سند الملازم "

البارت 40

__بقلم '⇣♡كوثر ال دليم❈:
سند الملازم

حَرامات
المَخاوف الكِسرتها وياك
وحَرامات
البداية الرِدت أبديها
و حَرامات
إنتظاري والدمع والشوگ
وحَرامات
القصايد الإلك هاديها
و نهايتنا رِسمتها بالرسم حِلوة
ولكن بالحقيقة اختِلَف تاليها
ما تستاهل
هاي الأذية هواي
ومحد گد أذيتك
روحي مأذيها
بعد ما باقي شي
بس ذكرياتك
ليش كل ما أنطفي
أشتعل بيها ؟

..........لايكاتكم بنوتاتي لاتقصرون ............

ذبني يمهم ورجع ل وسام ،، دخلت للصاله لگيتهم خابصين الدنيا بالبچي خصوصاً باجي وئام وبس شافتني اجت باتجاهي تركض

وئام.. ارتاحيتي هسه من دمرتي الولد

.. نزلت دموعي بسرعه والله باجي مچنت رايده هالشي

الحجيه.. طبي يبيبي واعذريها گلبها محروگ على ابنها الچبير

فيض..  احچي شصار وليش وسام كتل خطيبچ

فيض عوفيني تعبانه وما بيه اعيد الموضوع كل شويه

دموع.. حبيبتي روحي جيبيلها ماي ومن ترتاح تسولفلكم ان شاء الله

فيض.. صار باجي

.. رحت وراها للمطبخ ع السريع : فيض اريد ملابس نظيفه

فيض.. شسوين بيهن
.. اسبح

فيض.. صخااام بس لا اعتدى عليچ وضربت على وجها

.. لا بس حاول يعتدي عليه ودتلعب نفسي من نفسي

فيض.. لتبچين يعمري من الله ليوفقه ان شاء الله
.. امين رب العالمين

حسين.. بقينه ننتظر وسام يطلع من يم الضابط  احتار شيسوي بس ما گدر يطلعه لأن منتظر حالته مجهوله ومستحيل نگدر نتصرف اذا ما صحى وادله بافادته للشرطه

واگف اباوع للباب وگلبي يدگ براسي من التوتر
مو سهله عليه اخويه الچبير ينسجن واني اوگف اتفرج وما بيدي شي اسوي حتى انقذه من هالمشكله
شويه انفتحت الباب وطلع وسام ركضنه باتجاها تلاثتنه

سيف.. ها شصار وياك

. مصار شي  ينتظرون الساقط يصحى علمود يدلي افادته وراها يقررون مصيري

. ان شاء الله يصحى ويعديها سلامات
.. عسى لا صحى هالكلب ابن الكلب

حسين. تخبل بعد على اساس احنه ناقصين خبالك

-يلا عيني تحرك بسرعه

.. اي ميخالف بس ارفع ايدك ميحتاج تلزمني امشي وحدي
اگول حسين عبير شصار وياها خو ما بعدها هنا

حسين. لا رجعت للبيت

. زين لعد دير بالك على امي لتخليها تشحرچ عليه ليصيرلها شي