عـتـاب

بارت ٥

طلعت الحرمه الي ماخذه ابوي..
اخت عذيجه من الابو.. ماخذه ابوي.. و عذيجه علاقتها جدا قويه معاها بس ما فكرت حتى تقولها لانه تدري انه انا ربيعتها ، و دوم يوم عذيجه تسوي عزايم فالبيت و تعزم اختها حتى ما تحط عينها ف عيني.. كله تنزل راسها تحت و شكلها دوم زايغه مني ، جني بسويلها شئ .

شهقت عذجيه بصوت عالي ، و انا عيوني مليانه دموع و عيني على عذيجه ابغي اعرف شو يدور ف بالها..
الا بطلت الباب و طلعت تباغم ( تصارخ ) عليها و هي ساكته باين عليها الندم ، و انا طلعت من السياره الف راسي يمين و يسار و ابوي كانت نضرات الغضب عليه و صورته و هو وياها و حطيته ف قروب العايله ، و زقرت على عذيجه اقولها تركب السياره بسرعه ، عسب ما يزخني .

وصلنا بيتنا ، و حصلت امي منهاره ، و كل اخواني عليها و ياني اخوي و هو مبتسم ، استغربت انه كان مبتسم المفروض يعصب عليه ..

سالم : هااا يا شارلوك هولمز سويتيها يالسوسه .
سالم : عيل وين ربيعتج ؟

عشبه : ردت البيت قالت ماروم اجوف امج قلبي يعورني عليها .

سالم : نزين ، تحسين بيطلقون؟

عشبه : احس هيه..

مرت ثلاث ايام و البيت كان هادي هدوء مب طبيعي ، سرت نزلت برمس اميه اطمن عليها ، بس حصلتها محد ف استغربت يعني ، اميه ما تطلع وقت الظهر .
سرت عند سلوم اسأله اذا جافها ولا لاء .

عشبه:  سلوم اميه وين ، دورتها و ما حصلتها .

سالم : و شدراني انا ، تتحسبيني اعرف علم الغيب؟

عشبه: بلاك انته جذي ما تنشها .
عشبه : انزين اسمع انا بطلع ، امون ( آمنه بنت سالم ) محد عندها حد تحت فالصاله .

سالم : شليها وياج خ تغير جو .

عشبه: انشاءالله .

سرت عند غذيجه لاني ضجت من البيت، و بنت اخويه حشرتني و هي تصيح ، كانت حالتي مأساه ، جني وحده مربيه و ما تعرف تربي بنتها ، زين اني خذت هالصغيره ولا عيال سلوم الباقيين الشياطين شو بيسوون فيني ، بيطلعو لي شيب ( شعر ابيض ) .
وصلت بيتهم و قالت لي اتريا تحت فالميلس ، و كل ما ادخل الميلس تذكرت سالفه غنوم .

المهم يلست و فرشت فراش امون ع الارض عسب تلعب لانها عذبتني ، و حد كان يدق الباب و طلع غنوم..

                             يتبع..