#لا أعرِفُ المُسْتَحِيل # زَهْراء مُهَنَّد
البارت إهداء للوردة AzZa91314
ريناد ..
طلعت من المحاضرة نفسي لعبانة من الدنيا وما بيها ، دايخة من المحاضرة ، ساعتين الدكتور يحچي بحيث سوالي تنويم مغناطيسي
وجوعانة واني من أجوع أهلي ما أعرفهم منو ؛ فـ دأروح أتغدة
وسمعت صوت وراية
" ريناد "
التفتت وشفت عون ابن عمتي بوجهي رجعت درت وجهي وسرعت
حركتي
عون : هاي شبيچ يـ بنت الخال شفتي بعبع !
طنشته ومشيت
عون : يـ بطريق أوگف شبيك
درت وجهي متنرفزة
ريناد : منو البطريق ؟!!
ضحك
عون : بنت خالي
باوعتله بخزرة وردت أفترسه بنظراتي
عون : شبيچ دأقصد إلين ، إلين صايرة چنها بطريق
ريناد : أنتَ شتريد ؟ أحچي ترا ما عندي وقت
عون : ع كيفچ دكتورة ترا أحنا هم دكاترة بس نخلي وقت لنفسنا
ريناد : ومنو گلك ممخلية وقت لنفسي ، اني هل الوقت مخليته لنفسي
وما أريد أضيعه ع شي تافه ، أحچي شتريد ؟
عون : مـ أريد شي غير سلامتچ بس ردت أتباركلچ بمناسبة خطوبة أيان
ريناد : ألاعرفه أيان الخاطب مو اني فـ بدل مـ جاي تباركلي روح باركله وأعتقد أنتَ چنت حاضر بالخطبة فهل الحركات ما الها داعي
حچيتها بحدة وتحركت
عون : طبعچ حاد مثل السيف
ريناد : لعد أخذ حذرك لتنجرح
طلعت من الجامعة أغلي بسبب هذاك الفلك ، الولد مو صاحي ، من أشوفه يم أصدقائه ثگيل وخوش ولد رزن شو هوَ يشوفني وينگلب خبل
، بالمرحلة الأولى چان يمر من يمي يباوع لو يسلم ويمشي هسة متطور
صاير يتحجج ويجي يحچي وياية الادب سز ..
أكل الكافتريا مـ يعجبني فـ رحت لمطعم قريب ، طلبت أكل وتغديت
وچنت دأريد أدفع الحساب وگالوا الحساب مدفوع
ريناد : عفوًا بس اللي دفع الحساب مـ گلالك أسمه ؟
أشارلي بالنفي واني تشكرته وطلعت ، أكيد ماكو غير ابن الشيخ
مشيت وشوي وحسيت طفل يمي ، أنطاني زجاجة ببسي
الطفل : دكتورة هاي الچ
ريناد : منو أنطاك أياها ، عمو جَحْش مو ؟
الطفل : لا عمو الحباب وگلالي أنطيچ هاي
أنت تقرأ
لا أعرف المستحيل
Romanceأنا شامخة كـ شموخ الجِبال لا أقبل السقوط أتعثرُ وأنهض وأنكَسرُ وأجمعُ حُطام نفسي من جديد أنا التي لا تَعرِفُ المُسْتَحِيل أنا أبنة حواء خُلقتُ من ألين طينٍ وأُجبرتُ على التعايشِ مع مَن خُلقَ من أقساه .. في هذه الرواية سأسرد لكم أحبتي عن مُختلف مش...
