سند الملازم "

البارت 73

__بقلم '⇣♡كوثر ال دليم❈:
سند الملازم

اجت تركض اخذتنه الحضنها
لحظات صعبه بشعور اصعب ما اتمنى احد يعيش مثلها او يجرب وجعها ع الاقل 

اخواني انخبصوا
ماما تخبلت ومگابله السجاده تصلي وتزور وتدعي بس علمود اگوملها بالسلامه

عمي كل خميس نذر يروح يزور من يوم ما سافرت ولحد هذا اليوم حسب ما چانت تسولفلي رقه
هاي من غير مصاريف علاجي التكفل بيهن وما خله لا عباس ولا اخواني يدفعون درهم واحد من جيبهم

اما عباس فـ هذا وحده قضيه
احس بي بدون ميحچولي وادري شگد ديتعذب بس يظل هالعذاب ارحم من عذابه لو اجه وشافني بهذا المنظر المحد يتقبله او يتحمل صورته

حسين.. چان الامل شبه معدوم بشفاء فيض
مع ذالك ثقتنا برب العالمين ما خلتنه نستسلم ولا لحظه وحده

وبالفعل بعد العلاج بفتره دز علينه الدكتور
صح چنه خايفين من الداخل بس ظلينه نقاوم هالخوف لحد ما وصلنه لغرفته

دخلنه لگينا يضحك
تفاجأت من منظره كلش
وتذكرت اول مره من اجينه حتى ناخذ نتيجة الزرع شلون چان شكله مو طبيعي عكس هسه تماماً

حسين.. خير دكتور

الدكتور.. الكم البشاره
اختكم تجاوزت المرض بفضل رب العالمين وكلها ايام تگدرون ترجعون الوطنكم واحبابكم وهناك تكمل الباقي من العلاج

باوعت وسام ممصدگ
شعور فرحه ما مر عليه قبل غير بس مره وحده من اجاني خبر استشهاد وسام وطلع عايش بعدين

رجعنا الفيض چانت نايمه
درت وجهي على امي دتقرا قرأن كمبصت بمستواها وبست ايدها حيل گبل صدقت وباوعتلي

وئام.. خير وليدي اكو شي يفرح

.. اي يروحي اكو
گمت ع السريع بست فيض من راسها چان تحس عليه

فيض.. هذا انت فززتني

وسام هههه
بعدها الفزه الحقيقيه بالطريق

فيض.. شنو يعني

حسين گول يلا
وسام لا انت احچي ماكو فرق بيناتنا

حسين.. صرتي زينه فيوض
صرتي زينه وكلها ايام بسيطه وترجعين البيتچ ورجلچ وحياتچ الحلوه

فيض.. باوعتله ونزلت دموع الفرح
ما اسمع إلا هلاهل امي عبت كل المكان بحيث حتى الممرضات اجو على صوتها 

چنت احس بنفسي دا اتحسن
بس ما ابد ما انطيت امل لا الروحي ولا للناس الدايري مدايري حتى لا انصدم واصدمهم ويايه بعدين

ما قبل حسين بيومها نگول لبيت عمي
وبعد اسبوعين رجعنا للعراق بشكل مفاجئ للكل

2018/8/25 هو التاريخ الفيصل بين حياتي ومماتي
طلعت واني شبه ميته ورجعت للعراق وكلي امل بحياة احلى تجمعني ويا اروع رجال رزقني بي رب العالمين