الجمعه 11:30am
فدوى: بت يا سهير
سهير جات طالعه من المطبخ: اها يا امي
فدوى: لسه ما انتهيتي؟ خلاص حيصلوا بعد دا
سهير: قربت يا امي
فدوى: اسرعي يلا حيصلوا بعد دا
سهير رجعت المطبخ وفدوى مشت لواحده من الغرف
فدوى: اها يا بت لسه بتنظفي؟ انا لي اسبوع بقول ليك نظفيها قبل يوم الجمعه يجي
غدير: نظفتها من امس يا امي هسي بخرت وفرشت الملايات
فدوى: سريع خلاص
اول ما سمعوا صوت العربيه غدير جرت ناحية الباب وفدوى مشت وراها ، بقو التلاته واقفين ومستنينهم اول ما جو بدو موال السلام والدموع في النص ساعه الاولى
جاد: خلاص يا جماعه كفايه بكى جيبو لينا الفطور الناس ديل جعانين ولا ما كدا يا عدن
عدن: اي جعانين
سهير: الفطور جااهز بس منتظركم ،تعالي يا غدير ساعديني ارصو
ختو الفطور وكلهم اتلمو حولين السفره
جلال: يا سلااام والله اشتقت لاكل بلدنا كيف
فدوى: هي انا ما قاعده ارسل ليكم الويكه الناشفه والدكوة والحاجات بتاعتنا دي من هنا مالكم ما بتعملوها
سمر: بعملها والله يا خالتو ولدك دا مستهبل ساي
جلال: طعمو برضو ما بكون زي هنا مع الاحباب
فدوى: صدقت والله يا ولدي
غدير: علا مالك ما بتاكلي؟
علا عاينت لامها
سمر: اكلي حبيبتي
سهير: مالا؟
سمر: علا معذباني شديد ما بتاكل الا في بيتنا، علا يا ماما دا برضو بيتنا اكلي
علا هزت راسها
جاد شالها وختاها في رجولو: طيب عايزة شنو اجيبو ليك
علا: عايزة تشيبس
جاد: حااضر بجيب ليك الشيبس لكن تاكلي معانا اول ، شوفي الاكل الكتير دا نحن عملناهو لي منو ما عشانكم انتو ، (جاد شال من الاكل وبقى بحرك يدو) يلا يلا الطيارة حتصل افتحي خشمك سريع قبل تقع
علا اكلتها وضحكت جاد باسها وقرصهل في خدها
جاد: احيياا من الضحكة دي
سمر: والله يا جاد ما شاء الله عليك
جاد: اتعلموا اتعلموا
غدير: عمرهم بقى ٦ صاح؟
جلال: اي
سهير: اييك من عمر سنتين تاني ما شفناهم
فدوى: بالتلفون بس
سهير: اي
سمر: غدير انتي كيف مع المدرسة
غدير: تماام لكن ضاغطننا شديد
جلال: اي كدا كويس عشان تجيبوا درجات كبير
جاد: ياخ ديل برجعوهم اذان المغرب ما عارف ممتحنين شهادة اساس ولا اكسفورد
سهير: لو ما عملوا ليهم كدا ما بقروا
غدير: اي صح
---------------------------------------------
ريا كانت بتنظف في الشقه ومشغله قران بعد خلصت دخلت استحمت ولبست فستان ظريف باللون الابيض عملت ميكب خفيف وشعرها الكيرلي ربطتو ذيل حصان ، جهزت حاجات القهوة بعد اذان الظهر صلت وقعدت تقرا سورة الكهف اول ما خلصتها وختت المصحف سمعت صوت جرس الباب قامت فتحتو ولقت سيدرا في وشها
سيدرا: هااي
ريا وهي بتحضنها: اهلين
سلمو على بعض ودخلوا
سيدرا: اتأخرت ؟
ريا: يعني
سيدرا: مستنية احمد من الساعه ١٠ جا بعد الصلاة
ريا: ما مشكله المهم جيتي، جابك هو يعني؟
سيدرا: اي ابوي بعد الحصل بقى ما بخليني اطلع براي حتى السواقين ما يمشوا معاي .. احمد بس
ريا: ااا
سيدرا: اتخيلي حتى قال ليهو ما تخليها وتجي تستناها لحدي ما تخلص وتجيبها وتجو
-- كيف؟ يعني مستنيك تحت ؟
سيدرا هزت راسها: امممم شفتي كتمة النفس دي
-- طيب كان تخليهو يجي معاك
-- يجي وين جنيتي؟
-- ما ظريفه يكون مستنيك تحت لحدي ما تخلصي، اتصلي ليهو خليهو يجي
-- ريا انتي هبله ، خليهو يستنى ساي
-- لو استنى انتي حتستعجلي وتقولي ماشه سريع
-- اي ما بقدر اقعد كتير
