عـتـاب

بارت ٢

حصلت اخوي يالس فالحوي قلت بسير اسأله .

عشبه : سلوم ، بسألك .

سالم : خلصيني مب فاضي حق فلسفتج .

عشبه : ابويه و اميه بلاهم ؟ ، ما يرمسون بعض وايد ، يعني شئ بلاهم؟ .

سالم : و انتي وش لج؟؟ ، شو يخصج ف سوالف المتزوجين ، خلج ف قراطيسج احسن .

عشبه : خف علينا يالثلاثيني ، توا شب زلفك ، ان ما خبرتني بخبر حرمتك انك تبا تعرس عليها يالهرم .

سالم : اجوف طول لسانج هالأيام .

عشبه : بتقول ولا افتن عليك .

سالم : نزين ي ام الصيبان بخبرج ، بس مختصر .
سلمج الله ابويه ، ماخذ الثانيه و يايب منها ولد و يالس يخونها ويا حبيبته من جنسيه ثانيه .

عشبه : خلاص لا تكمل .

سلوم : منو قالج اني بكمل ، حللي روحج يا شيرلوك هولمز .

نشيت من مكاني و انا محرجه ، احس انه عيوني تطلع شرار ، ليش يسوي هالشئ ؟؟ يعني ما بنصدم اذا يابهم البيت ابوي و اعرفه عدل يسويها .

اتصلت حق ربيعتي عذوج ( عذيجه ) انا و هي كأننا خوات ، و وايد قراب من بعض ، الله لا يفرقنا انشاءالله ، ابغيها تعطيني افكار ، شسوي عسب انتقم من ابوي بدال امي المسكينه .

عشبه : الو ، غذوج ، ابغيج ف موضوع .

عذيجه : اسمعج .

و خبرتها السالفه و هي تشاهق منصدمه لانه هي وايد تحب اميه و اميه وايد تحبها و تموت ع سوالفها و تعاملها نفس ما تعاملنا بالضبط ، و هي ما تواطن ابوي خير شر ( تقول انه عينه زايغه ) ف انا ما اقولها شئ لاني مب متعلقه ف ابوي وايد اهم شئ انه يعطيني مصروفي من دون مناقشات و الحمدالله .
و خبرتني ايي بيتها عسب نسوي خطه ، و قالت لي البس جلابيه لانه يدتها هناك ( و يدتها تكرهني ) و تسميني ام الحظ التعيس ( الله يسامحج يا يدو سعيده ) لانه دوم يستوي شئ يوم اييهم.

سرت لبست جلابيتي الخوص و تصوغت شوي كان فخاطري اتعدل ، المهم ما علينا ، خذت مفتاح سياره اخوي ( للعلم اني اسوق من دون ليسن ) بسير زعبيل مب حتا محد بيعرف .
و المهم وصلت بيتهم و دقيت الباب و اخوها فتح لي الباب ..