__بقلم '⇣♡كوثر ال دليم❈:
سند الملازم
جمان
ظليت بالغرفة فتوحهة ورتبوهة الية وخلصت العدة وارتاحيت اگدر اتحرك بحريتي
طلعت من الغرفة ورة مالفيت شالي و خليت عطر
رحت يمهم تريگت وية جديتي يلي گامت تاكل وياية على الواهس اني اكل وحمزة يباوعلي ويلعب فدوة
جريته گعدته بحظني عفت الاكل وگمت العب بي
من اشوفه اتخايل محمد وما اگدر اعوفه بعدين اخذته جديتي وگمت للمطبخ اساعدهم خلصنة تركيب وصبينة الغدة حمدت الله ماتريگت زين حتة اكل دولمة براحتي لحد مااشبع منهة جنة كلنة گاعدين بس حسن ماكو لان بدوام
#حسن
جنت اريد اطلع مريت بغرفة جديتي وشفت جمان مگعدة حمزة بحظنهة طلعت عندي دوام رحت حاجيت نسمه ع صار
عافتني ومشت حقهاا لان ضميت هشي عنها مالومهاا
جمان
گاعدة يم جديتي ونسولف وية حنان مرة خالو رافد
مرة حبابة وطيبة طلعولي صور لأمي وصور عرسهة
وشفت ابوية ابد ماشوفني صور الهم ولا اني اجة على بالي اگلهِمَ
اجة خالو رافد گلي الج واهس ترجعين تدرسين گتله
علواة حتة لو بس اخذ شهادة سادس اعدادي وابطل
ميخالف گلي زين يجرالج يبنيتي اني جنت انتظر تخلصين عدتج وان شاء الله من باجر
اجيبلج كتب واقدم اوراقج علمود تدرسين خارجي
واني اخذج بيدي للأمتحانات
گمت بست راسه وگتله الله يخليك ويحفظلك احبابك
ضحك وگال لعد انتي اول المحفوظين
گعدت ثاني يوم من وكت بس ورة شوية گعدو الكل حمزة نام يم ابوه تمنيته ينام يمي بس ميصير قابل اخذه غصب من ابوه
راحت خالة حنان ومريم لجيرانهم امهم مريضة
جنت واگفة اراقب الجدر نزل حسن على الدرج يصيح
يمة...يمة
رحت گتلة خوي خالة حنان ومريم طلعو للجيران شوية ويجون
گلي حمزة بس يبجي ما عرف شبي
اخذته منه گتله مبين شارب حليب هواية گلي اي
گتله هاهية متضايق من بطنه هسة ادهنهة بزيت زيتون وماعليه شي هزلي براسه وصعد
منظره جان يضحك شعره مخربط ونازل ببيجامة التراكسود بس لهسة ما انتبه انو نازل بالفانيلة
التعلاگة شكله يختلف عن الدشداشة والعگال رغم جنت مستحية منه ومباوعت بوجهة
هدء حمزة وخليته يم جديتي ورجعت على الجدر
طبت مرة خالو رافد ومريم گبل راحو على المبردة
من الحر ورة شوية طب خالو رافد جايبلي الكتب
انطاني ياهن وگلي اريدج ترفعين راسي بدراستج
بسته وگتلة ادلل من عيوني ضحك وگال اخخ من لسانج يبنت بغداد ضحكت وفتت للغرفة مالتي احس نفسي مرات ثگيلة عليهم خاصة حسن مماخذ راحته بس شسوي
#حسن
نزلت من ورة حمزة بس يبجي مخلاني انام زين شرب حليب هواية وبعدة يبجي
نزلت ليجوة اصيح يمة..يمة متجاوب طلعتلي جمان گالتلي طالعة هية ومريم للجيران
أنت تقرأ
سند الملازم "
Misterio / Suspensoقتل. رعب. خوف.رهاب.داعش.حب.ضلم.نكسار القلب. خطف. كذب.خيانه. القصه غيرر عن باقي لقصص ليـّۓ ستلمتها طبعا هلمرة لقصه هاي ستلمتها تختلف تدريجين يجوز حنطول بيهاا لان لقصه واقعيه وبزمنه ه̷̷َـَْـُذآ لعبرة م̷ـــِْن هاي لقصه كلشي بيها ولمفروض ناخذ عبر احنه ...
