لا أعرف المستحيل

البارت السادس والثلاثون

#لا أعرِفُ المُسْتَحِيل # زَهْراء مُهَنَّد

أيليان ..

أيان فقد اعصابه وبقى يصيح بهيستيرية كسر كُل شي زجاجي بالغرفة

إلين : هذولي مو مخدرات

حچتها وهي تبچي

أيليان : إلينن شكوو احچيي

گعدت ع القنفة ومـ قبلت تحچي

أيان : انتم مخبوصين علمود هذولي الحبوب ؟؟
هذوليي أدوية نفسية ، مهدئات ومضادات اكتئاب ومنومات اخذهم بس حتى ارتاح من التفكير ، اخذهم بس حتى يخلصوني من عُقدي ومشاكلي ، اني مجنون وداخذ علاج نفسي ! هذولي مو مخدراتت مو مخدراتتت ، بيهن نسبة من المخدرات بس اني مو مدمن ، اني أخو المدمن

حچاها بقهر وبالاخير ضحك بغصة
واحنا كُلنا سكتنا كُل واحد بينا يحس بنوع معين من الاذى
امي مقهورة ع ابنها ، أبوية مقهور ويلوم بنفسه ع حالة ابنه اما احنا
فـ كُلنا أيان عزيز علينا ورؤيته بهل الشكل وبهل الحالة سببت الم بگلوبنا

اني رحتله وحضنته أهدأه

أيان : وخرر منييي ويلااا طلعواا ما اريد احددد طلعوااا برااا يلااا

دفعني حيل واني ابتعدت عنه قبل ليتهستر أكثر ، باوعت لأهلي واشرتلهم يطلعون لا يضوجوه ، كُلنا طلعنا

أيان : إلين ميي

حچاها وهو يلهث وإلين بسرعة جابتله مي من الثلاجة وانطته

أيان : يلا اخذ مرتك وتكسح

حچاها وهو يأشر النا نطلع فطلعنا ورحنا لغرفتنا واول مدخلنا إلين حضنتني وبچت واني چنت كلش محتاج هل الحضن فبادلتها ودموعي
سيطرت عليهم مخليتهم ينزلون گدامها

إلين : أيان خطية بعده صغير وينه وين هل الادوية ، تعرف هذولي اذا شربتهم بعد عمرك كُله متگدر تنام ولا ترتاح بدونهم هم مثلهم مثل المخدرات بس الفرق انُ بيهم فائدة

حچتها وهي تبچي واني بلعت غصتي وحچيت

أيليان : كافي بچي هذا الشي صار واحنا منگدر نغيره
هو زين وراجع دكتور وعرف مرضه ووافق يعالجه
احسن متتفاقم حالته وبلكي يتحسن بالوقت ويگطع العلاج

هزت راسها بتفهم وبعدت وراحت غسلت وجهها

_

ريان..

چنت گاعد بالصالة وسمعت كُل شي دار بغرفة أيان
چنت اسمع صوت ايان يصيح ودموعي تنزل واحس بگلبي حـ يطلع من مكانه
چنت اعرف عنده مشاكل نفسية بس اقنع بنفسي انُ اني غلطان وهو مبيه شي ، عقلي ينكر فكرة أيان بيه شي ، توأمي واللي عشت ايامي الحلوة والمرة وياه صعبة عَليَّ اشوفه بهل الحالة وما اگدر اسوي شي
اريد اطلعله من اللي هو بيه بس مبيدي شي..