မှိုင်းဝေချစ်သောခေတ်သစ်စ

အပိုင်း(၂)

Unicode

မှိုင်းဝေချစ်သောခေတ်သစ်စ အပိုင်း(၂)

မှိုင်းညို့ဝေတပ်ရင်းသို့ပြန်သွားသည့်နေကနေစပြီး ကောင်းခြင်းတည်တစ်ယောက် ခေတ်သစ်စတို့အိမ်ကိုချောင်းပေါက်မတက်လာ၍နေပါသည်။

ခေတ်သစ်စဘက်က ဖေဖေ့ကိုလည်းမလွန်ဆန်နိုင် ‌ကောင်းခြင်းတည်ကိုလည်းသဘောမကျ။
ဖေဖေရှိသည့်အချိန်ဆို အလိုက်အထိုက်ဆက်ဆံပေး၍ ဖေဖေမရှိလျှင်ခပ်တည်တည်ခပ်တန်းတန်းသာဆက်ဆံပါသည်။

ယခုလည်း ရုပ်ရှင်သွားကြည့်ရန် ခေတ်သစ်စကိုလာခေါ်နေခြင်းပင်။ထိုနေ့၌ ဖေဖေသည်လည်းအိမ်၌ရှိနေတော့ ခေတ်သစ်စလိုက်သွားရပေမည်။

ခက်လိုက်တာ....

"ခေတ်လေး ကိုယ်တို့သွားကြမယ်လေ"

"ဟုတ် ဟုတ်ကဲ့"

ခေတ်မသွားခင် ဖေဖေနှင့်မေမေထိုင်နေသော ဧည့်ခန်းဘက်သို့တစ်ချက်လှမ်းကြည့်လိုက်သည်။
ဖေဖေသည် ကျေနပ်သဘောကျသောအပြုံးမျိုးနှင့်ပြုံး၍နေပြီး မေမေသည် သည်းခံလိုက်ပါသားရယ်ဟူသောအပြုံးလေးဖြင့်သာ...။

"ဦးလေးနဲ့‌ဒေါ်ဒေါ် ကျွန်တော် ခေတ်ကိုခေါ်သွားလိုက်ပါအုန်းမယ်ဗျ"

"အေးအေး မောင်ကောင်းခြင်းတည်"

ခေတ်နှင့်ကောင်းခြင်းတည်တို့လိုက်ပါသောကားလေးသည် ထိုအိမ်ကြီးထဲမှထွက်ခွာသွားတော့သည်။

-----------------

မှိုင်းညို့ဝေ တပ်ရင်းသို့ပြန်သွားပြီး ၂လအကြာမှာ ‌
ဖေဖေတို့က ခေတ်ကိုကောင်းခြင်းတည်နှင့်လက်ထပ်ပေးရန်အတင်းစီစဉ်ကြသည်။

မကြာသေးခင်က မှိုင်းညို့ဝေဆီက စာကို ခေတ်လက်ခံရရှိခဲ့သည်။မှိုင်းတို့ နယ်စပ်ကိုဆင်းသွားပြပြီး စစ်တိုက်ထွက်ရန်သွားကြပြီ။ခေတ်ကတော့ မောင့်ကိုပေးတဲ့ကတိမတည်နိုင်တော့ဘူးထင်ပါတယ်။

"ခေတ်သစ်စ "

"ဟုတ်ကဲ့ဖေဖေ"

ဖေဖေခေါ်နေသောကြောင့် အတွေးလွန်နေသောခေတ်သည် ဖေဖေရှိရာသို့အပြေးသွားခဲ့သည်။

"သား အဟွက်"

"ဖေဖေ ဘာဖြစ်တာလဲ"

"အဟွက် အဟွက် "