لا أعرف المستحيل

البارت الواحد والعشرون الجزء الثاني

# لا أعرِفُ المُسْتَحِيل # زَهْراء مُهَنَّد

أيان ..

أيان : نرجع كما كنا ، مثل علاقتنا السابقة ، مثل حبنا السابق بس عندي شرط واحد إذا نفذتي بهل اللحظة نروح نعقد سيد ومحكمة

حچيتها واني مركز بعيونها وهيَ ردت

رونزا : أي شرط اني مستعدة أنفذه بس حتى نرجع لبعض ، أشرط وأدلل بس أرجعلي أياني السابق

گمت من مكاني وتقربت الها

أيان : شرطي أنه ترجعيلي گلبي مثل ما چان ، گلبي الّي كسرتي بتصرفچ وهشمتي بكلامچ رجعيه مثل ما چان !إذا تگدرين ترجعيه أقسم الچ بالنفس الّي دأتنفسه نرجع مثل ما چنا وأنسى كُل شي صار

رونزا : أقسم الك بدگات گلبي المضطربة بسبب قربك لو بيدي چان قتلت نفسي وما أذيتك بتصرفي وكلامي ، أيان أعترف إني غلطت بس لا تكون قاسي عليّ بهل الشكل اني روحي متعلقة بيك ، أنتَ دخلت لحياتي المُعتمة ولونتها ، أنتَ صرت لحياتي ربيع بعد ما چانت كئيبة مثل الخريف ، أنتَ صرتلي الأستقرار الچنت محرومة منه وبيك شفت الدفئ والأمان المحتاجته ، أيان لترجعني لظلمة أيامي وخلينا نفتح صفحة جديدة خالية من علامات الأستفهام والحقائق المُبهمة

كلام عيونها چان أصدق من كلام لسانها وچان يبين الي
شگد هيَ نادمة وحاسة بغلطها ، بالأضافة لقصتها الّي سردتلي إياها وبينت الي الجانب المُظلم من حياتها والّي مأثر على شخصيتها وتصرفاتها بس كُل هذا ما أثر بية أو بالأصح أثر بگلبي بس عقلي چان يأبى السماح

أيان : الكلام ما راح يرجع گلبي الّي أنكسر بسببچ ، أنتِ متعوبة بحياتچ وهل الشي مأثر على شخصيتچ صحيح بس اني حالي مو أحسن منچ ، اني سنين يلا رجعتلي ثقتي بالبشر تجين أنتِ تتلاعبين بية وبمشاعري وترجعيني لنقطة الصفر وهسة تطلبين سماحي ! ليش عبالچ بيدي هل الشي ؟ اني لو بيدي چان سامحت ورجعنا بس مو بيدي ! اني خسرت ثقتي بيچ وبمثل حُبي الچ صار عمق جرحي منچ ، أنتِ بعد مو الي رونزا ولا حتكونين الي بس وعد مني گلبي هذا

حچيتها وأشرت على گلبي

أيان : ما راح تدخله مرأة بعدچ وحتى إلين زوجتي مراح تحصل على مكانتچ ولا بيوم حأحبها ، أنتِ دخلتي الگلب وأستوطنتي بيه وبعدها هجرتيه وقفلتيه وأخذتي مفتاحه !

رونزا : أيان ليش تعذب نفسك وتعذبني خلينا نرجع
وكأنما أول مرة نتعرف على بعض وخلي الوقت هوَ الّي يشافي الجروح ويرجع الثقة

أيان : منرجع ، منرجع أفهميهاااا
اني ما أريدچ يا بنت الناس اني ما أريدچ ، ما أريدچ
سمعتيها لو أصيح بصوت أعلى ؟!

اني لعبت نفسي من الحُب كُله مو بس منچ وما أريد أرجع أعيش هل المشاعر التافهة ، كافي عوفيني بحالي