- ليتها كانت في ظروف افضل او ليتها لم تكن.. -
عهد: يعني ما حتحكي لي الحصل شنو
ريا شالت شطنتها وعاينت ليها: اجي من برا ما القاك هنا
عهد: كيف يعني
ريا: شوفي ليك اي شقه تانيه لكن هنا ما حتقعدي ثانيه تاني فاهمه؟؟
عهد: لشنو يعني
ريا: انتي عارفة لشنو ، وكلامي تاني ما بعيدوا (عاينت ليها مسافه وطلعت)
شافت العربيه الوصفوها ليها واتجهت عليها
ريا: السلام عليكم
نزل من العربيه:وعليكم السلام انتي ريا ؟
ريا : ايوه
فتح ليها الباب:طيب اتفضلي
ريا: شكراً
ركبو واتحركوا على البيت بعد وصلو رهام استقبلتها ومشو الغرفة
ريا وهي بتعاين للبيت: " ما شاء الله"
رهام: الليله شكلك ما حترجعي سريع
ريا: ليه
رهام: بنات اهلنا لمن عرفوا انك جايه تعملي الميكب كلهم قالو حيجوا تعملي ليهم
ريا: اهاا
رهام: ما اكون عطلتك عن حاجه بس
ريا: لا ولا يهمك ما عندي شي
رهام: اصلا عشان كدا كنا عايزنك تجي بدري تبدي بيهم هم اول وبعدين العروسه
ريا: تمام
رهام: طيب، ثواني وبرجع
ريا: تمام
رهام طلعت وريا اثناء ما منتظرة جات واحده طالعه من حمام الغرفه
-- سلام
ريا: اهلين
قعدت في السرير وريا لاحظت لوشها المنفوخ من البكا وعيونها المحمرة ، رهام جات داخله وهي شايله صينيه فيها كاسة عصير وختتها جمب ريا
رهام: طلعتي اخيراً ما كان حمام دا ههههه
ريا: تسلمي
رهام: البنات ديل اتأخروا ثواني اتصل ليهم
شالت تلفونها وطلعت ، ريا شافت البت دموعها كانت نازلة وبتحاول تمسحها عشان ريا ما تشوفها ، قامت من الكنبة وقعدت جمبها ختت يدها في كتفها
ريا: انتي كويسه
هزت راسها بمعنى لا
ريا: طيب اهدي مالك في شنو؟
-- ممكن تخليني اطلع من هنا عايزة اطلع بس
ريا: كيف ؟ اعمل شنو يعني
