عـتـاب

بارت ١٣

‏                              9:30PM

دخلت ام عشبه و هي منهاره على ولدها ، و عشبه جافتها بإستغراب ، و سارت و يلست امها ع الكنب عسب تهديها .
بعدها هدت شوي و عشبه سألت شستوى ، انصعقت عشبه من كلام امها تحسبت انه تقص عليها ..

عشبه : كيف ي اميه كيفف!! .
عشبه : سلوم اطيب قلب ما اصدق انه جي سووا .
عشبه : الحين شو بيسوون له ، لا بد انه الحين تعبان و يوعان اييي عليك يا اخويه..

اميه : باجر بنحظر الجلسه عسب يقررون شو يسوون فيه.. ، وديني الحجره عيزانه .

ودت عشبه امها الحجره ، و ساعدتها تبدل ثيابها ، و تريت امها لين ترقد عسب تطلع من الحجره ، طلعت عشبه من الحجره و سارت غرفتها .
بدلت ثيابها و انسدحت عالشبريه و تمت تفكر بسالفه اخوها سالم..

عشبه * تتكلم مع نفسها * : ليش جي سوا سلوم لهاي الدرجه كان يحبها يعني؟.. ، العن مثلها ماشي .
تمت منسدحه و غرقانه بتفكيرها و هي تتأمل الصقف ، لين رقدت .

نشت عشبه ع صوت امها و هي توعيها ، عسب تحضر الجلسه وياها .
كانت عشبه متوتر يوم وصلو المحكمه ، طلعوا اخوها من الحجز و يلس جدامهم ، و كان يبين على ويهه التعب و الارهاق ، و من رجفه يده يبين انه كان يوعان ..

ضرب القاضي بالمطرقه عالخفيف و الكل وقف ، و ضربها مره ثانيه بالقو عسب نيلس ، و ابتدت الجلسه ، و انا جسمي بدا يتعرق من الخوف ، مادري ليش كل هالخوف و التوتر مع اني ما سويت شئ ..

القاضي * و هو يكلم سالم * : هل انت قتلت حميد عمداً؟ اذا نعم شو كان السبب؟ .

رد عليه سالم ببرود و بصوت مبحوح : نعم ، ذبحته عمداً ، السبب: خيانه زوجتي معاه .

القاضي : هل كان سبب قتلك ل حميد هي الغيره على زوجتك ؟ .

سالم : لا ، عمري ما غرت على زوجتي لاني كنت اثق فيها ، من ثقتي فيها كنت بسجل البيت الي انا بانيه لها بأسمها ، الناس حذروني منها لانه لها سوابق ، و ليتني سمعت كلام الناس..

القاضي : اذكر لنا بعض السوابق الي كانت تسويها زوجتك .

سالم : انا ما بذكر لكم شى ، ف تلفونها كل شئ موجود ، و للعلم هي تحب الكتابه ، و حاطه ف مذكرتها مال التلفون كل شئ تسويه كل يوم بالتفصيل .

خذو تلفون علياء ، و فتشو بين المحادثات الي كانت بينها و بين حميد و لقو اشياء صادمه..

طلع انه حميد بيدوفيلي و يحب القاصرات .. و يغتص•بهم و بعد ما يفرغ طاقته عليهم يفرهم ف نص البر ، و كانت علياء معاه يوم كان يسوي هالأشياء و ما كانت تحس بتأنيب الضمير و فالصور و الفيديوهات كان يبين انها مستمتعه..
كانت علياء الي تستدرج هالضحايا حق حميد عسب يسوي الي يباه فيهم .. و منهم كانت بنت خالتها الي عمرها 15 سنه استدرجتها عساس انهم بيطلعون بيسيرون كشته ف البر هم الثنتين بس هي ما كانت تدري انه في نفر ثالث وياهم .

و كانت علياء ف علاقه غراميه مع ابو عشبه لمن كانت مع سالم.. ، و حملت منه و طيحت الياهل على طول لمن عرفت ..

الام ما قدرت تتقبل الصدمات اكثر ، و طلعت من المحكمه و يلست برع لين ما يخلصون يفتشون تلفون علياء .

القاضي ضرب المطرقه بالقو : استراحه عشرين دقيقه .

قامت عشبه من مكانها ، و استأذنت من الضابط اذا تقدر تيلس ويا اخوها بس ما خلوها ..
سارت عشبه تيلس عند امها برع .

عشبه : شو تحسين بيستوي ب سلوم؟..

اميه : مادري يا بنتي انشاءالله ما يعدمونه ، مع انه هو غلطان لاكن قلبي ما يطاوعني ..

زقرنا الضابط عسب نحظر الجلسه مره ثانيه .

تم القاضي يسأل سالم ، و تمينا ع حدود ساعه على هالحاله ، و بعدها يا سألني انا .

القاضي : كيف يعاملكم سالم فالبيت؟

عشبه : والله انه هو احن اخواني ، ما عنده لف و دوران كله سيده ، و شخصيته مرحه وايد.. ، ف احس ذبحه لانه كانت مسأله شرف حرمته ..

بعد ساعتين من التحقيق ويانا ، ضرب القاضي ب مطرقته و قال :

القاضي : حكمت المحكمه 10 سنين حبس ، و قيمه دفع الديه 50 الف درهم .

جافت الام سالم و تنهدت ب ضيق و طلعت من المحكمه ، و استأذنت عشبه مره ثانيه من نفس الضابط و ترجته و خلها بس قالها عشر دقايق تكلمه .
ركضت عند سالم و حضنته بقوه ، و هو بدت تدمع عينه على اخته ..

عشبه : ليش جي سويت يا اخويه ، جان ساورتني او قلت لي انه حرمتك خانتك ويا ربيعك كنت بدور لك حل .

سالم : لا تتعبين عمرج يا عشوبه ، خلاص صار الي صار الحين ، و صدقيني اهالي الضحايا الي اغتصبهم حميد كانو بيسوون الي سويته ، الحين انتي ربي بنتي بدالي و ديري بالج عليها ، هي امانه ف رقبتج

قبل لا سالم يكمل كلامه قالي الضابط خلص الوقت ، ف ما قدرت ارادده ، و حضنته آخر مره و طلعت .

ركبوا عشبه و امها السياره ، و كانت ملامح امها ما تتفسر ، قررت عشبه توديها البحر تمشي .

اميه : وين مودتني ؟

عشبه : البحر .

اميه : رديني مالي خلق .

عشبه : انا الدريول ، برجع يوم بشبع .

وصلو البحر و امها عقت عباتها و نعالها و سارت قريب عند الماي ، رفعت جلابيتها و كانت تتهيس الماي ب ريولها .
و تمو هناك لين ما اذن المغرب ، عقبها شلو اغراضهم و سارو .

اميه : يزاج الله خير يا بنتي ، غيرتيلي نفسيتي .

عشبه : ههه افا عليج اميه ، ادري انتي عوقج ( نقطه ضعفج ) شو  .

اميه : هههه .

اخيراً جافت عشبه ابتسامت امها من مده طويله ، وصلو البيت وبدلو ثيابهم و رقدوا على طول من شده التعب .