خَسِرتُ طفلتي

بارت 19

رغد ركزت حتى اشوف منو يباوع عليه واشوف محمد

ما اعرف شصار بيه جسمي كله يرجف طلعت اركض للغرفه احسه هو ورايه الناس كلها تباوع عليه وصلت الغرفه بالموت

گعدت ورى الچرباية وجسمي كله يرجف وابچي الباب بدت تندگ قوي

محمد رغد افتحي الباب رغد ما اسويلچ شي بس احچي وياچ

رغد اني اعيط الحگولي بابا ماما وينكم الحگولي بديت اسمع صوت صياح برى واني متت خوف اريد الگه مبايلي اتصل على عمر ماكو ناسيته بالحديقةالباب تكسرت

عمر رغد رغد هاي اني عمر افتحي لتخافين رغد بيچ شي

رغد اسمع صوت عمر واخاف مو هو ما فتحت الباب ضليت گاعدة بمكاني من الخوف بعد ما اگدر اتحرك نفتحت الباب وفات عمر يركض

عمر رغد بيچ شي سوالچ شي

رغد عمر لا تعوفني اريد اهلي

عمر ما اعوفچ اني يمچ لا تخافين

رغد گالي اني يمچ وحضنته وبچي لا تخلو يفوت امانة عليك عمر لا تخلي

عمر هذا منو غير افتهم وليش هيچ انتي خايفة

رغد محمد يصيح برى ما اسويلچ شي رغد والله احبچ اسف اسف رغد بس احچي وياچ اني سديت اذني واعيط وبعد ما حسيت بنفسي الا واني الدكاترة فوگ راسي

عمر دكتور يعني هسه هي شبيها

الدكتور بسبب الخوف صار عدها انهيار عصبي حاد راح تضل يومين يمنه لان صحتها هواي تعبانه

عمر ان شاء الله دكتور

رغد عمر عمر

عمر ها رغد

رغد اتصل على اهلي اريد امي

عمر لا خطية هسه يصير بيهم شي من الخوف

رغد امانة حيل خايفة اريدهم يمي

عمر لا تخافين اني يمچ وما راح اعوفچ

رغد لزمت ايدة حيل واني ارجف طلعوا الدكاترة

عمر منو هذا محمد

رغد بديت ابچي لا تخلي يجي يمي حيل خايفه

عمر ما يجي اخذوا الشرطه يحققون ويا هو منو وشنو يحبچ انتي تحبي

رغد تعبانه ما بية احچي شي عوفني

عمر على راحتچ

رغد ايريد يروح گتله ضل يمي لا تروح

عمر ماشي

رغد صار اليل واهلي ما جوي واني خفت حيل وحدي بالغرفة عمر نايم
برى ما گدرت انام من الخوف اتخيله يجي يمي ويعيد السواه بيه ويضربني
طلعت على عمر نايم

رغد عمر عمر گوم

عمر شبيچ رغد محتاجه شي

رغد خايفه وحدي اهلي ليش ما جوي خابرتهم