اول ما دخلت البيت حصلت خلفان يالس يترياني فالصاله و العصا ف ايديه ، و عندي خطه بنفذها بسرعه ، بصيح ب هستيريا و هو يفضحني و يمد ايده عليه عسب الباقيين يسمعون و يون يدافعون عني مع انه ضربه يعور لاكن لازم اتحمل شوي .
نش خلفان من مكانه و يا صوبي و هو ماسك العصا ورا ظهره ، و كان يسألني و هو محرج و رافع صوته .
خلفان : كنتي طالعه ويا شباب صح ؟؟ و تتحسبين انه محد بيدري! ي مسودت الويه ، ابوج ما رباج عدل لاكن انا بربيج .
ياب العصا و شخطني ع ظهري ، حسيت انه جسمي كله تكهرب ، انسدحت ع الارض و حطيت ايدي على راسي ، و كنت اصارخ بشكل هستيري عسب الي فالبيت يطلعون من غرفهم .
يت بشكارتنا و مطت العصا عنه ، و سلوم نزل من فوق و يا مسك اخوي ، و امي طلعت و لمتني ف حضنها و انا جسمي كله كدمات من الضرب المبرح الي ياني ، ضمتني بقوه و حطت ايدها ع اذني عسب ما اسمع صريخها على خلفان .
اميه : انت ما تستحي على ويهك؟؟ ، انا ربيتك جذي؟؟
خلفان : بس بنتج ما ربيتيها عدل ، علمتيها ع الدلع و الهياته ، و اكيه ها طلعت ويا غنوم ولد شموه ( شما - ام غانم و عذيجه ) .
يوم قال هالجمله قلبي طاح ف معدتي من الزياغ ، اخاف امي ما تثق فيني نفس ما هي واثقه فيني وايد لاكن صدمتني بردت فعلها يوم قالت :
اميه : هيه انا ربيتها جي ، و انت وش لك؟؟ ، و انا داريه انها طالعه ويا غنوم و انا واثقه فيها انها ما بتسوي شئ غلط ، و بعدين غنوم ولد محترم ريال يعني ما عنده هالسوالف ، اياني وياك تحط راسك براسه ولا والله ما بتشبر شبر صوب البيت ، اختك ما يخصك فيها تسمعني!! .
خلفان : يوم بتفلت قولي بنتي و بنتي .
اميه : خلها تفلت، و انت وش عليك؟ ، و الحين اطلع برع البيت لانك تذكرني ابوك ب عصبيتك هاي .
خلفان : نزين مشكوره امي .
طلع و ما شفنا غير غبرته وراه ، و اميه حضنتني و انهارت بيني ايديه .
اميه : انتي بخير عشبه ؟؟ تعورتي ؟
عشبه : انا بخير امايه ، بس كدمات بسيطه ، بيخوزن .
اميه : الحمدالله ، بس تعالي الحجره اباج ب شئ .
ي ربيي قالت لي الحقها الحجره ، ليكون بتنازعني.. ، والله اني ما سويت شئ غلط ، لحقتها و انا منزله راسي تحت .
اميه : جابليني ، ابغيج بموضوع .
عشبه : اسمعج قولي .
اميه : ياينج خطاب .
عشبه : هاه؟؟! ، انتي ما بتنازعيني لاني طلعت ويا غنوم؟؟
اميه : لا لا ما بنازعج ، لاني اثق انج ما سويتي شئ غلط وياه و تعرفين عدل ش اقصد .
عشبه : اءء هيه ..
وتيه : نزين قوم منو الي يبوني؟ و منو ولدهم ؟ و شو يشتغل ؟
اميه : لا تستعيلين ، بعدني ما سألت عن الولد ، لاكن اسمه غيث عمره ٢٥ .
عشبه : امم بس.. ، انا بعدني صغيره..
اميه : نزين عادي ، كلنا عرسنا و احنا صغار .
عشبه : حتى ولو زمنا نحنل غير انتوا غير لا تربطين المواضيع .
اميه : يعني شو الحين ما تبينه ؟
عشبه : لا ماباه ، ما افكر بالزواج الحين .
اميه : خلاص برايج .
اميه : نزين هاتي الشنطه من فوق الكبت و حطي كل شئ يخص ابوج ، وودي له اياه .
عشبه : اميه انتوا بتتطلقون؟
اميه : هيه خلاص عفته ، من زمان عايفتنه لاكن تميت وياه عشانكم بس .
عشبه : افتكيتي من الصدعه .
اميه : هي والله .
اميه : تحبين اخو عذوج صح ؟
عشبه : اءء هاه ش ش ياب هالطاري ، اءء انا بستأذن اميه ، بزقر عذيجه تي تساعدني الم اغراض ابويه .
اميه : ههههه يالنوتيه .
ضحكت لانها جكتني ، بس الحمدالله ردت فعلها كانت بارده يعني واثقه انه ما بنسوي شئ .
سرت مريت على عذوج ، و يتني و هي تركض جنها شارده من شى .
عشبه : ويديه بلاج تركضين جي ؟
عذيجه : سوقي سوقي بسرعه!
عشبه : تكلمي شسالفه
عذيجه : لين نوصل بيتكم بخبرج كل شئ .
أنت تقرأ
عـتـاب
Fantasyالصراحه مادري ليش كتبت هالقصه ... يمكن لاني ملانه او افكر وايد ، لكن في شخصيه مثل شخصيتي تحب تعاتب وايد و دوم تيب طاري ميخائيل نعيمه كاتب مقال " العتاب صابون القلوب " تقول انه يمثلني وايد ، مادري اذا هي متأثره من الكتب الرومنسيه او الدراميه الزايده...
