خَسِرتُ طفلتي

بارت 14

رغد  بدت المدارس وبديت اداوم رجعت للمدرسه بعد ما تركتها وطبعًا مو نفس المدرسة لان انتقلنه لغير منطقه

بديت ادرس اني وسارة اشتريت كمبيوتر وكل وقتي صار دراسه مركزه بس ع نفسي ودراستي الماضي ما نسيته بس احاول ما اخلي يأثر ع مستقبلي

ما تعرفت ع بنات بأول اشهر بس زميلات دراسه وبعدها بديت اتعرف ع بنات شاطرات مهتمات بمستقبلهن وبنات محترمات اتفقنه ندخل احنه وساره كلية طبيه ونكمل دراستنه سوى ناس تشجع ناس وسوينه گروب للدراسه وگروب ثاني للسوالف والونسه

البنات اسمهم نور ومريم وشهد شهد بنفس منطقتنه واخويه ياسر شافهة ورادها تقدملها ووافقوا وهسه هم مخطوبين

كملنه سادس ومتحانات متنه تعب والحمدلله الله ما ضيع تعبنه كلنه طلعنه طب عام

الدنيا ما واسعتنه من الفرحه احتفال وبچي وكلنه انجمعنه وي عوائلنه بمطعم وحتفلنه

ابويا جابلي هديه سيارة لان هو واعدني بيها وساره ذهب والبنات هم ناس مبايلات وفلوس ومريم هم سياره

احس التعب الي بداخلي خف

بديت بالعطله اتعلم سياقه والسياره چانت اوتماتيك يعني سياقتها اسهل وتعلمت اشترينه ملابس اني والبنات للكليه واتفقنه نضل بنفس الشله واهم شي معلينه بالولد

بدت التقديمات قدمنه ونقبلنه بجامعه ديالى

بلش الدوام اني كل يوم امر ع ساره اخذها ونروح وننجمع وي البنات
اول ايام ما اعرف شبيه لان هواي ولد وكل شويه واحد سائل سؤال شويه الا اتعارك وياهم البنات هن يجاوبنهم ويردون يسوون شلات بس احنه ما قبلنه اي ولد ينضم الشلتنه نريد ناخذ راحتنه بوحدنه

مرت الايام الكليه حلوه والطلاب معليهم بالبنات المحترمات نفسهن بين الونسه والدراسه احاول اتناسه الصار وياي بس ما دگدر اتخطه كل الصار ويجوني ناس تخطبني بس شنو نگللهم اني كارهة الزلم اشوف الشيطان ولا اشوف رجال

لو الصار وياي منو يقبل ياخذ وحده متعدي عليها شخص قبل ومنو يصدگ خطيبي هيچ سوه بيه

واني اصلا فكرت الزواج شلتها من حياتي

السنه الاولى بالكليه مضت تعب ودراسه وهم شي جديد علينه بين ما تعودنه وشويه الخوفه راحت مني

الدكاتره كلهم محترمين ويشاقون وي الطلاب
واني من دون البنات رافعه سجينتي على گولت مريم لا اضحك وياهم ولا عليه بيهم سؤال جواب ادري اكو بنات اني ما عاجبتهم بس ميهمني