عند العيال ..
بعد ما خلصو الرجال من القهوه جاء العشاء و تعشو و كلن قام ال بيته قعدو العيال بيتعشون
قال سلطان: يا عيال وش رايكم نكمل السهره في المزرعه
زايد: ايه ولله بس خل نتعشى ثم نروح
سلطان: هاه وش رايكم انتم
ياسر: طيب انا موافق
سالم: قدامم معكم
زيد: يلاه ما ابي اكسر بخاطركم
سلطان: الله يا ابو خواطر
زايد: الله يسلمك ما قصرت
ياسر: يلاه اخلصو اجل عشان نروح لا نتاخر
خلصو العيال و قامو ب يرتبون المجلس و يجمعو الاغراض قال ابو ياسر: يا الربع قومو خل ناخذ النا غفوه
ابو زايد: ايه ولله اني تعبان من المشوار
ابو سلطان: وش رايكم نبسط في الحوش الين السحور
ابو ياسر: وش رايك يا ابو زايد
ابو زايد: ولله ما اقول شي
قامو الشياب بينامون
بعد ما خلصو العيال شغل قال سالم: هاه يلاه خلصتو نروح
سلطان: اوهه خلاص خلصنا خل نطلع بسرعه
ياسر: دقيقه انا بروح اودي عشاء الحريم و أعلمهم و اجيكم برا
زايد: يلاه وده بسرعه لا تتأخر عليهم
راح ياسر و وقف في المطبخ و معه صينيه نزلها: يا بنات يا غلا تعالي
عند الحريم كانو قاعدين البنات يسولفون قالت ود: غلا فيه احد يناديك
وتين: من ذا
غلا: و من بيكون يعني ياسر اكيد، قامت غلا و راحت ال ياسر في المطبخ
نوف: الله يعينك فاهمه معاناتك
ود: انتي الي الله يعينك عندك ثلاثه حنا على الأقل واحد الحمد لله
نوف: ههههه و الله صدق أنهم يكرفوني و عاد انا مسيكينه بغير وحده عندهم
عند ياسر جته غلا: هاه وينك من اليوم انتظر
غلا: هاه جيت وش فيه كان نزلتها و رحت
ياسر: لا كنت بعلمك اني بروح مع العيال ال المزرعه بنسهر فيها إلى وقت السحور
غلا: طيب رح أنا أقول الهم ان سئلو وينكم
ياسر: مشكوره يا وخيتي يلاه سلام
طلع ياسر و راح و غلا قعدت تجهز الاغراض و ترتبها
____٭____
عند البنات ..
قعدو البنات على صحن و الحريم الكبار على الصحن الثاني قالت ود: بنات
قاطعتها وتين: اسئلي وش عندك
ود: كيف عرفتي
امل: صدق كيف عرفتي انها تتسئل
وتين: اختي و حافظتك
نوف: هههههه ولله اني داريه بعد انها تتسئلها عن شي
ود: طيب خلاص بقول الكم السوال
غلا: قولي خلصينا
ود: وش تفكرون فيه عن مستقبلكم و احلامكم
وتين: بجاوبك أنا اول وحده
ود: يلاه جاوبي يا العبقرية
وتين: اتزوج و يصير عندي عيال بنتين و ولد و زوجي يحبني وبس ذي أحلامي للمستقبل
نوف: وعععع وش ذا المستقبل المخيس
غلا: صراحه اول مره اتفق مع نوف بشي وش ذا صدق
اسماء: اخخ يا وتين حلمك ذا كلنا ما نبيه الى انتي تبينه
امل: بنات خلوها كيفها يمكن تحب تكون ام عادي ما فيها شي
وتين: اييه صدق بعدين قولو انتم احلامكم ابهروني
غلا: أنا بقول لكم وش حلمي
نوف: قولي يلاه
غلا: ودي ادرس و اتخرج بسرعه بس ذا حلمي و يجيني فارس احلامي بس مو نفس حق وتين
نوف بضحك: اهم شي مو نفس وتين صدق
ود: يلا يا اسماء دورك
اسماء: الصراحه ما عندي حلم بس يمكن نفس حلم وتين
نوف: يا ويليي وش فيكم بنات شكلكم ناوين تتزوجون
ود: صدق باقي انتي و امل جاوبن
امل: أنا حققت حلمي و صرت دكتوره خلاص ما فيه خلم غيره عندي
نوف: اخيراااا وحده ما تحلم تتزوج
امل: طيب قولي انتي حلمك يا نوف باقي انتي
نوف: اكيد حلمي عباره عن اقعد في البيت مرتاحه لا زواج ولا شغل اهم شي ارتاح
امل: الله حلمك كلن يحلم فيه
ود: حتى ولله انا بعد نفس حلم نوف
نوف: اخخ بنت عمي ذي احسها توامي
غلا: حتى انا و الله بديت احس انا سارقينها منكم
امل بضحك: ليه تحسين كذا
غلا: ما تشبهنا في شي تشبه نوف سبحان الله
ود: أقول لكم ليش ما اشبهكم
غلا: تكفينن
ود: لاني ما افكر نفسكم في اول شي الشغل و الكرف لا افكر في راحتي اول
نوف: الله نفسي
غلا: اقنعتيني انك تشبهينها
ود: ما عليك منهم عقليتنا تحب الراحه اما هم الشغل
نوف: صدق وش نبي في الشغل اصلا وش نفعه
ود: صادقه
