سند الملازم "

البارت 46

__بقلم '⇣♡كوثر ال دليم❈:
سند الملازم

ركضت لزمت ايدها احاول اهدي بيها شگد اني قوي بس ما گدرت عليها فجأه هدأت وباوعتلي باستغراب

. شبيچ  شصار وياچ

. ياسر
ياسر هذا هنا وآأشر ع الباب منا منا طب وحاول يخطفني

.. يا ياسر شبيچ انتي

.. والله هنا چان وحتى سد حلگي علمود ياخذني ويا بس ما اعرف شصار من اجيت انت

باوعي الباب مقفوله شلون يطب يعني

.. گمت اعيط من گلبي
والله چان هنا وراد ياخذني ليش متصدگني
درت وجهي على فيض احچي فيض اكيد شفتي قبل ليجي حسين ويخلصني منه

فيض.. حبيبتي  ماكو احد يمچ انتي چنتي تصيحين وتدفرين ويا روحچ اكيد ديتهيألچ شغلات ما صارت

.. انهارت اعصابي وما شفت نفسي إلا واني لازمه ايد حسين وابچي
صدگني دا اشوفه گبالي بكل مره مثل المستشفى هم شفته ومحد منكم صدگني

ليش متصدگون !! شتردون يعني يخطفني يلا ساعتها تتأكدون من كلامي
حسين  ياسر اذا اخذني منكم مراح يرجعني الكم بعد ولا راح يرحمني وداعة بابا

كافي اهدي بس اهدي خلي احچي وياچ
.. مسحت دموعي وباوعت علي

. صدگي ديتهيألچ حتى شوفي
راح للباب يحرك بيها حيل باوعي مقفوله يعني حتى لو فتحها شلون رجع قفلها متنعقل ترى

.. بس والله اني شفته وحتى خنگ صوتي وراد يطلعني من البيت بس انت اجيت ونقذتني منه

.. لا اله إلا الله
زين تعالي ويايه خلي اثبتلچ ياسر ما طب للبيت وكل هالشي تخيلات براسچ لا اكثر

.. وين تاخذني
.. امشي ويايه ومعليچ

. باوعت علي راح للصاله
مشيت ورى چان يشغل الكاميرات مال البيت ويرجع بالتسجيل

.. شوفي تعالي
بس باوعي اكو بشر هنا اكو احد طب للبيت سواء ياسر او غيره
دار وجها عليه ها شبيچ متحچين ليش صافنه

.. هزيت براسي وبچيت
. شفتي شلون ديتهيألچ لأن اعصابچ تعبانه
. بس والله دا اشوفه اني
.. هم رجعنه شلون تالي وياچ

گمت ابچي حيل حسيت علي حط ايده على راسي وگال : كافي بچي الخاطري
حسين اني تعبت والله بكل مره اشوفه يجي يريد يخطفني وهالشي ديأذيني كلش بحيث احس گلبي يريد يوگف ساعتها من الخوف

وئام.. تخبلت البنيه من وراهم الله لا ينطيهم

فيض.. اي خطيه

. تعالي ويايه

وئام.. وين ماخذها حسين

.. لغرفة فيض احچي وياها شويه وانتي فيض روحي نامي يم امي