لا أعرف المستحيل

البارت السابع عشر

#لا أعرِفُ المُسْتَحِيل # زَهْراء مُهَنَّد

فقيدي الراحل .. عزيز قلبي ..
صديقي ورفيق دربي .. رحمك الله بقدر اشتياقي إليك .. بكل ذكرى تُذكرني بك يتجدد حزني وكأنك بالأمس رحلت الى السماء .

••••••••••••••••••••••••••

أيان ..

الكلمة اللي چنت اتمنى اسمعها ؛ نطقتها
إلين تحبني الي معقولة!! ليهسة ممصدگ

اني تصنمت بمكاني مصدوم وهي تمسح بدموعها وتطردني بحجة
ان ُتريد تنام بعد ما صحت المشاعر الراقدة بداخل گلبي

_ يعني هسة انتِ صدگ تحبيني؟!

حچيتها ما اعرف ممصدگ مدري عجبني ارضي نفسي
واخليها تنطق الكلمة اللي يريدها گلبي ..

دتنطق كلمتها وحسيت  الباب انفتح بقوة ، التفتت بسرعة وشفت أيليان ابتلعت ريگي بتوتر وباوعت لملامحه ما ادل انُ سمع شي ؛ فتنهدت بأرتياح وهو بسرعة تقدم لإلين وحضنها حيل

ضجت من الحالة اللي احنا بيها ، هو يحبها واني احبها
وهي تحبني بس هي خطيبته وبعد فترة حـ تكون زوجته واحنا دنخونه ونطعن بيه

ضايج من نفسي ، هذا اخوية واكيد ما اقبل ع نفسي اخرب فرحته ع حساب فرحتي

باوعتله لإلين عيونها يلمعون من الدموع ومركزة بصرها عَليَّ ، باوعتلها بأسف وطلعت

فات الاوان وهي زوجة اخوية صارت وحرام علينا اذا نفكر ببعض بهل الطريقة

هي صغيرة وبعدها بفترة مراهقة ومواعية اني لازم اكون اضبط لعواطفي منها وما انطيها وجه خليها تأيس مني لأن ماكو حل غير هذا..

رحت للسيارة فتحت الجام وطلعت باكيت سحبت منه جگارة وورثتها وبقيت ادخن واتذكر كلامها لإلينتي

اني ليش دائمًا حظي اعوج  ، يعني هسة حبيبتي اعترفت بحبها الي وبدل ما يكون هل الشي مُفرح صار مُحزن  لأن اني أيان المشؤوم

_ ها شتريد

رديت ع ريان اللي اتصل بية

_ ثول هذا سلامك

_ ريان شتريد احچي مالي خلگ

_ هو انتَ يا يوم الك خلگ

_ تحچي لو اسد الخط

_ انچب وتعال للبيت ارتاح ايليان بقى يم خطيبته
انتَ شكو باقي

_ اي جاي يلا ولي

حچيتها ونهيت المكالمة طفيت الجگارة ونزلت
دخلت للمستشفى حچيت وية بيت عمي واستأذنت منهم ورجعت لبيت اهلي