خَسِرتُ طفلتي

البارت2

گعدت الصبح واني متحمسة اليومي لان تواعدنة اني وسارة نروح نشتري كُتب وملابس وتجي يمي بالبيت ونگضي يومنة سوة بعتبارة يوم الخميس ويوم الراحة مالتنة..

گعدت بابا وماما يرحون لدواماتهم واني بعد أروح للمدرسة بابا ماما يلا تأخر الوكت راح تصير الساعة ثمانية وهو جذب بعد وكت بس اني اخبصهم الحاصل گعدوا وكل واحد راح لدوامة أني أنتظر سارة تجيني نروح مشي للمدرسة لان هي بنفس منطقتنة مو بعيدة علينة

جتي سروش وهي كاشخة واني بعد خابصين ارواحنة مو المدرسة عبالك رايحين لعرس وفرحانين هاي كل يوم هيچ وحدة تحفز الثانية للدراسة لأن حلمنة هو نصير دكتورات

ونفتح عيادة سوة ونبلش نجمع فلوس واحلاااااااااااامنة المتخلص والسيارات والبيوت هاي الهن غير قصة هههههههه

رحنة للمدرسة وكمل دوامنة اكو مكتبة قريبة على المدرسة رحنة اشترينة روايات نرفه على نفسنة بيهن بوكت الفراغ ونسوي تحديات منو لتكمل الرواية قبل او الكتاب وتلخصة هي التربح ونحدد هداية وهيچ اشترينة كتب وفواصل واقلام تلوين ورجعنة للبيت..

جتي سارة يمي بدلنة واكلنة وبلشنة سوالف وحش بالبنات ههههههههه بين ما ماما تجي وتاخذنة للمول نشتري ملابس ونتونس صار العصر ورحنة شبعنة ونسة وضحك وتعشينة وبعدها وصلنة سارة لبيتهم باليل بعد ما ارتاحيت واخذت شور وعزلت البيت وسويت عشة لبابا تعشة اني رحت لغرفتي اگدر بملابسي

غرفتي هي عالمي لونها ابيض أو وردي مسوية بيها مكتبة صغيرونة لكتبي وللدراسة اكثر يومي أگضي بيها لهذا هواي مهتمة بيها وركن للرياضة رغم اني ناعمة بس احب الرياضة
رتبت الكتب والملابس وبديت اباوع مسلسلي المفضل خلص يومي جان كلش حلو ومريح الحمدلله

ثاني يوم الساعة 11 اصياح بالبيت وعياط عرفت رند واحمد وجهالهم يمنة لأن جمعة فنسوي لمة عائلية أطلع الگي البيت مخبوص والجهال يتراكضون

خالة رغد شلونج اتشلبهوني على كيفكم راح اوگع والله شلتهم وتكسرت رحت سلمت على اخواني اختي تباوع علية ولچ رغود عيونچ مورمة من النوم

يمعودة كل يوم أگعد من السبعة خلوني ارتاح هو اليوم استراحة خلي نسخت بس منو يگدر يسخت غير البيت صار بي انقلاب بس اركض وراهم

مرت اخوية نور معتبرتها اختي لان حبابة وهادئة ابد ما سوت مشاكل حتى اخوية ما اتغير من اخذها بالعكس حيل يحبنه وهي هم هي يتمة وابوية وامي صايريلها اهل صحت البنات تعالن اشوفچن شنو اشتريت.....

بعدني ما مكملة حچايتي هذني طلعن ركض الغرفتي يموتن على الملابس گبل بلشن يگدر ويحجزن رند اريد هذا عندي طلعة البسة وارجعة ونور كذلك واني بعد ما لابستهن هذني شحچي وياهن

بعدني ما موافقة كل وحدة أخذتلها شي لان يطلعن وعزايم لان مزوجات واني وسارة حدنة وحدة لبيت الثانية كل فترة واقاربنة منروحلهم على طول

كمل يومنة چان طويل ومتعب لان گضيتها اركض ورى الجهال والعب وياهم واعزل البيت باليل درست واتصلت على سارة ضلينة نسولف شلون گضينة يومنة وعادي مر يوم السبت هم ما صار بي شي گضيته دراسة

جا يوم الاحد اليوم الي راح تتغير حياتي كلها من بعدة صدفة وحدة كفيلة بتغير كل حياتك ممكن تكون صدفة حلوة تخليك تحب نفسك والحياة أو صدفة تكرهك نفسك وتخليك تتمنى الموت....

__________♥️♥️♥️♥️♥️♥️_________

حبايبي لا تنسون تنطوني رئيكم وتصوتون للبارت🫂♥️

حسابي الانستا :r_ok_a99