خَسِرتُ طفلتي

بارت 18

رغد مرت الأيام واحنه ما مصدگين الصار وما مصدگين بابا بعد ماكو امي تركت التدريس لان نفسيتها تعبت

واخواني ما يگدرون يگعدون بالبيت صار شهر اني عايشة على المغذيات شهد تواسي بيه وسارة وصديقاتي يزورني بس اني مالي خلگ شي احس الدنيا وگفت

جا يوم الاربعين مالت بابا وعمو وجوي گرايبنه وسوو غدة ووزعو اكل على روحهم وذبايح اني بس صافنه ولا كلمه احچي

عمر وفاطمة جوي علينه بس مرت عمو لا لان لازمة عدة فاطمة احسها بس هي تفهمني لان هي ابوها هم راح ضلينه متحاضنين ونبچي

عمر كافي بنات مو زين وهذا اعتراض على امر رب العالمين ليش احنه هينه علينه نفقدهم بس شوية قون نفسچن ادعلهم الله يرحمهم لو يشوفوچن هيچ تبچين ما راح يقبلون كاافي حتى على الميت مو زين البچي هيچ

رغد مسحت دموعي انت هيچ تگول زين جربت تصيح اسم ابوك وميردلك جربت تروح لمكانه تلگاه ماكو جربت تنتظر يرجع وتباوع كل شوية على باب البيت وما يرجع ما يرجع انت تفهم شدحچي بعد ماكو ميرجعون وبديت اعيط وفاطمة وامي يبچن

كااافي ابوية الراح تعرفون شنو ابوية شتحچون شنو لا تبچين اذا على ابوية الي چان يخاف عليه من الهوى ومن امرض احسه هو هم يمرض اذا عليه
ما ابچي عليمن ابچي

انتو ليش متفهمون ليش

وحده هسه هو وحده

عمر مو وحده الله ارحم بي مني ومنچ اني هم ابوية راح واني هم ابچي وعايف البيت وارجع واني ضهري مكسور لان امي واختي مالهن غيري

رغد انتهيت من البچي اخذوني للغرفه وانطوني علاج ونمت

رغد مر شهرين بوجعهن بسهرهن بتعبهن بمرضهن مرن مرن من غير بابا
بلشت المدارس والكليات ورجع الدوام رحت اداوم وامي ما قبلت اني واخواني تضل بالبيت غير تموت بقهرها رجعت تدرس بعد محاولات هواي يلا قتنعت

رغد اني وشهد كل يوم اخذها بسيارتي ونداوم وهي حامل شوية تعبانه

شهد رغد حيل دتعب احس ما بية بعد اداوم يمكن راح اترك هاي السنه

رغد لا شنو تتركين كل عقلچ انداوم على الواهس واني بكل شي اساعدچ حتى شغل البيت انتي بعد معليچ بي لان هاي اشهرچ الاخيرة

شهد تعبانه نحول بجسمي وما دركز بالمحاضرات بس هيچ دضيع وكتي

رغد لا مضيعين وكت هي شلون ما چان داومي وان شاء الله تنجحين حرامات عوفي هاي الفكرة وانتبهي على نفسچ

شهد ان شاء الله رغود شلونچ حياتي احچيلي ما تسولفين احچي مو زين تضلين ساكته هيچ

رغد تعبانة يا شهودة احس كل شي متعبني حتى الهوى الي اتنفسه ديأذي روحياتمنى من الله ياخذني واخلص ما اعرف ليش عايشه