگون عليچ
شهد.. خاله فهميني
وئام.. اااسكتي مو وكتچ يمعوووده
اجت لزمت ايدي
گومي بسرعه حتى اخذچ للمستشفى
. ما اگدر والله ما اگدر
وبچيت
وئام.. ليش عندچ وجع
.. لا
بس دا انزف كلش هواي عبالك بوري ومفتوح جوايه
وئام.. اطلعن بره خل افحصها
.. ما اريد عوووفيني
وئام.. لتعاندين
خلي اشوف
دتحچي طب حسين
بس شفته بچيت وگمزت من مكاني
مثل طفله تايهه بغابة وحوش وشافت ابوها گدامها
أنت تقرأ
سند الملازم "
Mystery / Thrillerقتل. رعب. خوف.رهاب.داعش.حب.ضلم.نكسار القلب. خطف. كذب.خيانه. القصه غيرر عن باقي لقصص ليـّۓ ستلمتها طبعا هلمرة لقصه هاي ستلمتها تختلف تدريجين يجوز حنطول بيهاا لان لقصه واقعيه وبزمنه ه̷̷َـَْـُذآ لعبرة م̷ـــِْن هاي لقصه كلشي بيها ولمفروض ناخذ عبر احنه ...
