عـتـاب

بارت ٣

يوم فتح الباب قلبي فز و هو ويهه احمر ( انا و هو يمكن معجبين ف بعض .. ) المهم ابتسمت ابتسامه خفيفه و نزلت راسي .

غانم * قال و هو مستحي * : اءء عذوج ف حـ حجرتها ..

عشبه * قلت و انا ذايبه * : مشكور غنوم..

غذوج : تراني اجوفكم يا مسودين الويه خيلو شوي ، لو حد غيري جان نحركم .

دخلنا الحجره و صكت الباب .
عشبه: غذوج انا آسفه مادري ش ياني .

عذيجه : انطمي ترا عاشقنج و ادري انتي بعد عاشقتنه ، لاكن انتو حاسبوا يمكن انا اكون محد و حد يزخكم بتستوي مشكله ما بروم اطلعكم منها .

عشبه : نزين مماعلينا..  الحين خ نسوي خطه ، شقايل انتقم من ابوي ع الساكت .

عذيجه : جوفي انا فكرت ف شئ لاكن اخاف تنزخين بسرعه . انج تندسين داخل السياره يعني فالدبه .

عشبه : لا لا فكرج مب زينه .

عذيجه : هاذا الي طلع معاي .

عشبه : اممممم ، هيه! عندي فكره ثانيه ، شرايج اركب جهاز gps ف سيارته ، و عقب انا و انتي نتبعه.

عذيجه : والله طلعتي مب هينه يا بنت ناعمه ام القراطيس .

عشبه : هههه سكتي .
عشبه : نزين ترا توني اجرت سياره صغيره ، و البسي كله اسود ( نتنكر يعني ) .

عذيجه : يلا نزين نشي لبسي .

لبسنا انا و هي بنطلون و قميص ، و قلنا بنسير ناخذ سناكات من المطبخ عسب يمكن نطول فالسياره ، نزلنا تحت و صادفتنا يدوه سعيده ( يده عذيجه ) شكلها بتستلمنا..

يدوه سعيده : انتوا ايه بنيات ، شو جي لابسات؟ ، اتسترن ، كل وحده مطلعه جتفها وين عبيكم ؟؟ .

لحول ولا قوه الا بالله ، يارب صبرنا .

عذيجه : هاه يدوه ، خلينا ع راحتنا .

يدوه سعيده : سكتي انتي ، و كم مره اقولج سميني اميه العوده ، كله من هاي السوسه الي عدالج ، خربتج و خلتج ماصخه .

عذيجه * صاصرتني * : سيري الميلس هاتي المفتاح .

سرت و انا منزله راسي و عيوني مليانه دموع ( و ما قلت لكم اني انسانه حساسه و ازعل لمن اصادف يدوه سعيده ، لانه كله تنزل من معنوياتي ، و يسألوني ليش ما ايي بيتهم ، لها السبب ) المهم ما علينا منها ، سرت الميلس ، و نسيت ادق الباب ، درعمت داخل و انا مستعيله و ما وعيت الا غنوم و ربعه يالسين..