خَسِرتُ طفلتي

بارت 17

عمر رغد

رغد هاا

عمر صلي ركعتين ودعي شوية ترتاحين ودعيلي وياچ

رغد ان شاء الله 🥺

رغد من هيچ حچه عمر بچيت

عمر شبيچ رغد اعتبريني صديقچ وسولفي ليش هيچ تخافين من كل شي وليش هيچ تبچين

رغد تعبانة

عمر شنو الي متعبچ

رغد اني متعبة نفسي تعبانة من كُل شي حتى من روحي تعبانه

عمر فوضي امرچ لرب العالمين كُل شي يمر من تتوكلين على الله

رغد ونعم بالله تصبح على خير

عمر وانتي بخير

رغد رحت توضئت وصليت دعيت هواي ادعي وابچي اريد كُل البچي الي ضامته ابچي كُل الضعف الي بداخلي اريد اتخلص منه تعبت من البچي وما حسيت من نايمه على سجادتي الصبح گعدتني فاطمة

فاطمة رغد رغود وين نايمه گومي

رغد ما حسيت على نفسي من غافيه هنا

رغد گمنه تريگنه ابوية وعمر وعمو طالعين مرت عمو گالت راح نطلع شوية نتونس اخذكم للسوگ وشوية نفتر اشوفكم منطقتنه

رغد مرت عمي تحب الطلعات وتحب تلبس وتتكشخ عكس ماما امي اكثر وقتها تشتغل لو بالمدرسة يعني شوية هامله نفسها خابرتني شهودة گالت هسه راح تجي هي وياسر لان ما جوي ويانه

انتظرناهم وطلعنه سوية رحنه للسوگ نفتر اشترينة ملابس واخذت كُتب من المكتبه والالوان ونواقص عندي اخذتهن

وبعدها رحنه للمطعم تغدينه وگالو نروح نفتر احنه طالعين طالعين نتونس وبعدين نرجع

فاطمة شلونهة الطلعة ويانه رغود

رغد هواي تونست تجنن تسون واهس

فاطمة بعد كل مرة تجين ونطلع

رغد راح يبلش الدوام ونلتهي بعد بالدراسه

فاطمة اي والله يلا الله كريم

رغد دنتمشه ونسمع ضربات نارية الناس بدت تتراكض واحنه هم منعرف شديصير

كلها تركض ماما تعت بية وبشهد حيل خفنه وفاطمة تخربطت وامها گامت تلطم خف الضرب واخذنة فاطمه ورجعنه للبيت البيت مليان زلم طبينة نرگض واشوف عمر گاعد بالگع هو وياسر ويبچون والناس تعيط

اباوع بالگع ابوية وعمي ثنينهم جسمهم كله دم بديت اعيط وامي ومرت

عمي ملخن نفسهن بالطم والعياط اني وفاطمة بس نبچي

رغد بابا بابا گوم حبيبي گوم شنو هالدم گووووم لا تعوفني اروحلك فدوة منو عندي غيرك گوم لا تضل نايم شوف ماما شدسوي بنفسها گوم الخاطر الله لا تعوفني ملخت شعري بعد ما حسيت بروحي وجهي كله صار دم وامي تحضن بيه وفاطمه اخذوها للمستشفى ومرت عمي وامي انتهن من البچي