خَسِرتُ طفلتي

البارت 9

رغد رجعت اني وماما للبيت واني احس الدنيا ما واسعتني من الفرحه بيوم كل شي تغير امي گالتلي محمد بس طلعنه احنه من المستشفى ابو مخابر ابويه وامه محاچيتها لأمي واهلي لان يعرفوهم اسبوع وموافقين ومتفقين هسه بس خطوبه والزواج بعد ما اكمل سادس ابوية گال لأمي حتى تسألني اذا موافقه وگايلتله تگول اي ومضبطين كل شي امي تسولفلي واني فرحانه ومستحيه حضنتني امي وتبچي بنيتي راح تصير عروسه واني أبچي وياها
كملت كل شي وفتت لغرفتي لگيت محمد متصل هواي رجعت خابرته
محمد رغد ما مصدگ هسه انتي خطيبتي وخلص رغد لمحمد متعرفين اني شگد فرحان
رغد واني هم
محمد رغدي احبچ واموت عليچ
رغد واني بعد
محمد شنو انتي بعد
رغد اني هم احبك
محمد اروحلچ فدوه يروح وقلب محمد
رغد ضلينه نسولف ع التحضيرات وشوكت يجون لبيتنه هو راجع للمستشفى لان بعده تعبان گال شكم يوم ويجيب عمامه واهله ويجون يطلبوني لان بس حچو بيه مرت الايام واني ويا ما مصدگين جوي عمامه وطلبوني من اهلي وتفقوا ع كلشي سوينه مهر سيد والحاكم گلنه قبل الزواج بفتره والخطوبه چانت كولش حلوه عزمت صديقاتي واقاربي ساره ما مصدگه ابد ما عافتني عبالك خوات كل شي حضرنه سويه
كملت الرابع هو كل يوم يوصلني للمدرسه ويرجعني
ونطلع سفرات وي عوائله ومطاعم وونسه كل يوم جايبلي هديه حسيت بنفسي اميره كل يوم اول شخص يحاچيني هو وقبل لا انام هو
مرت الايام والشهور ما صار شي فرحانين سوه
بدت المدارس والقرايه والخامس شويه صعب
فما گمنه نطلع هواي لان التعب واحنه نريد انجح حتى اكمل ونزوج
يشجعني ع دراستي ويجيبلي ملازم اني ما اقبل بس هو يگول كل شي تردي اني اجيبه انتي مرتي واني مسؤل عليچ
هو يشتغل وهاي اخر سنه اله ويتخرج فثنينه التهينه بالدراسه قلن طلعاتنه وتفقنه منحچي كل الوكت حتى لا نلتهي بس اثنينه منتحمل كل شويه واحد متحارش بالثاني گضيناها ضحك وسوالف وعرايك ودراسه واي شي يصعب عليه هو يدرسنياه وكل عطله نطلع وامي وامه ويانه هيچ گضيناها بين ما خلص الخامس ........

وهسه جتي العطله الي راح ينگلب كل شي بيها وتغير كل حياتي
اسوء ايام ممكن تمر ع اي شخص واسوء شعور
ايام بيها تعب خذلان مرض خسارات
اكثر عطله كرهتها وكرهت بيها نفسي خسرت رغد وضحكت رغد والطفله الي بداخل رغد وراحه رغد خسرت عُمري الي هو احلى عُمر بحياة اي بنيه

.............