قبل ما ابدا عايزه انبهكم لغلطه في الفصل الفات .. في الجزئية بتاعت الفلاش باك لما رياض كان بتذكر ،الذكريات كانت قبل ١٨ سنه وليس ٨ سنوات بعتذر ليكم..
الجمعه..
2:30pm
جاد وهو بلز في اختو: ياخ لو ما بتعرفي تلعبي قومي قومي
غدير وهي بتشيل يد البليستيشن الوقعت منها: ابيت انت قلت بتعملني
جاد: اعلمك لمتين
غدير : ما قايمه ما قايمه
جاد عاين لتلفونو وقام بسرعه شالو ومشا بعيد من اختو
غدير: بسم الله دا مالو التلفون ما رن اصلا
جاد رجع وهو بتأفف : اففف ديل ناس بيتهم
غدير: جاد
جاد: مالك
غدير: رائك شنو تفسحنا بعربية صحبك
جاد: افكر
غدير: عليييك الله عليك الله
جاد: كويس
غدير قامت جاريه تكلم اختها وامها
-----------------------------------
مريام: دوجه كلو جاهز؟
خديجه: اي مافي شي تاني
مريام: طيب انا حامشي اخد لي شاور واتجهز
خديجه: سمح
مريام لبست فستان كحلي منقط بالابيض ضيق من منطقه الخصر وواسع شويه من تحت واكمامو ضيقه من فوق وتحت واسعه عملت شعرها زيل حصان وطلعت جزء منو بالجهتين بقدام رشت من العطر بتاعها وفي اللحظه دي جرس الباب رن ابتسمت وهي بتخت الليب قلوس وبتعمل الماسكرا سمعت صوتو وهو بسلم على خديجه اتكلت على المقعد وهي بتعاين لنفسها في المرايه شالت تلفونها اتصورت كم صوره وطلعت
مريام: يا هلا
زين: اهلا
مريام سلمت عليهو وقعدت جمبو
خديجه: انا قلت لي مريام الولد دا اصلو ما براهو خبارك بقيت جافي كدا
زين: والله يا خاله براك عارفه الحاصل الشغل ما بيخلص
خديجه: ها يا ولدي الشغل ملحوق
مريام : دوجه خلاص نخلي اللوم شويه
خديجه: اللامك رادك يا ولدي ما تزعل مني
زين ابتسم
خديجه: امك كيفها ان شاء الله حالتها اتحسنت
زين: الحمدلله على كل حال الحمدلله
خديجه: ربنا كريم يا ولدي
زين: ونعم بالله
مريام: يلا انا حاقوم اجهز السفره
دوجه: اصبري اقوم معاك
