سند الملازم "

البارت 48

__بقلم '⇣♡كوثر ال دليم❈:
سند الملازم

طبعا مثل موعدتكم لقصه شوي طويله وبيها حداث هواي ومردت تخلص بسهوله

ردت تعمق بكل شخصيه ..
لان فعلا لقصه تجنن اني حرفين نمدجتت بيها
وبكل تدقيق دقق بحرف بحرف

حبيتها اسردة الكم بطريقه مريحه وسهله
وجميله بنفس لوقت

لقصه حداثه موبس هيج حداث اقوة جايتنه
بس صبرولي ههههه.

طبعا م̷ـــِْن اكثر لقصص اهاي اكثر قصه دنشرة الكم طويله ستمتعوو بهاا

لاتنسون تصويت ولايكات

___________

بقيت بالعشر دقايق ابچي لحد ما حسيت نفسي انتهيت كلش
شويه وانفتحت الباب وطبن فيض وعبير  للغرفه

عبير.. هاي شبيچ نحول صدگ تحچي

فيض.. وچ ليش تبچين علي اني منچ اشمر كيشوانية العتبه كلها ورى

عبير.. اي والله المفروض تفرح خلصت من هذا العار اصلاً اني من تطلگت من منتظر شديت الچفيه وگمت ارگص

فيض.. انتي ذكيه وما حبيتي هذا العار بس هاي الثوله تحبه لذالك گطعت نفسها من البچي علمود چهرته الزفره

.. اريد اخابر حسين وحده منچن تنطيني جهازها

فيض.. شعندچ مخابرته ولچ
.. يمعودات اريد موبايل فضنننننني

عبير.. اي هاچ لتصيحين مكتوب علي حواسم

.. اخذته منها ودگيت على حسين
رن رن رن على اخير الاتصال يلا رد گبل بچيت وگتله حسين شلون صار بشرني

حسين.. لحد الان ما ادري  بس حسب كلامهم وضعه خطر كلش

.. يربي بس لا يصيرله شي
.. غير اگلب الدنيا على راسهم اذا صار باخويه شي

.. لا اسم الله علي
زين ما عرفت منو ضاربه وليش

.. لا بعدني كل شي ما اعرف
اگول اهلي عرفوا لو لا

.. لا بعدهم
.. احسن لتگوليلهم لأن امي اذا عرفت تتخبل
يلا صار لازم اروح

.. اي شي يصير انطيني خبر ترى گلبي مثل النار علي
.. ان شاء الله وادعيله من يمچ
.. الله يگومه النه بالسلامه

فيض.. منو ضرب منو احچي
.. مو يمكم السالفه

فيض.. عباس  بي شي
جاووووبي كافي بچي وحاچيني عباس صارله شي

.. مو عباس اخوچ وگعدت ع السرير ابچي

عبير .. وسام !!!
شنو اخوها يعني وسام اكيد لأن حسين هستوچ حاچيتي گدامنه

فيض.. وسام شبي جاوبي الله يخليچ شبي اخووويه

.. بالگوه حچيت ما ادري منو ضاربه وهسه بالمستشفى حالته خطره كلش