عـتـاب

بارت ١٠

ركبو الموتر و عشبه ما كانت تبغي تجابل ابوها عقب الي سواه ف امها لاكن غصباً عنها .

وصلو و عشبه قالت ل عذيجه تيلس عسب ما تستوي مشكله ثانيه .

عشبه دقت الباب .
و فتحت الباب شمسه ( زوجه ابو عشبه - اخت عذيجه من الابو ) .

شمسه ب اسلوب وقح : خير؟! ، شو تبين! .

عشبه بكل برود : هاي اغراض ريلج ، و خبريه انه ورقه الخلع بتوصله باجر بإذن الله .

ركبت عشبه الموتر و تنهدت بكل ضيق ، و كان باين عليها انها زعلانه على امها .

عذيجه : م عليه اهم شئ انه خذتي حق امج ، و هاي شموس خليها عليه ان ما خليتها تجوف نجوم الظهر ما اكون عذيجه .

عشبه : استهدي بالله ، و رديني البيت عيزانه .

عذيجه : فالج طيب .

رجعتني عذيجه البيت ، و اول ما دخلت البيت و حصلت الاهل متيمعين ، عقيت ثيابي و يلست عندهم .
علياء دوم تتوتر يوم ايي صوبها ( لانه تتحسب انه عذيجه خبرتها عن سالفه خيانتها ل سالم ) قلت برد لها نضرات لانه احساسي انها مسويه شئ كبير ، قامت علياء و سارت غرفت بنتها ، و قامت وراها عشبه .
دخلت عليها عشبه و قالت :

عشبه : اعترفي انتي شو مسويه ؟؟

علياء : اءء شوه ما سويت شئ..

عشبه : عيل ليش تتوترين يوم انا ايي صوبج او يوم عذوج تكون عندنا فالبيت ؟؟

علياء : خنته بلغلط والله بلغلط..

عشبه : شو قلتي ! ، لا بد اني سمعت شئ غلط ، خنتي سلوم ؟؟؟

علياء : ما كنتي تعرفين ؟..

عشبه : انتي فضحتي عمرج .

ضربت علياء راسها من غباءها ما كانت تدري انه عشبه كانت تلعب ب ذهنها ، فجأه عليا انهارت صياح لدرجه الي تحت سمعوها ، و يا سالم يركض فوق ، و كان منصدم لانه اول مره يجوف علياء تصيح .

سالم : عشوبه شو مستوي؟ ، ليش علياء تصيح ؟

عشبه * بكل برود * : اسألها هي .

كان سالم ياي يحضنها ، لكن صرخت عليه عسب يهدها ، و كانت ماسكه بطنها طول الوقت و لاحظ سالم لاكن مسك نفسه لين ما يهدا الوضع .

يتبع..