عـتـاب

بارت ٤

ربيع غانم : اوف اوف ، جوفو الصاروخ الي دش علينا .

غانم : اصطلب و احترم نفسك .

نش غانم من مكانه و يا صوبي .

عشبه : اءء آسفه غنوم ، عذوج ما قالت لي انه في حد ف الميلس .

غانم : م عليه عادي ، بس انتي حاسبي مره ثانيه ، و شو كنتي تبين من الميلس ؟

عشبه : اءء ابغي السويج.

عطاني المفتاح ، و يبهته كانت معرقه ، و كانت ايده ترجف ، و كان يبين على ملامحه انه متوتر ، ، معقول الحب يسوي هاذا كله ؟..

سكر غنوم الباب ، و رد يلس مكانه يكمل لعب و البسمه شاقه خده .

ربيع غانم : هااه غنوممم طلعت في وحده ف حياتك و نحنا ماندري .

غانم : اءء ما يخصك ، لا تتدخل ف شئ ما يعنيك .

ربيع غانم : حشى نزين شوي شوي ، فرشت خشمك علينا .

ضهرنا انا و عذيجه ، و ركبنا السياره و قبضنا الخط لين بيتنا ، خليت غذوج تسوق لانه عندها الليسن و انا اخاف يزخوني .

وصلنا البيت و صفينا ورا سياره ابويه نترياه يطلع عسب نلحقه ، بعد نص ساعه طلع ابويه و ركب سيارته ،  و لحقناه ، و كان ساير درب زعبيل صوب بيت قوم عذيجه بس فالفريج الي وراهم ، ووقف عند بيت شعبي صغير ، و طلع ياهل من البيت يركض يقوله بابا! و بعدها يت امه ..
و هني كانت الصدمه..

                                يتبع..