عـتـاب

بارت١١

المغرب
يلس سالم عدال علياء ، و سألها شو فيها لاكن ما كانت ترد عليه .

سالم : ليش دوم ايدج ع بطنج ؟ .

علياء تنهدت لانه خلاص انكشف امرها : انا حامل سلوم ..، بالشهر السادس قريب بدخل السابع .

سالم : بس نحنا ما سوينا شئ..

استجمع افكاره سلوم و فز من مكانه .
و نزل تحت و خذ مفتاحه و طلع .
حاولت تلحقه عشبه لاكن ما قدرت ، لانه كان يبين عليه انه معصب ، الكل راح غرفته ، و تمت عشبه تتريا اخوها سالم .
                                 3:30AM

دخل سالم الصاله و كان شكله هادي شوي .
يلس و التفت ل عشبه .

سالم : انتي كنتي تعرفين ؟

عشبه : لا ما كنت اعرف بس توني عرفت .

قام سالم من مكانه ، و راح غرفته هو و علياء ، و حصلها واعيه تترياه .

علياء : اءء وين كنت ليش راجع متأخر؟..

سالم : و لج ويه بعد تسألين ع الي سويتيه؟؟

علياء : والله كان بلغلط .

سالم : الخيانه ابدا ما تي بلغلط ..
سالم : ابا اعرف انا مقصر معاج بشئ؟؟ بيت و بنيت لج ، معاش و عطيتج ، حنان و عطيتج.. ، لاكن انتي مب كفو حد يسويلج اي شئ ، ليتني سمعت كلام الناس ولا خذتج .

تمت علياء ساكته على سواد وييها الي سوته .

سالم : بسألج سؤآل اخير..
سالم : منو ابو الي ف بطنج؟

علياء ؛ حميد..

سالم : ربيعي؟؟ ، ما لقيتي غير ربيعي ياعديمه الشرف!! .
سالم : لاكن ماعليه ان ما خليت نوافير الدمان تشتغل ما اكون ولد ناعمه.

علياء : الله يخليك سامحني..

سالم : شورج و شور ابليس واحد ، ورقتج باجر بتوصلج و امون بتتم عندي مستحيل اخليج تربينها ، اتمنى اني ما اجوف اي شئ يتعلق فيج ، البيت يتعذرج .

تمت علياء تترجا سالم يتم وياها ، حتى ما يابت طاري بنتها ، هي تبغي حد يستر عليها بس ، لاكن هي ما سترت ع عمرها .
سار سالم حجره عشبه ، و كانت يالسه ع الشبريه ، مدت ايدها ل سالم عسب ييلس وياها ، انسدح ف حضنها و انهار صياح ، خلته عشبه على راحته ، كانت تمسح ع راسه لين ما هدا و رقدت ع ريولها .

نهار ثاني نشت عشبه و حصلت سلوم بعده راقد ما قومته لحفته و طلعت من الغرفه ، سارت غرفه سالم عسب تجوف اذا علياء بعدها موجوده ، كانت محد..
شلت اغراضها و طلعت ، بنتها كانت راقده ف منزها..
و كانت في ورقه عند راسها ، و كان مكتوب فيها .

" مادري منو بيقرا هالرساله ، لاكن بنتي امانه ف رقبتكم ، انا مابغي اربيها لاني مب كفو ، ما بكون ام صالحه لها، و اعترف انه كل همي شباب و الزن• ا ، و مابغيها تتربى ف نفس البيئه الي انا تربيت فيها ، انتو اولى لمصلحتها ، استودعتكم الله " .

قريت و انا كلي صدمه ، صحت على آمنه لانه مالها ذنب بالي صار ، و هي ما تعرف شو الي يصير حوالينها ، و فكرت لمن تكبر كيف بتكون من دون امها الي اتخلت عنها ، واااايددد افكار كانت تدور براسي ..

نش سلوم حق الدوام ، و دخل غرفته و حصل عشبه راقده ع شبريته ويا بنته ، يلس ع الشبريه يتأمل عيونها البريئه ، و من كثر الصدمه كان يسأل نفسه اذا هي صدق بنته ولا لاء ، و جاف الورقه الي كتبتها عليا قبل لا تطلع ، قراها بس ما عطا كلامها اي ردت فعل لانه هي قالت كل شئ ب لسانها , بس الشئ الوحيد الي كان يفكر فيه الي هي بنته كيف بتتربا من دون حنان امها ..

سار سلوم الدوام ، و مر على المحكمه ييب ورقه الطلاق ، و علياء قالت انها تنازلت عن كل حقوقها لانه مالها حق .

سار سالم بيت " طليقته " عسب توقع ع ورقه الطلاق ، و دق الباب و محد كان يجاوب عليه .

يتبع..