لا أعرف المستحيل

البارت الخامس عشر

#لا أعرِفُ المُسْتَحِيل # زَهْراء مُهَنَّد

ضياعك يا صديقي كان مُرًّا أضاع النور في حلك الليالي
تؤم الناس بيتك كي تعزي ولكن من يعزيني بحالي ؟؟
أنا المجروح من موت تدلى ليغدر في صديق كان غالي

••••••••••••

الساعة 8:30 pm

أيليان ..

گاعدين ع سفرة الأكل أني والأهل ناكل ونتبادل الاحاديث ، أيان طبعًا
كـ عادته گاعد وياكل بهدوء ، من هذاك اليوم ووضعه أبدًا مـ عاجبني
تصرفاته غريبة وانفعاله هذيچ الليلة شي مُريب ، احس اخوية وراه شي بس ما اعرف شنو هوَ

_ العاشق بشنو شارد ؟

حچاها اللي ريان واني انتبهتله من بعد مـ چنت شارد

_ شنو اي شخص شارد ويفكرعاشق ولعلمك چنت افكر بالشغل

حچيتها وهمَ ضحكوا

_ شفتوه يبرر

حچاها ريان بضحك وأبوية ظل يباوعلي بخبث،  اهوو هذولي شبيهم هذا عود چبيرهم

_ أستغفر الله عائلة تفكيرها مو سليم

حچيتها وهم يضحكون ولا هامهم

_ شوفوا ذاك هم عاشق باوعوله شلون صافن

حچيتها واني اوجه ايدي ع جهة أيان وهو أصلًا مـ منتبه

_ الوو انتَ شبيك صافن صفنة المطي

حچاها ريان لأيان وهو انتبه

_ هاا وياية

_ اي نريد نعرف منو هاي المخليتك تصفن هيچ

حچيناها اني وريان بخبث وهو عگد حواجبه

_ ع شنو تحچون اذا سالفة تافهة فسكتوا رجاءاً ما بيه حيل وجع راس

حچاها ببرود ورجع ياكل

_ سودة عَليَّ الحب شاغلة عقله وتفكيره

حچتها أمي وهو اتذمر

_ انوب حتى انتِ انعديتي من تفاهتهم !

حچاها واني ضحكنا بقوة

_ يمة يعني قصده انتِ تافهة هذا ابنچ ادب سز

حچيناها وهمَ ضحكوا

_ يا ابن الصاكة اني تافهة اخخ منكم يولد حسين

حچتها أمي وهو ضحك وگام تقرب من كرسيها

_ ترا مو قصدي طلعت لا ارادية لتضوجين مني

حچاها وهي ضحكت وطبطبت ع خده