في بيت ابو ياسر ..
دخلت غلا على البنات في المجلس كانو جالسين و جلست عندهم قالت ود: غلا وين رحتي
غلا: هاه
ود: اقول وين رحتي؟
غلا: كنت عند ياسر
وتين: سئلتيه وش يبون في جده و امي قبل شوي؟
نوف: ايه صدق سئلتيه
غلا وهي متوتره: لااا مدري
نوف: كيف ما تدرين
اسماء: توترت البنت اسكتو عنها
غلا: ايه اسكتي انتي وياها بعدين ما سئلته
نوف: ما سئلتيه ولا تخبين عنا شي
امل: خلاص بنات غيرو السالفه
ود: نسكر على السالفه وش عندنا
نوف: ايه امل بسئلك
امل: وش اسئلي؟
نوف: ما تتذكرين الي شفتيه ذيك الليله
امل: لاا بس لو اعرفه خوفني تخويف الله يسامحه بس
ود: قاعد يتأمل فيك اكيد
نوف: ماله حيله لو أنا ولد كان تاملتها ال ساعات
وتين: هو مسكين دقيقه ولا تهنى فيها
غلا تقول في داخلها: اهخ لو يعرفون بس من
ود: مسكين صدق
امل: لا مو مسكين والله جالس يراقب من بعيد بعد في وش مسكين
نوف: اموت و اعرف من بس
امل: مثلك بس شكله بنموت ولا عرفنا
غلا مع نفسها: لا تتعرفينه قريب إن شاء الله
نوف: متى تتروحون بنات أن شاء لله مطولين
اسماء: ما ادري اسئلي امل هي القائد
نوف: اموله حبيبتي متى تتروحين
امل: ما ادري يمكن بكرا يمكن
نوف: حلو يعني انتي عندي ل بكرا
امل: اييه أن شاء الله
دخلت ام ياسر على البنات: غلا بنتي تعالي معي بنبسط في الحوش بنجلس هناك
غلا: طيب جيتك
ود: اجيكم ولا لا
غلا: لااا
ود: طيب بشويش
نوف: تحمست شكلها
غلا وهي تضحك: اسكتي
ام ياسر: يله تعالي يا غلا
طلعت غلا مع امها و راحو بياخذون الفرش للحوش غلا قالت ال امها: يمه ياسر وش يبي منكم يوم يناديكم هو او ابوي
ام ياسر: ما يبون شي يسولفون بس
غلا: يسولفون هاه!
ام ياسر: ايه ايه بس انتي ليه تسائلين كنك تحققين
غلا: لا شدعوه ما احقق معك انتي عاد هاوو
شالو الفرش و طلعو في الحوش و بسطو جت ام سعد و ام زايد و ام احمد و جلسو و جلست معهم ام ياسر
قالت إم سعد: غلا يا بنيتي عندك شغل
غلا: لا يا جده امري وش تبين
ام سعد: ما يأمر عليك عدو سوي لنا شاهين زوين من يدياتس و نادي البنات و تعالو
غلا: ابشريي من عينيا
ام سعد: تبشرين بالجنه ياحبيبتي
ام زايد: سنعه سنعه بنتنا ما شاء الله عليها
غلا: ايه ما عليس اعجبك
راحت غلا تتنادي البنات و تسوي الشاهي دخلت عليهم: يله بنات اطلعو برا في الحوش جده تقول خلهم يجون
نوف: طيب يله امشو عاد جلست الحوش ما تتفوت ابدد
امل: اييه والله انك صادقه
اسماء: و انتي وين تتروحين
غلا: بروح اسوي شاهي و اجيكم انتم اطلعو
وتين: ابجي معك أجل
امل: لاا أنا بروح معها انتم اطلعو
وتين: طيب كيفكم يلاه انتم امشو
نوف: يلاه
غلا: امشي اموله نسوي الشاهي
امل: جيتك يا غلو
غلا: غلو ما يقولها الي إلى ياسر و انتي الحين
امل وهي تبتسم ابتسامه خفيفه: اهاا صدق
___٭___
عند العيال ..
