عـتـاب

بارت ٩

وصلنا البيت و نضرات التوتر كانت على ويه عذيجه ، مسكت ايديها عسب تخف توتر ، مريت كوفي ع السريع عسب اغير نفسيتها شوي .

عذيجه : ليش سايره كوفي ودينا بيتكم .

عشبه : سكتي حمدي ربج اني ييت هني عسب اغير نفسيتج ، يلا نزلي عن طولت اللسان .

عذيجه : تراني اكبر عنج احترميني شوي .

عشبه : انطبي .

نزلنا الكوفي و طلبنا سناكات و اكل و اشياء ثانيه .

عشبه : يلا انطقي .

عذيجه : ف هالإسبوع الي ما رمستج فيه ، اممم يو ناس و خطبوني ، ووو ولدهم معروف ب معاملته ب خواته يعني هو وايد بار ف والدينه ، ف يعني مادري اوافق ولا لا..

عشبه : لحظه ، اميه قالت لي انه يوني خطاب.. ، و اسم الولد غيث ..

عذيجه : قولي انج تتمصخرين ، انا بعد اسم الي يا خطبني غيث..

عشبه : اءءءء.
عشبه : عندج صوره ؟؟

عذيجه : هيه عندي .

عشبه : طرشيلي ، بطرش حق اميه بجوف اذا ها هو نفسه ولا لا .
—————————————————
*رساله من اميه *
اميه : ايه من وين يبتي الصوره ؟؟ ، ليكون ترمسين الولد انتي؟؟

عشبه : لا لا اميه ، هاذا هو الريال الي خطب عذيجه .

اميه : وييه.. الحمدالله ما وافقتي عيل .

—————————————————
عشبه : طلع الي خاطبني نفس الريال الي خاطبنج .

عذيجه : عيل ماشي نصيب..

عشبه : لعلها خير ، يلا قومي قومي خ نشل سامان ابويه من البيت .

ركبنا السياره ووصلنا البيت ، و صادفت اخويه سلوم يحط اغراض ابويه ، و يبت له كوفي ويايه .

عشبه : اندوك هاه ، خذيت الي يعيبك .

سالم : ما تقصرين ي ام القراطيس .

حرمت اخويه سلوم كانت بعد ترتب و سمعتنا ، للعلم انا ما اواطنها لانها مستفزه و دمها ثقيل تدخل ف اشياء ما تعنيها ( علياء ) .

علياء : و شحقه ما تيبيلي وياج ؟! ، جيه طايحه من عينج انا! .

سالم : صخي انتي صخي .

برد جبدي والله .

عذيجه سمعت علياء و هي ترمس ( عذوج من النوع الي تحب تنغز بالكلام و ما تستحي من حد ، بالمختصر قلبها ع لسانها ) و حبت تدافع عن عشبه ، وولعت الجمر بينها و بين علياء شويه .

عذيجه : عليووه لسانج اجوفه طول هالأيام ، و قمتي ترادديين وايد ، الكفخه الي كفختج اياها آخر مره ما نفعت؟ ولا تبين غيرها؟؟ ( نسيت اقولكم معلومه ، علياء خانت سالم مرتين ، و عذيجه كشفتها ، لاكن ما قلت ل عشبه عسب ما تخبر سلوم و ينتهي زواجهم ، و عسب جي علياء ما كانت ترد عليها لانه خايفه تفضحها ) .

سالم : عليوه اجوف بلعتي لسانج ، زايغه منها صدق .

علياء نزلت راسها بالارض و ما قلت شئ ، لاكن سالم ما اهتم و كمل شغل مع عشبه و عذيجه .
و خلصوا ترتيب السامان و حطوها ف موتر عذيجه عسب يوصلونها هي و عشبه .

يتبع..