في صباح أول يوم من رمضان
.
.
.
في بيت ابو ياسر ..
بعد ما تسحرو قامو البنات للمطبخ و شالو الاغراض و دخل عليهم ياسر: هاه يا وخياتي تبني اساعدكن بشي
غلا: لا مشكور رح أنا و البنات نتساعد انت بكره وراك دوام
ياسر: لا تذكريني في الدوام انسدت نفسي
البنات ملاحظين على ياسر من رجع من الدوام و هو متضايق سئلته وتين:ياسر انت وشفيك صاير لك شي بدوامك علمهم ياسر موقفه مع امل طبعأ كلهن يعرفن امل و يتمنن انها تكون من نصيب ياسر بس ماودهن يقولن اله
غلا: طيب يمكن مستحيه منك ولا تالي تتكلم معك في المستشفى لا تحط في ذمتك
ياسر خلاهن و طلع لمجلس الرجال جت ام سلطان و سمعتهن يتكلمون بس ما تدري وش السالفة
أم سلطان: وش عندكم انتم متجمعين وش يقول الكن اخوكن
ود: و انتي وش تبين ب العلوم سالفه بين اخوان مالك دخل
سكتتها غلا: ما فيه شي يا ام سلطان يقول النا تبن مساعده وقلنا لا وراح
ام سلطان ما صدقت و طلعت من المطبخ
غلا: انتي صاحيه وش له تصارخين عليها تبينها تكبر السالفة وتقول ل عمي علينا
ود: ما عليك منها ما عندها شغل غير التلقف على الناس
_____________٭____________
في بيت ام احمد ..
البنات و أمهم آلهتهم السوالف سالفه تجر سالفه الين سمعو الاذان بس لحقو على الشرب قامت أم أحمد:يلاه يا بنات تصبحن على خير بروح اصلي و انام لين اذان الظهر لا يفوتني
قامت ام احمد و البنات قامو على المطبخ و غسلو الصحون و سوو كل شي
اسماء: امل بكره عندك دوام
امل: اي ولله ما فيه راحه النا حتى في رمضان اللّه يعين بس
اسماء: للحين تفكرين في ذاك الموضوع
امل وهي تحاول تتجاهل السوال: اي موضوع؟
اسماء:لا ولله لا تسوين نفسك ناسيه وخيتي و اعرفك زين
امل: انتي ما يفوتك شي سبحان اللّه
اسماء: اي ما يفوتني شي بسم اللّه علي يلاه قولي وش تفكرين فيه
امل: ياربي احس ان تصرفي ماله داعي يعني أنا اعرفه و اعرف أهله و جدته خالتي وش فيها لو رديت عليه الحين وش يفكر فيه عني يقول ذي متكبره ولا وش يقول
اسماء: أقول بس خليه يفكر بلي يريحه انتي روحي نامي وراك دوام و خليني استغفر ربي في ها الشهر الفضيل
طلعت امل وهي للحين تفكر في ياسر وكيف تعتذر منه
_____________٭____________
عند ياسر صحى الساعه 7 و تجهز لدوامه بس كنه حس بدوخه: بسم الله وش صار خل اقعد شوي
قعد ياسر طلعت غلا من غرفتها وشافته قاعد وكنه تعبان جته: ياسر شفيك قاعد مو كنك تاخرت على دوامك
ياسر: لا بس كني حسيت بدوخه قلت اقعد دقائق لين تخف ثم اطلع
غلا بخوف: وش دوخته ما تسحرت انت لا تداوم اليوم ولا خل اجيب لك شي تاكل
ياسر: لا يا بنت الحلال ما فيني شي و متسحر و كل شي ماني بكاسر صيامي عشان دوخه خفيفه بعدين مين الدكتور أنا ولا انتي
غلا: بس
ياسر: لا بس ولا شي روحي نامي و انا بروح كني اشواى الحين يلا
غلا: بس اذا وصلت ال مستشفى كلمني عشان اطمن
ياسر: طيب من عيوني الثنتين بس لحد يدري طيب
غلا: ابشر
ياسر: تبشرين بالجنه يا عيون اخوك
طلع ياسر لدوامه وهو للحين حاس أنه دايخ بس ما يبي يبين ال غلا عشان ما تخاف تتوتر
وصل المستشفى دخل و قعد يفحص المرضى بس للحين حاس بدوخه دق عليه سلطان: صبحت بالخير وشلونك مع اول يوم صيام
ياسر: هلا صباح النور ولله اني حاسه بدوخه خفيفه قبل لا اطلع من البيت وللحين احس
سلطان: تبيني اجيك
ياسر: لا يارجال لا تجي ولا شي ما تحمل
سلطان بصوت ضحك: نقول البنت خالتنا تنتبه لك هاه ههههه
ياسر: انت ما يقال لك شي أنساء ياخي ما ابي اكلمها اصلا مو اخليها تنتبه علي
سلطان: طيب خلاص انتي انت ال نفسك الحي أنا في المحكمه اكلمك اذا جيت الفطور
سكر سلطان و ياسر حاس بدوخه شاف امل جايه يم الطرف الي هو فيه هو قام بيروح بس داخ و طاح على الأرض امل خافت وجته تركض بسرعه نادت الممرضين أخذوه دخلوه الغرفه طلع الدكتور و امل واقفه تبكي لا شعوريا ولا تعرف ليه تبكي عليه
امل: هاه بشر يا دكتور وش فيه ليه طاح على الأرض مغمى عليه
الدكتور: لا ما فيه شي بس بسبب الصيام اغمى عليه خليه يرتاح وبس
راح الدكتور و امل للحين تبكي: امل ليش تبكين عليه خلاص وقفي لحد يشوفك تبكين كذا
دخلت امل على ياسر الغرفه شافته على السرير بس حست انها تتبكي و طلعت على طول عشان ما يشوفها راحت ركبت مع سواقها وراحت لبيتها
ياسر صحى على احد يتنفس عنده بقوه بس يوم قام ما لقى احد عنده: من ذا الي كان هنا و انا وش صار لي
طلع من الغرفه و راح سالئل الممرضين وش صار و علموه كيف أمل ساعدته و كيف كانت تبكي
ياسر فرح من داخل يوم عرف انها بكت عشانه بس ما بين ها الفرحه انتهى الدوام وهو للحين وده يشوف امل و يشكرها: يلا ما عليه مصيري شايفها كل يوم هي هنا
طلع و راح للبيت
