المتسللين

8

7:15am

ريا كانت راقده في السرير وخاته يدها اليمين ورا راسها وسرحانه في سقف الغرفه قطع سرحتها صوت تلفونها وهو برن شالتو وردت

ريا: اهم

جاد: صاحيه؟

-- اي

-- طيب انزلي

-- في شنو

-- مستنيك تحت

-- جاد متذكر انو ما مفروض نتلاقى كتير او ما نتلاقى اصلا؟

-- ياخ ١٠ دقايق وارجعي

-- تمام

قامت من السرير لبست عبايه ونزلت لقتو واقف بعيد مشت عليهو

ريا: اها في شنو

جاد: ما قدرتي تنومي صح؟

ريا: اي

-- حتقدري؟

-- صراحه، ما عارفه

--ما كان توافقي على كلامو، كان ممكن نلقى الف طريقه تانيه غيرها

-- مافي غير الطريقه دي حتخلينا نصل للعايزنو سريع وبدون مخاطرات

-- ودي ما مخاطرة يعني ؟

-- جاد انت عايز شنو

-- ما عارف.. شايف الموضوع ما بستاهل انك تعملي كدا

-- اذا عندك طريقه تانيه قولها

جاد اتنهد

-- اها انت زاتك ما عارف ، عشان كدا احسن تتقبل زي ما كلنا متقبلين

-- حتمشي ليها الليله؟

-- اي بعد اخلص محاضراتي

-- كويس يلا امشي

-- باي

-----------------------------

ريان: هاي صباح الخير

رياض وهو بكب القهوة: صباح النور

ريان: كيفك

رياض: كويس الحمدلله

-- المرة الفاتت ما كملنا كلامنا

-- كلام شنو

-- ليه شغلوك هنا؟

-- عن اذنك

-- انت مالك بتتهرب مني؟

-- ما بتهرب انا شغال شغلي واحسن انتي كمان تشتغلي شغلك

-- اممم كويس

رياض شال الصينيه ومشا مكتب عمر ، كان معاهو مراد، خت القهوه وكان طالع

مراد: رياض تعال

رياض: نعم

مراد: عايزك في موضوع

رياض: موضوع شنو

مراد: عايز اسألك كم سؤال عن شركة صلاح

رياض: بس نحن اتفقنا انو ما حاقول ليكم شي