عـتـاب

بارت ٦

غانم : اوه اءء آسف آسف السموحه ما كنت ادري انت في حد هني .

عشبه : لا عادي مسموح ، تعال ايلس .

يلس غانم مجابلني .

غانم : اممم ، شخبار الدراسه ؟

عشبه : اءء بخير الحمدالله .

غانم : ليش يبتي هالحلوه وياج؟ .

عشبه : ابوها يبا يرتاح منها و امها ف بيت اهلها ، قلت بييبها وياي .

غانم * يقول ف نفسه * : ي ربييييه ي ابتسامتها الي اطيح ملايين ، و عيونها العسليه لي تلمع يوم تضحك ، و شعرها الاسود الحريري الطويل ، و ريحت دهن العود الي تفر الراس ، ي ربي متى بتكون من نصيبي عسب اتغزل فيها ب هالشكل ، اسألها اذا نقدر نطلع انا و هي .. لا لا احس بتزعل او بتعصب او بتحس اني قليل ادب ، بس ف نفس الوقت احس بجرب ما بخسر شئ..

غانم : اممم عشوبه .

عشبه : لبيه .

غانم : لبيتي ف منى ، نزين ش رايج نطلع انا و انتي مره روحنا ؟..

عشبه * قالت ف نفسها * : ي ربييييه يا عذوج وينج ، لحقي عليه اخوج استخف صح اني احبه بس هو ليش جي تجرأ يسألني .. ، بس الصراحه ابغي اوافق لاكن ازيغ ، لو سلوم اخويه عرف ، والله لا يشخطني و انا مافيني عليه الصراحه .

عشبه : والله جو-

عذيجه : يالهروم تطلعون من دوني .

عشبه : لحظه!! يعني انتي عادي عندج ؟!!

عذيجه : هيه عادي ، بس اهم شئ ما تسوون شئ غلط .

غانم - عشبه * قالو ف نفس الوقت * : انشاءالله .

قررنا انا و غانم نتلاقا فالبحر  منها نغير جو و منها اتعرف ع شخصيته اكثر .
نشيت نهار ثاني الصبح ، و سرت يبت حصير و جهزت الفواله و سقت وانا متوتره ، شكيت انه نحنا بنتلاقى ف موعد غرامي ..

وصلت و فرشت الحصير و كنت اترياه و ف عز انتظاري كنت اقرا كتاب الف ليله و ليله .
بعد خمس دقايق اسمع حد يسلم ، صديت و ابتسمت .

غانم : هلا ب مورد الخدين .

عشبه : هلا فيك .

يلسنا و كنا نسولف مع بعض و بعدها لعبنا بته ، و فجأه سألني ..
غانم : عشبه ..

عشبه : ها .

غانم : لو طلبت ايدج من ابوج ، ببتوافقين؟..

عشبه : مادري ، بس ما بقول لاء..

كانت لحظه صمت ، لعشر دقايق انا و هو كنا ساكتين نطالع البحر ، و خلاف انسدحت اقرا و كنت اجوفه ب طرف عيني وهو يتأملني ، و فجأه نسمع صوت صريخ..

                              يتبع...