خَسِرتُ طفلتي

بارت21

عمر صار اليل اتصلت على رغد

رغد الو

عمر هلا رغد  شلونچ

رغد شوية احسن

عمر ضلينه نحچي بس اني اسألها وطمنها اني يمها ولا تخاف وهي بدت تبچي من بچت اني اختنگت

رغد عمر تعبانه حيل احس الديصير اكبر من عمري 22سنه من عمري وهيچ صار بيه شلون من اكبر خايفه من كُل شي

عمر هذا قدر الله لا اعتراض عليه كُل شي يصير ويانه بي خير وهذا الخير بعدين يلا نعرفه خلي ايمانچ قوي انتي قوية تحملتي كُل شي وحاربتي المرض وصرتي زينه

رغد اني مو قوية اتضاهر بهذا الشي داخلي خراب ما ينتهي ما اعرف شلون راح اگدر اكمل واني حساسه ما اعرف نفسي خسرت رغد خسرت كُل شي بابا طفولتي

حبي لنفسي للحياة حتى صديقاتي مو هالگد اتواصل وياهم احس محد يفهمني مثل ما اني افهم نفسي كُلها تگلي انسي بس هم ميعرفون شنسه هم ما عاشوا العشته لهذا اني اريد اروح بعيد عن كُل هالناس اعوف كُل شي اريد اروح مكان بعيد محد بي غيري اني وماما

عمر يعني اني هم متريديني بهذا المكان
عمر اسمع كلامها وعيوني تدمع انقهرت عليها ياريت لو تقبلين اخذچ اني ونروح لهذا المكان وضمچ بقلبي ما اخلي احد يقهرچ ولا يزعلچ ولا يتقربلچ احچي وي نفسي وياريت اگدر اگلچ هذا الكلام

رغد ما ادري كُل الادري بي اريد رغد هاي رغد تعبتني

عمر رغد اذا اتقدملچ تقبلين تزوجيني

رغد حتى انت تشفق عليَ يا عمر

عمر لا والله اني احبچ قبل لا اعرف كُل هذا

رغد بس اني ما اريد أحد يحبني

عمر ليش رغد لا هيچ تسوين بنفسچ الله كاتب كُل هذا

رغد كُل الاريدة اكون مرتاحه ما اريد اي رجال بحياتي

عمر على راحتچ يلا نامي رتاحي لا تفكرين هواي وباچر اشوفچ بالكليه

رغد ان شاء الله تصبح على خير

عمر وانتي بخير

عمر سديت المبايل وبچيت عمر هيچ يصير بي يبچي على بنيه ما اعرف ابچي عليها لان هيچ مكسورة لو ابچي لان متحبني تمنيت لو محمد بيدي الا اقتله

رغد من حچيت وي عمر رتاحيت شوية بس ما حبيت انو هو يحبني وحسيته يچذب وشفقان عليَ نقهرت حيل اني ما اريد احد ينقهر عليَ ولا اريد شفقه من احد نمت واني رافضه هذا الشي مستحيل انطي قلبي لاي احد بعد

عمر ثاني يوم رحت للكليه شفت رغد سلمت عليها چانت تعبانه هواي البنات يمها خفت عليها هواي

عمر رغد ليش وجهچ هيچ اصفر

رغد يمكن لان ما ماكله شي عادي هسه شوية وصير زينه