خَسِرتُ طفلتي

بارت 15

رغد خلصت المرحلة الاولى الحمدلله كُلنه نجحنا وبالعطله شهد وياسر اخويه زواجهم بدينه نحضر تحضيرات العرس الغرفة وهي وياسر راحو اختاروهة والملابس جا يوم الحنة الخبصه من الصبح گاعدين

وهي الحنة بالقاعة مو بالبيت بس اقاربنه كلها جتي من الصبح وصديقاتي رحنه صالون اغاني وركص وتصنف تجنن چانت اقاربنه كلهم جوي عماتي وخالاتي وبناتهم علاقتي مو قوية بيهن لان قليل يجون علينه بيوتهم بغير محافظات وبغير مناطق فقليل ننجمع

خلصت الحنة تكسرنه

اليل كله سهرانين وضحك وسوالف وي بنات عماتي وعمامي وخوالي اول مره هيچ ننجمع بعد سنوات

اخذت ارقامهن حتى نبقى على تواصل

جا يوم العرس وهم من الصبح گعدنه البيت ولد وبنات هوسة العرس بعد
ولد عمامي بس يشاقون ويضحكون اني معليه بيهم بس البنات عادي وياهم لان ناس تروح على ناس عادي

واحد من گرايبنه هواي شخصيه معليه بيهم انتبهت عليه رغم هو بعده شاب بس وي الزلم گاعد الولد يرگصون ويا ياسر ويشاقون وضحكهم وهو بس صافن عليهم حتى بالبيت ميبات يروح الفندق وحده

اني گلت هذا مبين عكره شبي جاي العزه من دون الولد ما عاجبه شي الحاصل ما اهتميتله

والله صار اليل رحنه للقاعة والولد موتو نفسهم باالركص والبنات هم وياهم اقاربنه شبيهم تخبلوا اني هيچ فاتحه عيوني وحلگي

سارة وريم ونور بس يضحكن وبمكانهن يهزن ههههههه
سارة ولچ رغد خلي نگوم بعد ما اتحمل

ريم ولچ اگعدي بمكانچ
نور والله اني راح اگوم شهد صديقتنه

سارة واني هم

رغد اگعدن مخابيل

ريم يلا بنات اني هم وياچن

رغد ولچن وين ترحن

البنات نرگص 💃🏻💃🏻💃🏻

رغد البنات راحن على شهد گومنها وبدن يرگصن وبنات اقاربنه كلهن يرگصن ويا شهد

ظليت گاعده وحدي واباوع عليهن واضحك واصورهن

الولد ادري بيهم يباعون اصدقاء اخواني بس اني ولا يمي لان كل اقاربنة موجودين مأمنه

اني وصور جا ابن خالتي عبدالله

عبدالله شلونج رغود

رغد الحمدلله بخير

عبدالله وين وصلتي بالدراسه

رغد كلية

عبدالله ما شاء الله كلية شنو

رغد طب عام

عبدالله عفيه بالشاطرة

رغد بقلبي هذا شكد يسأل شكرًا