جو من صلات المغرب و جلسو في المجلس
زيد: تبون اسوي لكم ذاك الشاهي الي تحبونه
سلطان: ايه والله تسوي فينا خير ان سويته
ياسر: سو سو مصدع و ابي لي شاهي
سلطان: ياسر للحين تفكر في ذاك الموضوع
زايد: اكيد يفكر فيه وش بيفكر فيه غيره
ياسر: اييه والله ما ادري ليه بس ماني بمرتاح إلى لين يجيني الرد و توافق ولا بموتتت بسبب التفكير ذا
زيد: بسم الله عليك وش تموت
زايد: تموت بسبب انها ما وافقت عليك
سلطان: لذي الدرجه تحبها يا ياسر!!!
ياسر: لذي الدرجه و انا ما كلمتها حتى إلى مره او مرتين بالكثير
نقز زيد و قال وهو يضحك: الحب أفعال شوفو بيموت عشانها
ياسر وهو ياخذ في يده المخده: تتسكت ولا تجيك
زيد: لا خلاص سكتت ابشر
ياسر: ايه اشوا
سلطان: ياسر
ياسر: هلا
سلطان: تبي طريقه تخليك تتأكد فيها انها تحبك أو لا و تشوف تتوافق
عدل ياسر جلسته: اييييه تكفى كيف بس
سلطان: بسيطه تروح و تقابلها و تسئلها بنفسك ما دامها هنا قبل لا تروح و تقعد محتار
ياسر: هاه اقابلها ولا هنا بعد في بيتنا مجنون انت هاه كيفف اشوفها و فيه امي و جدتي وامها و البنات كيف قولي
زايد: صادق كيف و البيت ما شاءالله فلل مستحيل بينقفط
ياسر: انا اذا جيت اخذ لي شي يجيبونه البنات ما ادخل اخذه تبيني اروح اشوفها
زيد: والله ذي احسن طريقه عاد و كيفك
سلطان: كيفك جبت لك الحل انا و نجيب لك خطه ما عليك
زيد: تجرأ شوي وش بيصير يعني ما راح تقول ال احد مثل كل مره تتسكت
زايد: اسمع ذولي الثنين بيورطونك انحش منهم يا ولد انا بروح انتم اجلسو خططو بكيفكم
سلطان: ايه المرات الي راحت ما قالت ال احد شي تتقول الحين صحصح شوي
ياسر: هاه مدري مدري نقول راحت كيف بشوفها وهي وسط البنات كيف بكلمها
سلطان: مو الحين اكيد شوي اليل اذا نام البيت كله
ياسر: تتكون نايمه يا غبييي وين اجيها
سلطان: صح اقولك كنسلو الفكره دورو غيرها
زيد: عندي حل
ياسر: ياصبرررر قل انت الثاني وش خطتك بعد
زيد: تاخذ رقمها احسن حل ومحد بيلاحظ او يعرف
ياسر: فكرتك حلووه و مضمونه ولا فيها خطر بس منين اجيب رقمها
زيد: من خواتك سهله
سلطان: أكثر وحده تثق فيها منهم طبعنن
زيد: صح الي تقدر تمسك نفسها ولا تقول
ياسر: معروفه غلو اكيد ولا بعد هي تدري اني بخطبها
سلطان: كنت متوقع الوحيده الي ينوثق فيها هي غلا و انت تقول الها كل شي
ياسر: والله انك صادق الوحيد الي اقول لها كل شي
زيد: خلاص حلوو تروح و تأخذ رقم امل منها عاد الباقي عليك بعد ما تاخذ الرقم
ياسر: والله انك كفووو تعال احب راسك
زيد: شدعوه عاد انت اخوي اكيد بساعدك
سلطان وهو يضحك: شاطر شاطر بديت تتعلم مني الخطط
زيد وهو يبتسم: اعرف قبلك لا تسوي نفسك هاه
سلطان: طيب ابشر
___٭___
(انتهاء البارت)
