خَسِرتُ طفلتي

بارت 20

‏عمر بعد ما طلعت اختي من الغرفه گتلها ليش هيچ لابسه وهي بدات تحچي وانت شعليك حيل استفزتني بس ما لحيت وياها لان خطار عفتها وطلعت يم اصدقائي وهي متروح من بالي بس افكر بيها ما اعرف هاي البنيه شنو البيها جذبني هي هادئه وحلوه اني اميل لهيچ شخصيات

رجعت للبيت توني اريد افوت لغرفتي انام لگيت باب السطح مفتوح رحت اسدها وشفت رغد گاعده تبچي خفت عليها رحت سألتها اباوع على عيونها حمر بس اريد اعرف شنو سبب هالبچي ما قبلت تحچي بس گالت تعبانه

ومبينه نفسيتها مدمره اريد اعرف ليش من تشوفني ايدها ترجف اني ما مأذيها ليش هيچ تخاف مني سألتها گالت بردانه گلت الها تصلي وتنام وتدعيلي وياها هي گالت ان شاء الله وراحت اني اليل كله ما نمت بس افكر بيها مرتين طلعت اشوف خاف ترجع تگعد وحدها

عمر ثاني يوم رحنه اني وابوية وعمي على عمامنه الشيوخ عازمينه صار العصر گلنه نرجع للبيت واحنه دنصعد السيارات يبلش الرمي ابويه وعمي بمكانهم ماتو چانو متقصديهم واني اصيح اني وياسر اذا انتو زلم اوگفو جبناء غدارين اشوف ابوية گدام عيني راح وعمي روحي

رادت تطلع من المنضر گدام عينه ماكو دقيقه وهيچ يرحون يروح ابوية غدر بلشت اصيح ولد عمي والدنيا نگلبت والشيوخ وعمامي واني حاضن ابوية وابوس براسه گوم يابه مو انت هيچ تروح وتموت هيچ موته ابوية ما يردلي اخذناهم للبيت وكل العشيره التموا البيت چان فارغ ماكو النسوان بي واني وياسر گعدنه بالگع ما دستوعب الي صار

احس نار بقلبي مشتعله بعدين عرفنه كتالهم ثارات قديمه وية جدي جني النسوان امي تخبلت هي وفاطمه واني حاضنهم وابچي

رغد حاضنه عمي وتحچي ويا واني اسمع حچيها ونار الي بداخلي تزيد اخذت الزلم ورحنه منطقه الي غدروا بينه گلبناها حمره من الرمي وكتلته الي غدروا بابوية وعمي لان احنه قبل فاضيهة وهسه هم بلشوا الشرطه طمطموها لان عشاير

مرن ايام على وفاتهم واني ما مصدگ بعد ما اشوف ابوية ما ارجع للبيت من القهر بس شغل من الصبح لليل وامي واختي تمرضوا بيت عمي ضلوا يمنه رغد بس تبچي ما قبلت يرحون كلنه محتاجين بعض ضلوا فترة يمنه واني ميت احس روحي انطفه البيت بعد ابوية

جا ياسر گال نروح باچر كافي وضلينه نسولف وباليل صعدت فوگ وشفت رغد تبچي تگلي بعد ما نشوفهم

حضنتني واني هم حضنتها نفس الطفله حسيتها تضم نفسها بحضني واني اريد اضمها بقلبي ما اريد شي يأذيها نبچي اني وياها

بعدين بعدت وما تمنيت تبعد عني گتلها هسه اهلچ بحاجتچ عمتي مريضه لا هيچ تسوين گالت اي ومسحت دموعها ودموعي واخذت رقمها حتى اطمن

عليهم لان راح يرجعون لبيتهم
ونزلنه هي راحت بحضن امها

واني اباوع على عمتي شلون نامت بحضن رغد وابچي وتحسب الله على الشخص الي بسببه هيچ صار بينه