(بعد ٤ ايام بظبط اليوم اخر يوم في رمضان و بكره العيد)
عند العيال ..
جاء ياسر و زايد بعد صلاة العصر و دخلو المجلس على زيد و سالم قال زايد وهو يضرب الباب: هييي قومو الصلاة وينن
ياسر: حنا ما قلنا الحقونا وراكم ما قمتو
زيد وهو يرفع راسه: غطنا النوم وش نسوي بنصلي هنا عاد
زايد: يلاه قومو
سالم: طيب طيب روحو وحنا بنقوم
زايد: طيب حنا بنسبط الفرش برا تعالو اذا خلصتو طلع ياسر و زايد و راحو بسطو فرش في الحوش و جلسو جاهم سلطان: سلام عليكم
زايد: وعليكم السلام
ياسر: هلا وعليكم السلام اقعد
سلطان: وين العيال ما قامو
ياسر: راقدين غاطهم النوم عن الصلاة بعد
سلطان: استغفر الله بس
ياسر: هاه كيف الشعور و اليوم اخر ايام رمضان
زايد: حلوو و مو حلو و الله
سلطان: و الله حلو لأن بكره عيد و كذا و مستانس الصراحه
ياسر: مثلك و الله الله يعيده علينا كل سنه وحنا اجمعيناً
زايد: امين
سلطان: امين
زايد: سلطان
سلطان: هاه وش فيه
زايد: تذكر قبل اسبوع تقريبأ يوم خالتي ام احمد جات تتروح كنت تتقول الي شي عن ياسر و قلت بعدين اقول الك وش كنت تتقول
سلطان: اهاا ذكرت
ياسر: سلطان احسن الك تسكت
سلطان: أنا اسف بس بقول اله خلاص ما اقدر اسكت أكثر ولا بنفجر
زايد بضحك: قل يلاه الي اسبوع افكر في ذا الموضوع
سلطان وهو يعدل جلسته: يا طويل العمر و السلامه الموضوع عن بنت
زايد باستغراب: بنت وش تقول انت
ياسر: وش الي بنت صدق انت صاحي وش ذا الكلام
سلطان: و انا صادق وش هي أجل رجال المهم ولد عمك ياسر يحب بنت ام احمد
زايد بصدمه: هاااه
سلطان: ايه ولا تدري من امل بنتها الصغيره ولا طول ما هي عندنا كان يحاول يشوفها و يكلمها الرجال
ياسر: الله يفضحك أن شاء الله انت ما يقال الك شي أصلاً
زايد: قل و الله طيب شفتها
ياسر: ايه و الله شفتها و ليتني ما شفتها
زايد: ليه وش فيها ما اعجبتك
ياسر: ما اعجبتني إلى و الله انها معجبتني و ما قدرت أنساء شكلها بعد
زايد بضحك: لا انت خلاص طحت شكلك
سلطان: ايه راح راح الرجال
ياسر بتنهد: اهههخ بس متى اخطبها ان شاء الله
زايد: أن شاء الله تكون من نصيبك قل امين
ياسر: امين امين امين
___٭___
عند البنات ..
في غرفة غلا و نوف قامت غلا و صلت وجت تتصحي نوف: نوف قومي قومي
نوف: هاه شتبين
غلا: وش ابي يعني قومي صلي
نوف: طيب دقيقه بس
غلا: دقيقه هاه أنا اعرفك دقيقه عندك ساعه تتقومين ولا و الله أصب وفق راسك الماء
نوف نقزت: هاه الماء
غلا بضحك: ايه الماء
نوف بتنهد: خلاص قمت
غلا: شطوره يلاه قومي
قامت نوف و راحت تتوضي و تصلي قعدت غلا في الغرفه إلى تدخل عليها جدتها: غلا وينك يا غلا
غلا: هاه يا جده وش فيك
ام سعد: وش فيني جيت ابي اسولف عندكن ما لقيت احد صاحي في البيت غيركن
غلا بضحك: طيب تعالي
ام سعد جت و جلست عند غلا قالت: نوف وينها فيه
نوف: هاه جيت وشلونك
ام سعد: طيبه الحمدلله
نوف: جده مو من عوايدك تجين عندنا ما لقيتي احد صاحي شكلك
ام سعد: ايه و الله ما فيه احد صاحي و جيت عندكم اسولف شوي
نوف: اها
غلا: جده شفتي ياسر و انتي جايه
ام سعد: لا بس اسمع أصواته هو و زايد يطالبون
نوف: اكيد على سالم و زيد
غلا: ليه
نوف: يمكن متأخرين على الصلاة مدري بس اكيد
ام سعد: الظاهر و اسمع صوت سلطان شكله جايهم
غلا: ماني بمصدقه أن بكره العيد و اليوم اخر يوم رمضان
نوف: مثلك و الله بس وش نسوي
ام سعد: ايه و الله راح بسرعة البرق الله يتقبل منا بس
غلا: اللهم امين ياربي
نوف: امين امين
ام سعد: قومن سون الفطور لا تتاخرن عشان اليل تشتغلن براحتكن في انفسكن
نوف بضحك: فاهمه الوضع انتي يا جده
غلا ردت: ما الها حيله من كثر ما شافتنا كل ليله عيد
نوف: صدق قومي لا نتاخر ما اكلها إلى انا و انتي
غلا: يلاه قومي اجل جده تعالي معنا
ام سعد: يلاه قومن يمكن اساعدكن بعد
غلا قعدت تضحك: قومي طيب
قامن البنات و معهن ام سعد
___٭___
في بيت ام احمد ..
البنات قايمات من بدري و بدن يجهزن الفطور قالت اسماء: هاه اموله وش مجهزه ال العيد
امل: مجهزه وش بظبط يعني
اسماء: يعني وش جهزتي خلصتي ولا ما خلصتي
امل: ايه خالصه من متى
اسماء: الفستان حقك جاك ولا لا
امل: ايه جاي قبل امس
اسماء: اشوا كنت أحسبه بيطول
امل: لا الحمدلله وصل على الوقت و انتي جاء
اسماء: ايه جايني قبل رمضان شهر ثمانيه
امل: ما شاء الله
دخل احمد عليهم و هو معصب قالت امل: احمد وش فيك
احمد: بقول الكن شي بس ابي منكن شي واحد تقنعن امي معي فهمتن
اسماء: خير ان شاء الله وش ها الموضوع
امل: وش فيك احمد انت صاحي وش تبينا نقنع امي فيه هاه ؟!
(البارت ذا قصير شوي بس البارت الي بعده بيكون طويل عشان كذا خليت ذا قصير)
(انتهاء البارت) ..
