خَسِرتُ طفلتي

البارت 3

بدأ يوم الأحد اليوم الي من بعده راح تتغير هواي أمور بحياتي

مثل كل يوم صليت صلاة الفجر وراجعت دروسي وبعدها گعدة بابا وماما وكل واحد راح لدوامة

واني انتضرت سارة تجي حتى نروح للمدرسة جتني سروش اول ما طلعت شفت ناس دينتقلون للبيت الي صاير مقابيل بيتنة بيت معروض للبيع عادي بدينة نمشي اني وسارة

اخذنة حبشكلات جبوسة وحلويات وعصاير من محل قريب على المدرسة والجو بيومها چان يجنن بي برودة بداية شتاء وغيوم اكتوبر عالم ثاني اباوع للسمة واتخيل كل غيمة راسمة شكل

بنت حصان وهواي اشكال تخيلت وصلنة للمدرسة..

لان بداية اسبوع الواجبات هواي وتعب حسيته يوم طويل والساعة سنة بين متمشي
خلص الدوام وقبل لا نوصل البيت چان موجود ولد بعدة دينزل أغراض بالبيت الي ديتحولون بي هاي سارة شهگت ولچ شبيچ لچ شنو هالجمال

شكووو

رغدددد منوو هذا فضحتينة اسكتي ولچ هسة ينتبه عليچ لتباعين وصدگ هو الولد گبل دار وجهة وباوع

يااااااابة انفضحنة سارة أني اعلمچ بعدين هاي اني مدنگة وأدردم وهي عادي قابل شكو هو بس دباوع رغود هالجمال بمنطقتكم راح يگعد هنيالچ

على شنو اني شعلية بي والله إذا متسكتين يا سارة ازعل منچ عيب فضحتيني نزلي راسچ هي كلامها صحيح الولد چان مرتب وشكلة حلو وصلت للبيت

وسارة راحت لبيتهم الي ميبعد عن بيتنة هواي..

خلي احچيلكم عن شكله الولد متوسط الطول اسمراني شعرة مو سرح شوية كيرلي لون اسود بس عيونة كلش حلوات لونهن سود وكبار من بعيد وبين كبرهن شكلة عادي بس هو مرتب ومبين علية فيكة لان من باوع علينة شو ما عاجبة باوع شوية وندار ومخنزر يمكن مكتول😂😂

الحاصل بدلت ملابس المدرسة وبعدها رجعوا ماما وبابا وياسر اخوية چان مكسر لان خطية هندسة والدراسة اموته

خلص يومي بين الدراسة والشغل وشوية مسلسلات على كتب

واني وسارة نكمل دروسنة ونتخابر نگضيها شقة وضحك ومتونسة يومي كلش احبة لان كل الشغلات الاحبهن اسويهن وكل فترة نروح للألعاب هاي بالخميس من ما عدنة امتحانات

ونروح للمولات ومطاعم عائلتي وعائلة سارة نطلع سوة لان فد مرة اهلنة مقربين من بعض سارة بس هي واخوها صغير حسوني ..

گمت كل يوم من أرجع من المدرسة اشوف ابن جيرانة لنتقلوا جديد گاعد باب بيتهم عادي الولد ميباوع علينة بس سارة فاضحتني اتگول ولچ عيونة يموتن واني اضحك عليها شسويلها شگد ما احچي وياها متسكت گمت اخليها تسولف وحدها واني بس اسمع وضحك على سوالفها

شو هذا من الصبح گام يطلع وي طلعتي للمدرسة ويضل يمشي ورانة سارة تگول يولي هذا لاحگنة بس اني أگللها لا مبين خوش ولد يمكن

يروح لشغلة لان هو أصلن ميباوع علينة أنوب يلحگنة كل يوم وي طلعتنة يطلع وبطريق المدرسة يمشي ويانة ومن نرجع هو گاعد باب بيتهم ميمل كل يوم سارة ولچ هذا عندة شي شعندة يعني بطلي سوالفچ ولشيلين ذنوب..

مرن شهرين واني تعودت كل يوم اشوفة بالروحة والرجعة من المدرسة

اليوم الي ما اشوفة بي حيل اضوج ما اعرف ليش ومن صرت اشوفة ما اعرف شيصير وياي احس مشاعر بدت بداخلي اتجاها شدسوين رغد بنفسچ بعدچ صغيرة على هالسوالف والعركة بادية بين قلبي وعقلي

والتفكير احسة راح يموتني ياربي الشعور بدأ كل يوم يكبر بداخلي رغم اني حتى اسمه ما اعرفة...

صعدت للسطح اشر ملابس ما البس حجاب من اصعد لان جوارينة محد يصعد من ولدهم فعادي بديت اشر الملابس وما انتبهت على بيتهم شو بس رفعت راسي هذا صافن بوجهي......

وهو ابد ميباوع بالوجه بس شو صافن طلعت ركض اني وتراكسودي وشعري رافعته صخام بوجهج رغد نفضحتي انتي وعطوبج وتراكسودج اليل كلة اني مقهورة ومستحية

مرن يومين واني ما رايحة للمدرسة أخذت اجازة گلت لأهلي أريد أرتاح لان حيل تعبت

خلصت الإيجازة وصار لازم أداوم گعدت الصبح اليوم أداوم من غير سارة لأن معزومة على عرس

وضجت لان متعودة عليها فتحت باب بيتنة شو هذا گبل صار بوجهي بديت امشي سويت نفسي ما شفته وسرعة مشيتي شو هو بدأ يسرع هم...
لما حسيته صار بصفي قلبي راد يوگع من الخوف...

__________♥️♥️♥️♥️♥️♥️_________

حبايبي لا تنسون تنطوني رئيكم وتصوتون للبارت🫂♥️

حسابي الانستا :r_ok_a99